Co gallo da conmemoración do Día internacional da muller e da nena na ciencia, o alumnado de 5 anos contou coa visita de Xuliana, nai de Brais Otero.

Xuliana é cirurxá e explicoulles en qué consiste o seu traballo e fíxolle fincapé na importancia de que as nenas participarán de xeito igualitario na ciencia 

O 7 de febreiro conmemórase o DÍA DE INTERNET SEGURA. O alumnado de 6ºB participou nun taller online titulado "DETECTAR O FRAUDE EN VÍDEOXOGOS" promovido polo Instituto nacional de ciberseguridade - INCIBE.  

No taller explicáronlles como detectar direccións url falsas ou inseguras, que as ofertas que chegan a través dos videoxogos acostuman ser fraudulentos e que só pretenden conseguir a súa información persoal e que teñan moito coidado coas mensaxes que reciben de persoas que descoñecen, porque poden buscar facerlles dano. 

O taller foi moi interesante, ademais recomendáronlles as seguintes páxinas para profondar máis na seguridade en Internet

INTERNET SEGURA FOR KIDS

EXPOSITOR DE FONDOS SOBRE CIENCIA

PANEL DE CIENTÍFICOS E CIENTÍFICAS

Durante o mes de novembro realizáronse na biblioteca diversos experimentos científicos. Para iso prepararon os nenos e nenas de 3º a 6º uns experimentos que logo lles amosaron aos máis pequeno. Foi unha actividade na que todos e todas desfrutaron e aprenderon cousas sorprendentes.

Aproveitando que este mes está adicado á ciencia, o alumnado de 5º e 6º de primaria realizou varias conexións para visualizar videoconferencias relacionadas co mundo científico.

Puideron aprender sobre temas tan interesantes como a pegada humana e os efectos que ten sobre a xeomorfoloxía galega, sobre o cambio climático e a súa relación co sistema alimantario ou sobre como será o océano do futuro.

Hoxe veunos visitar un Policía Nacional, dentro do programa do PLAN DIRECTOR.

En 5º de primaria faloulles dos riscos que poden atopar en Internet e como tratar de coidarse e de facer un usos responsable e seguro.

En 6º a adicou a charla ao acoso escolar tanto presencial como a través das redes. Indicándolles os riscos que poden atopar, cales son os comportamentos que nos podemos atopar tanto no acosador como no acosado  e que deben denunciar calquera actitude acosadora da que son coñecederos tanto se o sofren como se saben de alguén que o sofre.

Aquí vos deixamos uns fantásticos circuitos eléctricos que crearon o alumnado de 6º de primaria.

Para ver todos os circuitos preme na icona

Durante todo o curso, as nenas e os nenos de 6º EP estiveron investigando diferentes mulleres que desenvolveron as súas carreiras profesionais no ámbito STEAM (Ciencia, Tecnoloxía, Enxeñería, Artes e Matemáticas). Despois diso, puxeron a proba as súas competencias dixitais e os coñecementos acadados durante o proceso de investigación a través dun Kahoot creado por eles mesmos.

O alumnado de 4º EP participou no programa Women in Science a cargo do Departamento de Postgrao e Especialización do CSIC no que distintas científicas compartiron o seu labor na ciencia. O obxectiov é sensibilizar á rapazada traballando contidos dixitais e lúdicos ao mesmo tempo que se desbotan prexuízos sobre o acceso ás profesións do eido científico-tecnolóxico por parte das mulleres. O alumnado traballou e investigou coa información que estas científicas lle proporcionaron e , finalmente, tiveron unha videoconferencia cunha delas para profundizar na temática científica. 

 Para ver máis fotos preme na icona

O alumnado de 1º de primaria introduciuse durante este curso na linguaxe de programación visual a través da aplicación ScratchJr .

 Para ver todas as fotos preme na icona