CEIP Juan Fernández Latorre

O mércores 29 de abril realizamos, como está establecido anualmente, o simulacro de evacuación do Colexio. Destacamos unha vez máis, o escaso tempo que foi necesario, 3 minutos e coarenta segundos. 

Destacamos ao alumnado - 475 -, que realizou a evacuación do edificio seguindo as normas establecidas, colaborando co profesorado na correcta realización desta actividade.

Rematado o proceso de revisión e valoración da documentación alegada nas diferentes solicitudes, pasamos a publicar as listaxes de solicitantes, admitidos e non admitidos, nos diferentes cursos.

Ata o mércores 29 de abril, pódense formular reclamacións na secretaría do Centro. Antes do 15 de maio publicaremos os listados definitivos, onde xa poderemos asignar as 50 prazas en 4º de Infantil, unha vez que a Comisión de Escolarización de A Coruña tome unha decisión sobre as solicitudes de alumnado con necesidades específicas de apoio educativo.

O venres 10 de abril, estivo co alumnado de 5º e 6º de Primaria unha xoven escritora, Ledicia Costas, que, a pesares da súa xuventude ten xa publicados varios libros e conseguido numerosos premios. Aínda que é avogada, decidiu dedicarse por completo á literatura e, moi comprometida coa nosa lingua, escribe sempre en galego. Pasámolo moi ben, resultou moi divertida e, ademais como sabía escoitar moi ben, todos e todas puidemos falar con ela, facerlle preguntas sobre a súa obra e sobre ela mesma e expresar as nosas opinións. Despois de asinar varios libros, permitiunos realizarlle esta entrevista que podedes ver neste vídeo.

Como colofón a este segundo trimestre, contamos coa visita do escritor Anxo Moure, onde o alumnado de 1º e 2º de primaria disfrutou da divertida sesión que preparou este orixinal escritor, co que xa contamos noutras ocasións.

Despóis, no recreo, vistáronnos sete alumnos-as do CEIP S. Francisco Javier, que están enrolados nunha campaña de voluntariado en bibliotecas escolares, e que viñeron a contarnos un relato elaborado por eles, "O rato Iago", do que poideron disfrutar todos no salón de actos.

Despóis de moitos anos de xestións, escritos, entrevistas, etc, o Concello cedeu ao Colexio a parcela anexa ao parque infantil. Todos lembrades que era un terreno degradado, e que non tiña moito sentido, e moito menos, uso e mantenemento. Como vedes na fotografía, recentemente botáronse máis de 23 camións de terra para igualar o terreno, eliminouse o antigo cierre deteriorado e colocouse na entrada unha nova malla metálica máis segura e moderna. A pasada semana botouse a semente da herba, e agardamos que nun par de meses poidamos disfrutar dun terreno cunha cor ben diferente. Ademáis avanzamos que nunha pequena zona poñeremos en marcha unha horta ecolóxica para que o alumnado aprenda e disfrute cultivando productos como cebolas, leitugas, tomates, etc.

Finalmente esta Dirección quere agradecer ao Servizo Municipal de Educación e á Concellaría de Urbanismo o seu traballo e sensibilidade para que este novo e grande espazo verde do Colexio sexa unha realidade.

Dende o 18 de marzo e ata o 7 de abril pódense solicitar as becas do Concello de A Coruña para o pago do servizo  dos comedores escolares dos colexios no vindeiro curso 2015/16. Os impresos e toda a información está dispoñible nos centros cívicos, na sección de asuntos sociais. Toda a información da convocatoria tamén, facendo clic na imaxe.

Finalmente, hoxe venres 6 de marzo, na Casa Museo de Rosalía en Padrón, tivo lugar a entrega de galardóns aos colexios participantes na campaña Nós Tamén Creamos do curso 2013-14. O proxecto consistía na elaboración dunha curtametraxe coa técnica "stop motion" sobre un libro infantil. O noso Colexio levou á pantalla o título "Non quero ser un polbo" e recibíu o premio pola ambientación musical e a expresividade. Norabóa ao alumnado de 1º e 2º que participou na elaboración de personaxes e nos diálogos, e parabéns ao profesorado que desenvolveu este traballo: María José Fernández, Virginia Pato, Ana Sánchez, Sol Garrido, Fran Manteiga e Pablo Rey.

 A partires do luns 23 de febreiro as familias interesadas terán a súa disposición, na conserxería do Colexio, un sobre coa solicitude a cumprimentar e toda a información relacionada co proceso de admisión. Entre os días 2 e 23 de marzo poderase solicitar praza para o vindeiro curso, presentando a solicitude e demáis documentación na Secretaría do Centro.

Tamén podedes consultar toda a información a través dos diferentes enlaces que a continuación relacionamos:

- SOLICITUDE (anexo II) 

- INSTRUCCIÓNS E VACANTES

- PLANO DE ZONAS DOS COLEXIOS PÚBLICOS

- RELACIÓN DE RÚAS DO ÁMBITO DE INFLUENCIA DESTE COLEXIO

- HORARIO DE SECRETARÍA PARA ENTREGA DE SOLICITUDES

- O COLEXIO ASIGNARÁ UN PUNTO A TODAS AS SOLICITUDES QUE SOLICITEN EN PRIMEIRO LUGAR UN CENTRO PÚBLICO.

- A XORNADA DE PORTAS ABERTAS SERÁ O LUNS 9 DE MARZO ÁS 18H. 

- LEXISLACIÓN APLICABLE

A PINTURA, este foi o tema central sobre o que tratou o Festival de Entroido celebrado o venres 13 de febreiro. O certo é que o único que non acompañou foi o tempo, pero como dí o refrán, "a mal tempo boa cara", e o resultado foi excelente. Unha vez máis, o traballo en conxunto deu os seus froitos, e poidemos disfrutar dunhas actuacións magníficas, con excelentes e orixinais coreografías e uns disfraces sorprendentes e cheos de colorido. Grazas ao alumnado, profesorado e familias pola colaboración e o entusiasmo posto nesta actividade.