CEIP Juan Fernández Latorre

A Consellería de Educación da Xunta de Galicia ven de publicar a convocatoria anual para beneficiarse dos libros gratuitos en primaria, así como as axudas para a adquisición de material escolar, para o vindeiro curso 2024-25. O prazo está aberto ata o 21 de xuño de 2024, e a presentación da solicitude pode ser presencial na secretaría do Colexio entregando os anexos I e II debidamente cumprimentados, ou ben presentando estes anexos-solicitude telemáticamente a través da aplicación Fondolibros ou en Chave 365.

• CIRCULAR INFORMATIVA DO COLEXIO
• ORDE PUBLICADA NO DOG
• ANEXOS I E II
• APLICACIÓN FONDOLIBROS
• SEDE ELECTRÓNICA DA XUNTA DE GALICIA 

Infórmase da publicación no taboleiro do centro das LISTAXES DEFINITIVAS DE ADMITIDOS E NON ADMITIDOS para o curso 2024-2025.

Unha mostra do que facemos este curso nos recreos coa colaboración e compromiso dos voluntarios de 5º e 6ºEP. Grazas por facer os recreos máis dinámicos, inclusivos e sobre todo divertidos.

RECURSOS

Este ano a Real Academia Galega dedícalle a Luisa Villalta o Día das Letras Galegas. 

Deixámosvos diferentes páxinas con recursos educativos para traballar a súa figura (vida e obra). 

- Blogue da biblioteca: Genially con recursos e calendario. 

- Seminario Galán: recursos en papel, xogos interactivos, escolma de textos, paneis de robótica...

- Primavera das Letras: Nesta web a Academia ofrece Violino, Inglesa e o libro xigante. Pequena biografía de Luísa Villalta, unha historia de Xoán Babarro e Ana María Fernández ilustrada por Óscar Villán, así como actividades interactivas ou fichas para colorear. 

- O Portal da Lingua Galega

 - Real Academia Galega: Podedes encontrar unha sección dedicada á protagonista do Día das Letras Galegas 2024, na que reúne distintos contidos divulgativos sobre a súa vida e a súa obra. Entre eles destacan a serie documental web Luísa Villalta, a rebelión da palabra, seis episodios nos que máis dunha vintena de voces trazan un retrato coral sobre a poeta, narradora, ensaísta e articulista coruñesa á que a institución lle dedica o vindeiro 17 de maio; e a biografía da homenaxeada.

XIV CONTOS COMPARTIDOS

CONTOS COMPARTIDOS 2024 de Raquel Martínez

CINTAS DE CORES CON MENSAXES  

LETRAS GALEGAS 2024 de Raquel Martínez

REVISTA AQUELARRE

Infórmase da publicación no taboleiro do centro das LISTAXES PROVISIONAIS DE ADMITIDOS E NON ADMITIDOS para o curso 2024-2025.

Tamén se poden consultar no seguinte enderezo web: https://www.edu.xunta.gal/admisionalumnado/ con chave 365 ou certificado dixital.

Prazo de reclamación: 5 días hábiles (ata o 3 de maio) dende a súa publicación.

Estimadas familias:  un ano máis ábrese o prazo para solicitar bolsa para o comedor escolar de cara o vindeiro curso. Deixamos aquí a información correspondente. Lembrade que o prazo para presentala é do 17 DE ABRIL ao 8 DE MAIO.

IMPORTANTE:  AS FAMILIAS NON TEÑEN QUE APORTAR O CERTIFICADO DE ASIGNACIÓN DE PRAZA NO CENTRO. Na solicitude xa se autoriza a consulta aos centros. 

CONVOCATORIA CONCELLO                                                                   

PÁXINA DE REFERENCIA PARA A TRAMITACIÓN                                                                                  

RESUMO

Estamos felices porque o reto das merendas saudables para os mércores foi un verdadeiro éxito. Por iso, pensamos en aumentar outro día para que cada vez os nosos hábitos alimenticios sexa mellores. Así teremos dous días de merendas saudables!

Animádesvos a superar tamén o reto  dos venres?

Un curso máis realizamos a convocatoria dos "CONTOS COMPARTIDOS". Animámosvos, familias a participar nela. Podedes consultar as bases no díptico que aquí aparece.

Esperamos a vosa participación!

O pasado xoves 29 de febreiro veu ao noso colexio por primeira vez unha compañía de teatro chamada Face 2 face para representar dúas obras en inglés. Para 1º, 2º e 3º de primaria foi "Jack and the giant" e para 4º, 5º e 6º "Trouble in the jungle". Esta última trataba dunha rapaza que vivía nunha árbore na selva xunto aos seus amigos animais.

Pareceunos moi entretida porque pediron voluntarios/as para participar na obra e disfrazáronos de animais. Tamén foi divertida porque os personaxes eran moi graciosos. 

(Ana, Antía, Alejandra e Hugo de 5ºB)

TEATRO EN INGLÉS de CEIP Fernández Latorre

Hoxe, 8 de marzo, Día Intenacional da Muller, poñemos en primeiro plano recursos para este día, de forma especial, e para todos os días, de forma xeral.

FELIZ 8 M!