Curso 2014-15

XADREZ, APRENDER A APRENDER

Este pasado domingo, 12 de abril, o xornal LA VOZ DE GALICIA, publicou unha reportaxe sobre o proxecto XADREZ, APRENDER A APRENDER, proxecto piloto promovido polo Concello de Ourense, que coordina o xadrecista Joaquín Bello (vinculado á Escola de Xadrez do Liceo), e que ten lugar  nun limitado número de colexios  da nosa cidade, sendo o noso un deles. Na primeira parte da reportaxe analízanse os obxectivos do plan, como se está desenvolvendo a experiencia, a que nenos/as vai dirixido, os posibles resultados a longo prazo... Nunha segunda parte, reprodúcese unha pequena entrevista con Joaquín Bello e remata cunha pequena reseña sobre o material utilizado.

(Se premedes na imaxe podedes ler esta interesante reportaxe)

Aquí tedes unhas fotos tomadas este luns, 13 de abril, dos pequenos/as na clase de xadrez:

FONDO SOLIDARIO DE LIBROS DE TEXTO 2015/2016

No seguinte enlace podedes consultar a lista definitiva de solicitudes admitidas dos alumnos/as de 3º e 5º de Educación Primaria que solicitaron libros de texto do fondo solidario para o vindeiro curso 2015/2016

LISTA DEFINITIVA DE ALUMNADO      3º e 5º PRIMARIA 

 

Entrega de libros: do 04 ao 09 de setembro de 2015

 

 

 

ÚLTIMO DÍA DO CURSO 2014-15

O venres 19, último día lectivo deste curso escolar, rematamos cunha gran festa organizada pola ANPA do centro no patio do colexio. Nin que dicir que os rapaces/zas pasárono xenial, non podía ser menos: inchables, xogos de auga, touro mecánico, visita de Bob Esponxa... e ao remate a esperada FESTA DA ESCUMA, que xa se está convertendo nun "clásico" a final de curso... ata as colaboradores/as do comedor escolar e cociñeiras se animaron a participar... Como veredes na seguinte presentación de fotos a xornada foi todo un éxito!!!

 

E despois no comedor escolar tivemos un momento moi especial... a despedida de Julia, unha das nosas cociñeiras, chegoulle a hora da súa xubilación e dun merecido descanso despois de 35 anos traballando no comedor do centro. Dende aquí queremos agradecerlle toda a súa adicación e o esforzo realizado ao longo de tantos anos e desexámoslle o mellor nesta nova etapa da súa vida que agora vai comezar.

 

A

T

A

 

 

S

E

M

P

R

E

 

 

 

J

U

L

I

A!

LIBROS DE TEXTO

Preme na imaxe para acceder ao listado de libros de texto do curso 2015/2016

REVISTA ESCOLAR

Aquí temos xa, recén saída do "forno"  o novo número da nosa revista escolar

O FORMIGUEIRO,

botádelle unha ollada e veredes algunhas das actividades, saídas, celebracións e traballos que realizamos ao longo do curso que agora remata.

FESTA VOZ NATURA 2015

O sábado, 6 de outubro, acudimos ao parque ACEA de AMA en Culleredo (A Coruña) para participar na gran festa de fin de curso do programa VOZ NATURA. Como era a primeira vez que íamos á citada festa, estabamos un pouco nervosos, pero dispostos a participar na maioría das actividades e visitar a exposición dos traballos realizados por todos os centros participantes.   

A chegada ao parque: pais/nais, nenos/as, irmás/irmáns, profes... preparados para pasar un día xenial!!!

 

 Participando nas diversas actividades e repoñendo forzas para continuar...

Visitamos a exposición dos traballos realizados polos distintos centros participantes... pareceunos fantástico o traballo realizado por todos eles. 

Alí tamén estaba a nosa exposición cun resumo en carteis e murais do traballo feito:

 

E por fin chegou o momento máis esperado, a entrega do premio concedido ao noso centro: mellor blog da comunidade VOZ NATURA do curso 2014-15.

 

Grazas a VOZ NATURA polo premio concedido e parabéns tamén aos demais premiados e en xeral, a todos os participantes do programa polo gran labor que realizan cada ano!!!. 

FESTA FIN DE CURSO 2014-15 EN MANZANEDA

 

Os alumnos/as de 6º curso de Educación Primaria participaron o martes, 19 de maio, na estación de montaña de Cabeza de Manzaneda na gran festa de final de curso organizada polo xornal La Región. Foi unha xornada lúdico-festiva onde conviviron con rapaces e rapazas doutros colexios da provincia de Ourense. Alí realizaron ao longo de todo o día diferentes actividades multiaventura (subida en telesilla, spa, béisbol, jumping, fútbol, vivacs...), e remataron cunha festa musical con karaoke e un sorteo de agasallos.

A pesares do frío que fixo ese día na estación os alumnos/as de 6º pasárono fenomenal, aquí tedes as opinións de Telma e a do profe Xosé, que os acompañou, na reseña que publicou o xornal organizador:

 

XORNAL ESCOLAR

Xa temos aquí os vídeos do programa XORNAL ESCOLAR que se emitiu o pasado 13 de maio en TELEMIÑO e que protagonizou o noso colexio. Botade unha ollada e veredes o guapos e simpáticos que saímos todos!!

 

                  XORNAL ESCOLAR - 1ª PARTE                                      XORNAL ESCOLAR - 2ª PARTE 

 

Powered by Drupal - Design by artinet