CEIP Juan Fernández Latorre

Nestes comezos de curso tivemos a oportunidade de contar coa presencia dun grupo de músicos e cantareiras da Asociación de Veciños do barrio, IAR que viñeron a realizar unha actividade didáctica na que presentaron os instrumentos básicos da nosa música, así como outras curiosidades moi interesantes.

Xa están en ruta as mochilas viaxeiras. Un curso máis o equipo de profesores da Biblioteca, con Loli ao frente, poñen en marcha esta iniciativa que pretende apoiar o fomento da lectura no entorno familiar. Agardamos as vosas aportacións e suxerencias nos cadernos que conteñen as mochilas.

A partires do luns 14 de outubro, e ata decembro, comeza a actividade de Creación de curtametraxes en língua galega para 6º de primaria, os luns e mércores de 17,10 a 18h.

Tamén empeza nesa semana Listen and Speak co seguinte horario:

- 3º e 4º de Primaria os luns e mércores de 16 a 17h.

- 5º e 6º de Primaria os martes e xoves de 17 a 18h.

Dende outubro e ata finais de decembro o noso Colexio será beneficiario do desenvolvemento deste programa municipal, que consiste en diferentes charlas educativas e informativas para o alumnado e as familias, con temáticas diversas; médica, afectivo-sexual, educación social, emocional, etc. As charlas para o alumnado serán polas mañáns, e para as familias polas tardes de 4 a 5,30h, contando coa posibilidade de deixar aos nenos-as realizando talleres paralelos. Dende aquí os animamos a participar acudindo ás diferentes charlas, onde encontraredes unha importante axuda na tarefa de educar na familia.

CIRCULAR INFORMATIVA COS HORARIOS DAS ACTIVIDADES EXTRAESCOLARES 2013-14.

Os días 26 e 27 viñeron ao Colexio Alex e Juan profesores de judo que moitos xa coñecedes. Nesta ocasión a idea foi a de promocionar, unha vez máis, unha práctica deportiva que conta con moitos beneficios recoñecidos, e ademáis inculca importantes valores deportivos e sociais. O alumnado de 1º, 2º e 3º foi o obxectivo desta iniciativa. Continuaremos achegando a todos a posibilidade de coñecer diferentes disciplinas deportivas.

Colgamos aquí toda a información que precisades para coñecer toda a oferta de actividades extraescolares durante o presente curso. Atoparedes actividades organizadas exclusivamente pola ANPA e outras en colaboración co Concello de A Coruña a través do Servizo Municipal de Educación. Moitas delas terminan o prazo de matrícula antes do 28  de setembro.

CIRCULAR DO ANPA

PLANNING DE ACTIVIDADES

LISTEN AND SPEAK

XOGOS ESCOLARES

Lembrades aquel mercadillo solidario de xoguetes a finais do mes de xaneiro, no que pretendíamos recaudar a maior cantidade de cartos posible para construir unha escola nova nunha aldea de Guinea Bissau. Pois agora María, a responsable de Miradas al Mundo, quere compartir con todos un vídeo no que todos os nenos e nenas da aldea agradecen a axuda recibida aos nenos do noso colexio e doutros que tamén colaboraron.
https://plus.google.com/u/0/photos/115450016972353934311/albums/55406473...

O mércores 11 de setembro iniciamos o curso 2013-14 con normalidade, pero sobre todo con moita ilusión e gañas de que todo funcione o mellor posible.

Recibimos a visita, para inaugurar o curso, da Delegada Provincial, do Xefe da Inspección Educativa de A Coruña e da na nosa inspectora. Acompañados polos medios de comunicación fixemos un percorrido polas instalacións e as aulas do Colexio, e tiveron ocasión de falar con alumnos e profesoras.

Como todos os comezos de curso entregamos a importante circular de inicio na que atoparedes información moi útil durante todo o curso. Deixamos unha copia aquí para que a consultedes en calquera momento.