Concerto de Pablo Díaz co programa municipal Ao Meu Xeito

Como festa de fin de curso para infantil e 1ºEP, o mércores 20 de xuño celebramos un animado concerto con Pablo Díaz e a súa banda. Esta actividade foi con cargo ao programa Ao Meu Xeito do Servizo Municipal de Educación.

Xogos con materias reciclados

O alumnado de 1º a 4º de primaria e o profesorado realizaron moitos dos xogos que vedes nas fotos, baixo a coordinación de Juan, o profe de EF. Unha actividade máis do Proxecto Deportivo do Centro.

 

Reparto de froita e leite

Como nos cursos pasados, continuamos co reparto de froita. Este curso foron dúas semanas seguidas para a froita. Segue a ser un éxito entre a maioría do alumnado, aída que temos que recoñecer que unha pequena parte todavía ofrece certa resistencia ao consumo habitual de froita e leite. Seguiremos favorecendo a implantación de medidas que  consoliden hábitos saudables de alimentación durante os recreos.

Mercadillo do Proxecto Semente

O venres 25 de maio na Praza de María Pita celebrouse o mercado de cooperativas escolares do Proxecto Semente, programa de cooperativismo do Concello. O noso cole participou con dúas cooperativas, unha de 6ºA e outra de 6ºB. Finalmente foi todo un éxito de participación e ventas, e que rematou coa concesión para o noso centro, co Premio ao colexio máis implicado no proxecto (300€). Norabóa ao alumnado de sexto e ás súas titoras, Carmen e Judit polo traballo realizado, e lembramos que o 10% do recaudado sera donado ás ONGs Miradas al Mundo e Ana Bella.

Convocatoria de axudas para libros e material escolar.

Como cada ano xa está aquí a convocatoria única para acceder ás axudas para a compra de libros de texto de 1º e 2º de primaria, ou ben para acceder ao fondo solidario de libros de 3º e 4º de primaria, ou tamén e por último para a adquisición de material escolar, todo de cara ao curso 2018-19. A solicitude é única para todo e támén é unica para os irmáns escolarizados no mesmo centro. A información detallada a tedes na circular entregada ao alumnado. Este ano, a novidade principal é a presentación e entrega telemática da solicitude a traves de Fondolibros ou a Chave 365 de Galicia. Se alguén non é capaz de facelo telemáticamente, pode tamén presentar a solicitude e documentación na secretaría do Colexio. O prazo remata o venres 22 de xuño.       (o alumnado de 3ºEP do vindeiro curso recibirá os libros en préstamo do banco de libros Cole-Xunta)

CIRCULAR INFORMATIVA PARA AS FAMILIAS

FONDOLIBROS

CHAVE 365

Contos compartidos.

Na conmemoración das Letras Galegas fixemos un pequeno acto para recoñecer esta actividade entre familias, alumnado e colexio. Como colofón realizamos unha muiñeira global da que pronto teredes imaxes. Grazas!!

Powered by Drupal - Design by artinet