O luns 8 de abril, todo o alumnado de 4º curso de primaria participou nunha actividade dos programas educativos que ofertan ós colexios, o Concello de Ourense. A actividade denomínase Ourencanto. O fin da actividade, era acercar a música coral ao alumnado e fomentar a escoita atenta. Durante a actividade, o alumnado escoitou a interpretación dun conto musical “A nena e o avó” e participou na interpretación de cancións sinxelas e acompañamento de pequenas coreografías.

https://www.laregion.es/video/videos-ourense/ourencanto-pone-valor-musica/202404072208561284876.html

https://www.facebook.com/ourencanto/?locale=es_ES

O mércores 3 de abril, todo o alumnado de 6º curso de primaria participou nunha actividade dos programas educativos que ofertan ós colexios, o Concello de Ourense. A actividade denomínase Ecopercussión e foi moi motivadora e gratificante para o alumnado. Consistía na creación dunha banda de percusión, con material de reciclaxe, para traballar distintos patróns rítmicos utilizando a percusión vocal e corporal.

Hoxe realizamos no centro un simulacro de evacuación por incendio. Tocou saír do cole sen prisa pero sen pausa para chegar ao punto de encontro e agardar os servizos de emerxencia.

Contamos coa participación dos BOMBEIROS, de PROTECCIÓN CIVIL e da POLICÍA LOCAL.

Unha vez que chegaron ao centro procederon a mostrar como apagarían o lume, pero iso non foi todo. A profe Carmen e Alejandro quedaron atrapados dentro do cole e os bombeiros tiveron que buscalos e rescatalos para poñelos a salvo.

Os nenos e nenas fixérono xenial e todos saiu moi ben.

Despois do traballo tiveron a sorte de entrar no camión dos bombeiros, na ambulacia e incluso no coche da policía. Pasárono moi ben. 

O pasado día 9 de marzo, no centro tivo lugar unha sesión de xogos populares impartida por Lito que traballa no Centro de Cultura Popular Xaquín Lorenzo da Deputación Provincial de Ourense.

Para entrar en calor fixemos xogos de habilidades e coordinación manual así como diferentes  trabalinguas.

Logo centrámonos no xogo dos bolos, pero non dos americanos, senon de diferentes tipos de bolos que son orixinarios da nosa provincia; todos feitos con madeira e de xeito artesanal.

Cara o final da sesión Lito "rescatou" o xogo das tabas, e explicou ao alumnado a facilidade coa que se pode xogar a calquera cousa tendo un pouco de imaxinación (por exemplo; se non teño tabas podo botar man de pedras e pintalas de cores...)

Insistiuse na idea de que podemos xogar e podemos ser quen de crear os nosos propios xoguetes, non é necesario gastar cartos para pasalo ben!!!!

 PLANTANDO ÁRBORES CON PINCEIS é unha actividade promovida por Afundación na que unha das súas actividades consiste en que o alumnado de 5º e 6º é coordinado para pintar un mural.

O proxecto pretende a creación de murais artísticos, colaborativos e ecolóxicon con pinturas fotocatalíticas anticontaminación, que absorben e depuran os contaminates que hai no aire.  Unha iniciativa enmarcada na concienciación do coidado do medioambiente.

No caso do centro escollemos unha parede do exterior do centro para pintala de xeito colaborativo entre os tres cursos.

   v

Hoxe veunos visitar un Policía Nacional, dentro do programa do PLAN DIRECTOR.

En 5º de primaria faloulles dos riscos que poden atopar en Internet e como tratar de coidarse e de facer un usos responsable e seguro.

En 6º a adicou a charla ao acoso escolar tanto presencial como a través das redes. Indicándolles os riscos que poden atopar, cales son os comportamentos que nos podemos atopar tanto no acosador como no acosado  e que deben denunciar calquera actitude acosadora da que son coñecederos tanto se o sofren como se saben de alguén que o sofre.

