CEIP Juan Fernández Latorre

Celebrámolo o luns 25 de maio no Salón de Actos do Colexio. Realizamos dous festivais, o primeiro para os máis pequenos e o segundo para o resto. queremos agradecer a todos os participantes a implicación e o empeño posto para as diferentes actuacións; alumnado e profesorado.

Entre o luns 18 e o venres 22 de maio deste 2015 celebramos unha semana especial, desenvolvendo actividades moi relacionadas coa expresión da nosa cultura  e tradición. Nesta ocasión falamos da actividade de xogos tradicionais que durante todos os recreos tivo lugar no patio para o alumnado de primaria. Contamos coa colaboración da A. C. "A Modiño" que prestounos parte do material utilizado, e tamén coa implicación de alumnado de 6ºEP na monitorización dos xogos. A outra actividade, consistía na realización de talleres de oleiros, impartidos por un experto artesán de Buño, e como protagonistas, o alumnado de infantil e 6ºEP. Ademáis a exposición do autor homenaxeado, e como guinda teremos o Festival das Letras o vindeiro luns 25.

Este ano 2015 o autor homenaxeado no día das Letras Galegas é Xosé Filgueira Valverde.

Nace na Praza do Peirao de Pontevedra o 28 de outubro de 1906. Os seus país foron a granadina Araceli Valverde Yaquero e Xosé María Filgueira Martínez, médico pontevedrés.

De neno estudou en Pontevedra e sempre sacou boas notas. Despois licenciouse en Dereito pola Universidade de Santiago de Compostela obtendo o Premio Extraordinario de Fin de Carreira. Tamén se doutorou en Filosofía e Letras na universidade de Zaragoza cunha tese sobre unha das Cantigas de Santa María de Alfonso X, titulada «La cantiga CIII. Noción del tiempo y gozo eterno en la narrativa medieval»

No ano 1923 foi un dos membros fundadores do Seminario de Estudos Galegos. Exerceu como profesor de Lingua e Literatura Española en diferentes institutos de Barcelona, Lugo e Pontevedra. Foi director do Instituto masculino de Pontevedra desde o ano 1946 ao 1976

En 1942 ingresou na Real Academia Galega. Tamén foi alcalde da cidade de Pontevedra no periódo comprendido entre o ano 1959 e o 1968.

Dirixiu o Instituto Padre Sarmiento de Estudos Galegos e o Museo de Pontevedra.

En 1981 foi nomeado Consellerio de Cultura da Xunta de Galicia, defendendo o bilingüismo nas aulas e sendo o encargado de implantar o galego no ensino.

Foi presidente do Consello da Cultura Galega desde o ano 1990 ata o seu falecemento no ano 1996 con 90 anos de idade.

Recibiu númerosos premios entre os que destacan, o Premio da Crítica das Letras e das Artes, a Medalla de Ouro da provincia de Pontevedra,  Fillo predilecto de Pontevedra e Doutor Honoris Causa por distintas universidades españolas.

 Algunhas das súas publicacións son:

 Seis cantigas de mar in modo antico.

A lírica medieval galega

O vigairo

Farsa para rapaces

Agromar

Quintana viva

Marta Fernández, 4º A

Finalizado o prazo de reclamacións e resoltas as solicitudes de alumnado con necesidade de apoio educativo, pasamos a publicar as listaxes definitivas de alumnado que solicitou praza para o curso 2015-16 (admitidos e non admitidos). Ante estas listaxes pódese recurrir cun recurso de alzada ante o Xefe Territorial de Educación, no prazo dun mes a partir de hoxe 13 de maio.

3 anos 4 anos 5 anos 1ºEP 3ºEP 4ºEP

O prazo para formalizar a matrícula das solicitudes admitidas será do 20 ao 30 de xuño na Secretaría do Colexio. Quen non formalice a matrícula dentro deste período, perderá o dereito á praza, en detrimento dos seguintes da listaxe.

Informamos tamén, de que a reunión coas familias do alumnado admitido de 4º de Infantil (3 anos) terá lugar o día 25 de xuño ás 17h no Salón de Actos do Colexio.

Dende a web, queremos agradecer a vosa desinteresada colaboración coa ONG Equus Zebra, na campaña de recollida de roupa que remata este martes 12 de maio. O certo é que sorprendeu a gran cantidade de kilos de roupa depositados no Colexio, e que agardamos que sirvan para mellorar a situación de moitas familias que están a pasar dificultades.

O Teatro Rosalía de Castro foi o escenario da Gala Final dos Xogos Escolares do Concello, na que o Colexio estivo ben representado polos integrantes do equipo de volei, que acadou un meritorio terceiro posto. Nesta edición houbo alumnado do Centro participante, tamén en balonmán, baloncesto e tenis. Norabóa a todos-as os participantes, e para o vindeiro curso + deporte, + compañeiros, + diversión, + felicidade.

Coa recente ganancia de terreos decidimos, dun xeito experimental, implementar ás actividades educativas un pequeno horto, cun eminente carácter educativo. Ata final de curso, gran parte do alumnado está a plantar diferentes productos (cebolas, calabacíns, tomates, leitugas, etc). Agardamos a nosa "primeira colleita" para antes da finalización do curso. Estade atentos!!