Entrega da recaudación do mercadillo solidario

Tras unha semana de mercadillo solidario de xoguetes, chegou o momento da recollida dos artículos sobrantes e o reconto do diñeiro recaudado. Ata un total de 1221 euros conseguidos grazas a vosa solidaridade. Cartos que servirán nesta ocasión para colaborar na campaña de lámparas solares para as aldeas de Guinea Bissau onde traballa dende hai anos a ONG Miradas al Mundo, principalmente no ámbito da educación e a saúde. 

Tres alumnos do cole fixeron entrega da recaudación a Bebe e María, o venres 10 de febreiro.

Comeza a actividade de PROA

Dende o xoves 9 de febreiro iniciamos a actividade de reforzo e apoio escolar fora de horario lectivo, para o alumnado de 4º, 5º e 6º de primaria. Esta actividade pretende axudar ao alumnado participante, a que mellore as súas competencias matemáticas e lingüísticas, ademáis de axudarlles con hábitos e técnicas de estudo. A profesora encargada da actividade ata final de curso será Paula.

4ºEP 5ºEP 6ºEP
Mércores e venres de 16 a 18h Martes de 16h a 18,30h. Luns de 16 a 18,30h
  Xoves de 16 a 17,30h. Xoves de 17,30 a 19h.

 

 

Almorzos con beizos brancos

É o nome da campaña que desenvolve a Asociación Galega de Cooperativas Agroalimentarias coa axuda da Obra Social La Caixa, e na que participamos co alumnado de 5ºEP, para continuar o traballo de aprendizaxe e concienciación do alumnado no ámbito das actividades e hábitos de vida saudables. Neste caso, o almorzo saúdable e con produtos da terra, foi o eixe da actividade. Despois dunha charla cunha nutricionista o alumnado puido degustar unha merenda-almorzo a base de leite, cacao, mel, pan, aceite de oliva e mandarinas.

Todos xuntos pola Paz

Coa realización dun acto o 30 de xaneiro, e a participación no mercadillo solidario de xoguetes, quixemos conmemorar esta data e procurar afondar na cultura de paz e convivencia que dende o colexio queremos transmitir coa axuda imprescindible das familias.

Mercadillo de xoguetes

Achégase o Día Escolar pola Paz, e no Colexio queremos repetir unha experiencia xa realizada outros anos. Trátase dun mercadillo solidario de xoguetes para conseguir, coa recaudación, colaborar co proxecto Ilumina África da ONG Miradas al Mundo.

Tedes toda a información na CIRCULAR.                                                                                                               

 

          Resultado de imagen de miradas al mundo

Iniciamos o ano 2017

Co comezo de ano iniciamos o segundo trimestre do curso que terminará coa entrega de boletíns de notas o venres 24 de marzo, adiantándonos un pouco á Semana Santa, co fin de equilibrar a duración dos trimestres. Será un periodo lectivo con conmemoracións tradicionais como a muller traballadora, o Día pola Paz, o entroido e diferentes actividades e saídas que xa podedes consultar.

.

Entrega á Cociña Económica

Tras unha semana de recollida solidaria, hoxe luns, pasaron polo colexio traballadores da Cociña Económica, para levar a gran cantidade de produtos recollidos. Dende aquí agradecemos en nome da directiva da Cociña Económica a vosa solidaridade. Moitas Gracias!!!

Campaña solidaria

Ata o luns 19 de decembro podedes deixar no colexio os produtos de alimentación e/ou hixiene que poidades, para así conseguir paliar na medida do posible, as necesidades máis urxentes coas que se atopan as familias ou persoas que solicitan axuda á COCIÑA ECONÖMICA de A Coruña.

Powered by Drupal - Design by artinet