O alumnado de 4º, 5º e 6º de primaria participou, o pasado 16 de xuño nunha charla organizada polo Concello de Ourense, sobre o CAMIÑO DE SANTIAGO guiados por Ramón Fernández Fernández.

Na charla faloulles dos preparativos que hai que facer para ser un bo peregrino. Levar mochila con pouco peso, non debe superar o 10% do peso corporal, calzado cómodo pero usado, calcetíns suficientes para cambiar cada pouco coa finalidade de evitar feridas nos pés.

Comentou tamén a diferenza entre os distintos albergues aos que podes ir para descansar e pasar a noite.

E fixo unha referencia á historia do camiño, da frecha amarela e a existencia de distintos camiños que poden comezar en Francia, en Portugal e en diversas partes de España.

Tamén houbo un concurso de preguntas no que os gañaderos recibiron un chaveiro do camiño.

Charla moi entretida na que nos quedamos con algunhas ideas básicas para pensar en facer nós mesmos o CAMIÑO DE SANTIAGO nun futuro.

O alumnado de 6º curso de Educación Infantil participou o martes día 31 de maio nesta actividade que ten como finalidade proporcionar educación viaria, xa que o tráfico é unha realidade de gran importancia polas tráxicas repercusións tralos accidentes - como peóns, condutores ou viaxeiros-, que se producen diariamente.

Da man de Fina Lage e dos monitores Andrés e…., o alumnado recibiu unha clase teórica na que aprenderon o significado dos sinais de tráfico e a importancia de respectalos.

Primeiramente realizaron un recoñecemento a pé do circuito acompañados dos monitores, que lles facilitaron a aprendizaxe das normas necesarias para percorrelo despois cos distintos vehículos.

De seguido, circularon coas súas bicicletas, patinetes, motos…tratando de aplicar, esta vez como condutores, todo o aprendido nas explicacións previas.

E remataron a actividade coa presenza dos corpos de seguridade que interveñen nos sinistros de tráfico: policía local, bombeiros, ambulancia e protección civil.

Todos disfrutaron enormemente coas explicacións dos axentes que, con moita paciencia, fixeron aos nenos e nenas partícipes da situación deixándolles subir aos vehículos, accionar as sirenas, portar a súa indumentaria, accionar algunha das ferramentas…

Unha experiencia lúdica do máis divertida, á que posteriormente sumáronse os seus compañeiros e compañeiras de 4º e 5º de infantil.

Unha mañá chea de emocións!!!!!

O alumnado de 3º e 4º de primaria tivo a oportunidade de participar no OBRADOIRO DE PRIMEIROS AUXILOS - PUPAS, SUSTOS E OUTROS DESGUSTOS.

Neste obradoiro, que foi impartido por profesionais de enfermaría,  tiveron a ocasión de aprender unhas nocións básicas de primeiros auxilios. 

A actividade desenvolveuse en 3 sesións de dúas horas cada unha e constaban dunha parte teórica con contido audivisual e unha parte práctica. Os rapaces e rapazas trouxeron un peluche que converteron en paciente para practicar as técnicas que lles ensinaban.

Unha actividade que nos parece moi importante para que saiban actuar ante pequenos problemas como feridas ou queimaduras, pero tamén ante situacións máis compexas.

O alumnado de 3ºA e 3ºB participou no concurso de debuxo relacionado co tema "Un feliz viaje por la vida"  promovido pola Asociación  POR ELES T.E.A. de Ourense, para dar visibilidade e sensibilizar poboación en xeral sobre o Trastorno do Espectro Autista.

O concurso consistía en realizar un debuxo ou un breve relato, onde o alumando podía plasmar o significado que ten para él ou ela, a felicidade.

Como premio podían conseguir unha tablet.

A gañadora da tablet foi: MARISA BOÁN polo seu debuxo,  e os e as demais participantes da clase recibiron un diploma.

 PODES VER AS IMAXES MÁIS GRANDES SE PREMES NELAS