Un ano máis celebramos na semana do 18 ao 24 de marzo o DÍA MUNDIAL DA AUGA (21 de marzo), o DÍA INTERNACIONAL DOS BOSQUES (22 de marzo) e o DÍA METEOROLÓXICO MUNDIAL (23 de marzo), con diversas actividades para destacar a importancia destes elementos na nosa vida e en toda a natureza e sensibilizar sobre o coidado e protección do medio ambiente en xeral. Destacamos algunha delas:

1- Plantación de árbores. Os máis pequenos/as do cole plantaron castiñeiros e carballos a partir de castañas e belotas que trouxeron das súas casas. 

2- Os maiores de 4º, 5º e 6 plantaron 3 bidueiros que nos enviou a Deputación Provincial. Primeiramente nas aulas traballaron o libro "DAMA DE AUGA E O SEGREDO DAS ÁRBORES", (enviado tamén pola Deputación Provincial), libro que ten como protagonista á Dama de Auga, amiga das augas e das árbores que vivía nas terras de Ourense xunto coas ninfas e os gnomos e que loitará para liberar e salvar da contaminación dez árbores que aparecen na historia.

 Cada curso púxolle o nome ao seu bidueiro e encargarase do seu coidado. 

3- Dende o equipo de biblioteca tamén quixeron que a sensibilización cara o coidado e protección do medio ambiente foran o eixe da temática para a celebración do DÍA MUNDIAL DA POESÍA (21 de marzo). Así xa expuxeron as poesías que sobre A NATUREZA  realizaron os alumnos e alumnas do centro.

 (Premede na imaxe para ver todas as poesías no blog do equipo da biblioteca escolar).

4- Realizouse a selección de fotografías do concurso fotográfico sobre o inverno que convocara o equipo de METEOESCOLAS do centro (da que vos informaremos en breve). 

"O NOSO BOSQUE FOI ESTRAGADO, QUEIMADO...

TEREMOS QUE LOITAR PARA QUE SEXA SALVADO 

E VOLVER A CONVERTILO NUN BOSQUE ANIMADO"

Por iso neste entroido mouchos, curuxas, fadas,

trasnos, excursionistas, ninfas, lobos... foron desfilando

e... "QUE VOLVA AO BOSQUE A VIDA" ían cantando.  

1. Os trasnos xoguetóns brincan e bulen, 

correndo polo bosque, escapan do lume.

2. O bosque está en cinzas, negro, queimado...

loitaremos xuntos para poder reanimalo.

3. Lobos ouvean no medio da noite escura

feridos e tristes buscan do bosque a cura.

4. Os mouchos queren que volva á fraga a vida

animándoa coa súa vistosa plumaxe colorida. 

5. As ninfas que coidan das árbores, plantas e flores,

limpan os ríos, os regatos e as fontes.

6. Tamén as etéreas fadas, gardiás da natureza,          

percorren soutos, fragas...devolvéndolles a súa beleza.

7. Polas carballeiras excursionistas van camiñando...

observando, limpando e o monte coidando. 

8. Os leñadores amantes das árbores nosas

cortan o eucalipto e repoboan con especies autóctonas. 

9. Ata novos "Robin Hood" queren unirse á nosa loita

"COIDA A NATUREZA" xa todo o mundo escoita. 

E comezamos a semana máis "entroideira" do ano cos mandadiños do noso meco, que todos os nenos e nenas do cole cumpriron á perfección:

1- O LUNS, cansados de troulear a fin de semana.. custa erguerse da cama

pois non se diga máis... imos todos ao cole en pixama!!

 2- O MARTES soñamos con viaxar: Francia, China, México, Xapón...

    que bonitos países para ir de vacacións!!

3- O MÉRCORES sufrimos unha invasión: princesas, superheroes, Mario, Brancaneves...

... todos os personaxes de ficción que imaxinedes!! 

4- E por último O XOVES non paramos de cantar e bailar...

iso si... só bo rock and roll  a rabiar!!!

E comezamos a semana do entroido coas tradicionais ORDES DO MECO, atentos, comezamos o LUNS vestidos con PIXAMA e remataremos o venres co noso desfile do BOSQUE ANIMADO!!!

