CEIP Juan Fernández Latorre

Xa están aquí as festas de nadal, e os máis pequenos serán os auténticos protagonistas. Dende o Concello de A Coruña organizan múltiples actividades para disfrutar destas festas coa familia e os amigos. Aquí tedes o folleto informativo: FOLLETO 1 e FOLLETO 2

Tamén a Fundación María José Jove oferta o Festival de Títeres nas súas instalacións de A Grela ou no Forum Metropolitano con obras moi divertidas e interesantes a precios populares.

Programación Deportiva "Navidad 2014"

Para conmemorar o Día Mundial das Persoas con Discapacidade, este curso decidimos realizar unha actividade na que o alumnado tivo a oportunidade de experimentar coas sensacións, e sobre todo limitacións das persoas con discapacidade visual, motriz ou da linguaxe. Todos, dende 3 anos a 6º de Primaria   realizaron un circuito axudados polos propios compañeiros. Esta actividade, un curso máis, organizouna o Equipo de Dinamización da Convivencia do Colexio, coa colaboración dos profes de educación física.

O mércores 3 de decembro, o responsable de Protección Civil do Concello, Federico, deu unha charla sobre esta temática ao alumnado de 6º de Ed Primaria. Consideramos que foi moi interesante, houbo moitos temas e moitas preguntas. Dende a chamada ao 112, pasando por RCP, maniobras de recuperación, etc. Gracias ao Concello pola oportunidade que nos brindou.

Celebradas as eleccións de membros do Consello Escolar, detallamos os resultados finais.

Representantes de nais/pais elixidos:

• Ana Paula Eitor Bandín - 21 votos
• María García Estévez - 14 votos

Representantes do profesorado elixidos:

• Benjamín Prieto Ballestín - 14 votos
• Mª Azucena Dopico Viña - 8 votos

O luns 1 de decembro constituiremos o Consello Escolar cos novos membros e os que continúan. Moitas grazas a todos-as.

Despóis de tentar á sorte, conseguimos asar as castañas e celebrar o noso tradicional magosto. A implicación de todas e todos foi unha vez máis garantía de éxito, na realización dunha actividade común. Noraboa.

O Magosto celébrase o venres 14 de novembro máis ou menos sobre as 12 horas no colexio Juan Fernández Latorre. Comeremos castañas e veremos a actuación dos nenos de Donaire que veñen a este colexio. Tamén poden participar os pais, os avós, os tíos, as tías… e moita máis xente. Esta festa celébrase para que non se perda a tradición e tamén para divertirse.

A min encántanme as castañas. E a ti? 

Helena

XOGO INFANTIL      XOGO PRIMARIA      DÍPTICO INFORMATIVO

Un curso máis celebramos esta festa tradicional. Abraiados pola cantidade e calidade da vosa participación, non queda senón agradecervos o voso interese e colaboración. Permitídeme que especialmente, recoñeza ao Equipo de Dinamización da Língua Galega, a Biblioteca, a APA por impulsar e colaborar na organización e desenvolvemento da actividade.

Victoria

O 30 de outubro celebramos o Samaín, no Colexio “Juan Fernández Latorre”.

O Samaín é unha celebración tradicional de Galicia para recordar aos mortos. Esta festa celébrase dende hai moitos anos, porque é unha forma de pasalo ben e á vez de honrar aos que xa non están con nós.

O día 29 deixamos as cabazas decoradas con caras terribles no Colexio. O día 30, pola tarde acenderanse e iremos con elas desfilando ata a praza de Pablo Iglesías, faremos unha paradiña no cemiterio de Oza, onde os gaiteiros da Asociación IAR tocarán unha canción para honrar  aos nosos defuntos.

Ao rematar, eu deixo a cabaza na praza que está fronte a miña casa para asustar á xente que pasa; anímaste a deixar a túa?

Javier, Laura N e Nora

O venres 24 de outubro disfrutamos, no Salón de Actos, dunha interesante charla sobre as orixes celtas e galaicas, da celebración do Samain. Para isto contamos coa presenza do profesor cedeirense Rafael López Loureiro, personaxe clave para entender a recuperación desta tradición en Galicia. 

Agradecemos tamén a AAVV IAR a súa colaboración co Colexio para organizar este acto, co que iniciamos os festexos do Samaín no Centro.