A BIBLIOTECA DE LIBRÍN

VISITA DE PACO NOGUEIRAS POLO DÍA DA PAZ

 

Hoxe conmemórase o DÍA MUNDIAL DA PAZ e veunos visitar nin máis nin menos ca PACO NOGUEIRAS.

 

Nas aulas estivemos escoitando dúas das súas cancións para a PAZ: APERTAS QUE VOAN E MÓVETE.

Cancións que puidemos cantar hoxe tamén con el.

 

Un concerto ao aire libre que nos encantou. Movémonos, participamos, bailamos e pasámolo xenial.

 

Moitas grazas PACO por vir a cantar e bailar connosco!!!!

 

  

Iris tivo a sorte de ser a elexida de bailar no escenario con Paco Nogueiras e que ben o fixo. Seguiuno xenial e axudounos a non perdernos no baile!! Fantástico Iris.

FESTIVAL DE NADAL 2022

Chegou o Nadal e este ano puidemos celebralo como a nós nos gusta. Cun festival de cancións e baile.

Deixámosvos aquí o vídeo coas distintas actuacións.

 

RECOMENDACIÓNS LECTORAS PARA O NADAL

 

EN NADAL, UN LIBRO PARA AGASALLAR!!

Un ano máis xa temos as nosas recomendacións lectoras para este NADAL, que agardamos esté cheo de maxia, de ilusión e de bos momentos para compartir en familia. E que mellor forma que coa lectura? 

 

Aquí vos deixamos as nosas recomendacións: libros en galego, en castelán, en inglés, de divulgación, para os máis pequenos, para os "máis" lectores... todos cheos de historias que vos encantarán e coas que gozarades.

 

Non vos esquezades de pedir como agasallo un libro (ou dous!) a Papa Noel, aos Reis Magos e/ou ao Apalpador, seguro que a eles lles encantará vir cargados de libros!! 

 

Tamén os podedes buscar na biblioteca onde haberá un exemplar esperando para visitar os vosos fogares! 

 

DESEXÁMOSVOS UN BO NADAL A TODOS E TODAS! 

RECOMENDACIÓNS LECTORAS NADAL

ENTREGA PREMIOS AOS GAÑADORES DOS CONCURSOS DE SAMAÍN

 

CHEGOU O DÍA DE COÑECER AOS PREMIADOS DOS CONCURSOS CONVOCADOS POLO SAMAÍN

A decisión foi moi difícil.

Grazas a todos e todas por participar e por poñérnolo tan complicado.

 

Un agradecemento especial a vós, FAMILIAS por acoller esta actividade con tanta creatividade.

GRAZAS!!

 

 

Todos os  nenos e nenas que participaron nos distintos concursos recibiron un diploma de recoñecemento e os premiados recibiron  a maiores do diploma un pequeno detalle.

 

CONMEMORACIÓN DO DÍA UNIVERSAL DOS DEREITOS DOS NENOS

 

PARA CONMEMORAR O DÍA UNIVERSAL DOS DEREITOS DA INFANCIA, REALIZÁRONSE VARIAS ACTIVIDADES NAS DISTINTAS AULAS E COMO ACTIVIDADE DE CENTRO  PREPARAMOS CO ALUMNADO DE CADA NIVEL UN CARTEL QUE REPRESENTA UN DOS DEREITOS DO NENO. TODOS OS CARTEIS QUEDAN EXPOSTOS NA ENTRADA DO CENTRO ANTES DE FORMAR PARTE DA DECORACIÓN DAS PAREDES DOS DISTINTOS CORREDORES.

DEIXÁMOLOS TAMÉN AQUÍ PARA QUE POIDADES VELOS E VER O GRAN TRABALLO QUE SE FIXO.

 

CELEBRAMOS O SAMAÍN 2022

 

NESTE SAMÁIN CONVOCAMOS DENDE O EQUIPO DE BIBLIOTECA E DO EQUIPO DE DINAMIZACIÓN DA LINGUA GALEGA UN CONCURSO DE CASAS MONSTRUOSAS E MENUDO ÉXITO TIVO A PROPOSTA.

NO SEGUINTE VÍDEO PODEDES VER AS ESPECTACULARES CASAS QUE ENCHERON O CORREDOR DA ENTRADA DO COLEXIO.

NON PODEMOS MÁIS QUE AGRADECERVOS AS FAMILIAS O GRAN TRABALLO QUE LEVASTES PARA MANDAR UNHAS CASAS TAN FANTÁSTICAS.

MOITÍSIMAS GRAZAS POR COLABORAR!!!

 

TAMPOUCO FALTARON OS DISFRACES RELACIONADOS COA TEMÁTICA DO DÍA.

PASADE E VEDE.

 

O DÍA DAS BIBLIOTECAS 2022

O 24 de outubro celébrase o DÍA DAS BIBLIOTECAS e desde o equipo eliximos ese día para comezar con moito entusiasmo a andaina das MOCHILAS VIAXEIRAS que hoxe comezaron a súa primeira viaxe polos fogares do noso alumnado.

O mécores da mesma semana tivemos unha nova xornada de APADRIÑAMENTO DE LIBROS. No recreo colocáronse nos patios varias mesas con libros que se EXPURGARON DA BIBLIOTECA, para que cada neno e nena pasara por alí e collera o/os libro/s que máis lle gustaban e os levarna para a casa para darlle unha nova vida a eses libros que se quedaron sen óco na biblioteca.

Actividade que a moitos/as lles gustou moito vendo o contentos/as que estaban cos libros.

    

   

AMBIENTAMOS A ENTRADA Á BIBLIOTECA PARA SAMAÍN

 

O SAMAÍN TAMÉN CHEGA Á BIBLIOTECA CON CORTINAS TENEBROSAS E UNHA EXPOSICIÓN DE LIBROS DE MEDO.

 

.

Powered by Drupal - Design by artinet