Na semana do 28 de xaneiro ao 01 de febreiro celebramos no colexio diversas actividades con motivo da celebración o 30 de xaneiro do DÍA ESCOLAR DA NON-VIOLENCIA E DA PAZ, data na que se conmemora a morte do líder pacificista MAHATMA GANDHI. Pretendemos que os nenos e nenas aprendan valores como protección, coidado, solidariedade, diálogo, comprensión, non-discriminación, cooperación ... en contra da cultura imperante da violencia, da discriminación, da forza, do despilfarro, da explotación... 

En consonancia cos proxectos que se levan a cabo no centro (Proxecto Anual: "Entre salgueiros, bidueiros e carballos" e o programa de MeteoEscolas), este ano centrámonos máis en concreto no coidado e defensa das árbores e da natureza. A contaminación, os incendios... están provocando o cambio climático; a explotación indiscriminada da natureza e os recursos, está provocando as guerras nos países máis pobres... e todo isto rematará por acabar coa vida que sustentan a auga, as árbores e os bosques. 

Despois de traballar nas aulas estes valores, destacamos algunha das actividades realizadas en común:

Así celebramos o NADAL no cole:

1- Adornamos a entrada, aulas e corredores.

2- Decoramos as portas con motivos propios destas datas.

3- Escribimos as nosas felicitacións de NADAL.

4- Na biblioteca realizamos o xa tradicional obradoiro de NADAL.

5- Visitamos aos maiores do Centro Residencial de San Amaro e cantámoslles os Reis.

6- Recibimos a visita de Papá Noel.

7- Tamén nos viñeron ver os Reis Magos aos que lles entregaron as súas cartas os máis pequenos do cole.

8- Rematamos coa celebración do tamén tradicional FESTIVAL de NADAL, onde todos os nenos e nenas demostraron as súas dotes como artistas.

(Se premedes en cada número da imaxe superior poderedes ver unha presentación de imaxes de cada actividade realizada). 

Convidámosvos a todos a asistir á función de Nadal que realizaremos o vindeiro venres 21 de decembro ás 10:30 h. Esperámosvos!!! Este é o programa das diferentes actuacións:

"La Declaración sobre la eliminación de la violencia contra la mujer emitida por la Asamblea General de la ONU en 1993, define la violencia contra la mujer como “todo acto de violencia que tenga o pueda tener como resultado un daño o sufrimiento físico, sexual o psicológico para la mujer, así como las amenazas de tales actos, la coacción o la privación arbitraria de la libertad, tanto si se producen en la vida pública como en la vida privada.”

"La violencia contra la mujer sigue siendo un obstáculo para alcanzar igualdad, desarrollo, paz, al igual que el respeto de los derechos humanos de mujeres y niñas. Lo que es más, la promesa de los Objetivos de Desarrollo Sostenible (ODS) de no dejar que nadie se quede atrás, no podrá cumplirse sin primero poner fin a la violencia contra mujeres y niñas".  (sinopse extraída da páxina web da Organización das Nacións Unidas).

Para contribuír a erradicar este grave problema, sensibilizando aos máis pequenos, fixemos no colexio un pequeno acto conxunto o 23 de novembro (por coincidir o día 25 en domingo). Comezamos coa lectura dun pequeno manifesto realizado polos alumnos e alumnas de 6º de primaria, logo en dous turnos, cantamos e bailamos as cancións "LA PUERTA VIOLETA" de ROZALÉN e "DÉJALA QUE BAILE" de MELENDI con ALEJANDRO SANZ e ARKANO, cancións cuxas letras expresan o seu rechazo a estos actos violentos e defenden a liberdade da muller. Un pequeno acto emotivo no que os nenos e as nenas sentiron unha vez máis a alegría de estar xuntos convivindo en igualdade. 

Deixámosvos as imaxes dos dous momentos vividos:

Nenos e nenas de 1º, 3º, 4º, 5º e 6º

Nenos de nenas de Educación Infantil e 2º de primaria

 Enlace ás cancións en  youtube: