CEIP Juan Fernández Latorre

Publicouse no DOG a convocatoria anual para solicitar axudas para a compra de libros de texto para 1º e 2º de primaria, material escolar e participación no fondo público de libros para 3º e 4º de EP. O prazo terminará o 22 de xuño e premendo na imaxe tedes toda a información resumida.

• HORARIO DE SECRETARÍA: de 9,15h a 11h de luns a venres e os luns pola tarde de 16,15h a 18h
• ANEXO I  e ANEXO II
• MÁIS INFORMACIÓN SOBRE A CONVOCATORIA 
• APLICACIÓN FONDOLIBROS ( para facer a solicitude telemáticamente)

Celebramos o día das Letras Galegas con diferentes propostas educativas para o noso alumnado:

• Cintas de cores con mensaxes a prol da Lingua Galega e cos versos de Florencio Delgado Gurriarán.

Como ben di Fina Casalderrey no vídeo adxunto, Florencio escribía notas de amor a Galicia en papeliños nos que se amosa un poeta namorado da súa terra no exilio mexicano.

Por iso, desde o Equipo de Dinamización da Lingua Galega lanzamos a proposta de escribir en cintas de cores mensaxes a prol da lingua galega e versos deste poeta, proposta á cal se sumaron a Escola Infantil  Carricanta, a Asociación de Veciños IAR e a Biblioteca Municipal e o Centro Cívico do Castrillón.

Que colorido e alegre está o noso cole e o noso barrio!!! Sementando Galego!!!

• Xogos de corda coa poesía “Domadora de Serpes” de Florencio Delgado (Poesía musicada polo noso mestre de música Antonio Mandiá).

• En Educación Infantil celebramos tamén a Festa dos Maios.

Bailamos e cantamos ao redor dos Maios coa fermosa poesía “Aí vén o Maio” de Florencio Delgado Gurriarán.

Representamos dous tipos de Maios:

O maio tradicional, elaborado polo alumnado de 5 anos con fiúncho, xestas e moitas flores  e o maio artístico, feito polo alumnado de 4 anos con elementos de refugallo (tapóns de plástico, rolos de papel hixiénico e caixas de ovos).

• Entrega de premios ao alumnado que participou na actividade de Contos Compartidos en familia. Parabéns!!!

• CONTACONTOS EN FAMILIA na escola. Grazas familias por tanta colaboración!!!

• Agasallamos ao alumnado co marcapáxinas do Seminario Galán personalizado co noso mural de Rosalía de Castro, feito por todo o alumnado do centro, posto que a pegada rosaliana arrinca en Florencio nas  súas lecturas xuvenís.

• E un adianto da revista da nosa escola:
  

• E se queredes ver se coñecedes algúns contos en galego... probade aquí. Seguro que acertades moitos!
  

Que pasedes un feliz Día das Letras Galegas!!!!

Estimadas familias, dende hoxe 11 de maio podedes consultar no taboleiro do colexio as listaxes definitivas de admitidos-as e non admitidos-as para o vindeiro curso 22-23. Para a vosa tranquilidade avisamos de que non varían respecto das provisionáis.

MATRÍCULA DO NOVO ALUMNADO: Lembrade que é imprescindible matricular no centro ao novo alumnado admitido, entre os días 20 e 30 de xuño. A documentación necesaria e horarios de atención ao público dispoñibles facendo clic na imaxe.

• Impreso de matrícula debidamente cumplimentado (pódese recoller tamén en conserxería)
• Enquisa de uso da língua galega tamén cuberto. (pódese recoller tamén en conserxería)

Deixamos ligazón á circular informativa, remitida dende a APA,  para a realización de fotografías do alumnado nos vindeiros días.

CIRCULAR FOTOS

CIRCULAR FOTOS RESERVA

Compartimos con todos/as a curta que realizamos o alumnado de 5ºA, 5ºC e 6ºB co noso alumnado

e coa colaboración dunha das nosas avoas do proxecto Sementes de Seu.

 Esta curta participará no concurso levado a cabo dentro do Proxecto CINEMA NA ESCOLA polo Concello da Coruña.

 Esperamos que vos guste.

Despois de dous anos de parón pola pandemia, o pasado venres 29 de abril celebramos, xunto con outros cinco centros educativos, o Día da EF na rúa na Praza de María Pita. Trátase dunha actividade que se realiza en toda España e que pretende visibilizar a necesidade e importancia de aumentar as horas de educación física no ámbito educativo. O alumnado de sexto de primaria foi o encargado de realizar diferentes actividades durante as dúas horas que durou o acto.

A Dirección Xeral de Saúde Pública da Consellería de Sanidade publicou, con data 21 de abril de 2022, unhas directrices sobre o uso das máscaras no ámbito educativo.

Resumo sobre o uso da máscara:

OBRIGATORIO:

• Transporte escolar (salvo excepcións recollidas no apartado 3.1). Polo tanto, o alumnado a partir de 6 anos que realice calquera saída ou excursión en autobús ten que levar máscara.

RECOMENDADO:

• Persoal traballador do Centro educativo.
• Alumnado do Centro educativo.
• Casos sopeitosos e confirmados de COVID-19 e contactos estreitos de casos.

Poden consultar o documento na seguinte ligazón.

DOCUMENTO

Este xoves 21 de abril, a dirección do centro publicou as listaxes de admitidos e non admitidos para o vindeiro curso 2022-23. Pódense consultar físicamente no taboleiro, na entrada principal do colexio. A modo de resumo indicar que as 50 solicitudes de 4º de infantil están admitidas, igual que a única presentada para 5º de infantil e a única presentada para 5º de primaria. No resto de cursos as solicitudes presentadas non están admitidas, ao carecer de vacantes no momento actual. Lembrámoslles que antes do 15 de maio publicaremos as listaxes definitivas.

O noso colexio convértese nun museo a través da recreación de cadros do pintor galego Laxeiro por todo o alumnado, que sempre reivindicou a forma de pintar dos nenos e nenas.

No seguinte vídeo pódese admirar o marabilloso traballo realizado: 

Este xoves 31 de marzo Juan J. Fernández García, mestre de primaria termina a súa carreira como docente, despois de máis de 35 anos. Un docente coñecido e recoñecido no ámbito educativo galego e coruñés. Estivo casi 20 anos traballando na Consellería de Educación como experto no ámbito das novas tecnoloxías. Tras ese periodo pasou ao CEIP Sal Lence no que actuou como director un par de anos para chegar ao Fdez Latorre no 2012, onde foi titor de 5º e 6ºEP ademáis de secretario durante sete cursos. Tamén dirixe a Asociación TADEGA, que fomenta e apoia o uso da tecnoloxía en alumnado con diversidade funcional.

Toda a comunidade educativa deséxalle moita saúde e felicidade nesta nova etapa da súa vida e agradecémoslle sinceramente o seu traballo no noso centro. Ata sempre Juan!!