Premede na seguinte imaxe para consultar o reparto definitivo de libros do FONDO SOLIDARIO para o alumnado de 3º, 4º e 6º de Educación Primaria para o vindeiro curso 2020-2021. Ao lado do nome de cada alumno/a aparecen os libros que lle corresponden. No listado figuran só as iniciais dos apelidos e o nome, nesta orde, por mór da protección de datos.
Estes libros serán repartidos nos primeiros días do mes de setembro.
No DOG do día 9 de xullo aparece publicado o CALENDARIO ESCOLAR para o vindeiro curso 2020-21. No seguinte enlace podedes ler o texto completo:
ENTREGA DE VALES:
Dende o día 7 de xullo e ata o 17 de xullo podedes pasar polo colexio para recoller os vales de axuda para a compra de libros dos alumnos e alumnas de 1º e 2º de Educación Primaria.
Tamén, nas mesmas datas, podedes recoller os vales para a axuda de compra de material de 1º, 2º, 3º, 4º, 5º e 6º de Educación Primaria.
O horario de recollida será de 9:30 a 13:30 horas.
AVISO:
PUBLICACIÓN DAS LISTAS PROVISIONAIS- o vindeiro martes, 7 de xullo, serán publicadas as listas provisionais de reparto de libros do FONDOSOLIDARIO para 3º, 4º e 6º de Educación Primaria.
PRAZO DE RECLAMACIÓN - os días 8 e 9 de xullo pódense facer as reclamacións que se consideren oportunas.
PUBLICACIÓN DAS LISTAS DEFINITIVAS - o venres, 10 de xullo, daranse a coñecer as listas definitivas, coa asignación concreta dos libros que lle corresponden a cada neno/a.
O Concello de Ourense infórmanos que se abre un novo prazo para inscribirse nas actividades CONCILIA VERÁN 2020 que se levarán a cabo no noso centro.
Pódese solicitar nova inscrición para as seguintes quincenas:
- 2ª quincena do mes de xullo
- 1ª quincena do mes de agosto
- 2ª quincena do mes de agosto
Recordade que se poden solicitar, 1, 2 ou as 3 quincenas. A inscrición neste segundo prazo realizarase dende o sábado 27 de xuño e ata o luns 29 de xuño, a través do formulario web:
No seguinte enlace recordamos toda a información:
Recordamos: a gratificación por colaborar é de 9,39 € por día de asistencia, pagados unha vez vencido cada trimestre, e tamén o xantar de cada día de realización do servizo.
Para poder colaborar é requisito obrigatorio presentar unha certificación negativa do Rexistro Central de delincuentes sexuais (Lei 26/2015, de 28 de xullo, de Modificación do sistema de protección á infancia e á adolescencia).
CUALIFICACIÓNS FINAIS - estas serán publicadas mañá, día 19 de xuño, a partir das 15:00 h. por medio da aplicación Abalar Móbil, onde podedes consultalas. No caso daquelas familias que non teñen instalada a aplicación Abalar Móbil e non poidan consultar ditas cualificacións, os titores poranse en contacto con estas familias para facilitarllas de forma impresa.
O profesorado estará a vosa disposición por se queredes facer algunha consulta ou necesitades algunha aclaracíón.
ENTREGA DE LIBROS DE TEXTO DO FONDO SOLIDARIO- dende o día 22 e ata o 26 de xuño teredes que entregar no centro os libros de texto dos alumnos de 3º, 4º, 5º e 6º que foron beneficiarios do fondo solidario no curso 2019-2020.
O horario de entrega será de 9:30 a 13:30 h.
Recordamos que a non devolución dos libros do fondo levará consigo a exclusión no reparto do citado fondo para o vindeiro curso 2020-21.
O vindeiro curso escolar 2020-21, segundo a Resolución publicada o 15 de xuño da Dirección Xeral de Educación, Formación Profesional e Innovación Educativa, o noso centro pasará a formar parte do proxecto E-Dixgal (EDUCACIÓN DIXITAL). Este programa ten como obxectivo favorecer a incorporación xeneralizada das Tecnoloxías da Información e da Comunicación (TIC) no desenvolvemento da actividade educativa, facilitando aos centros educativos a dispoñibilidade de libros dixitais e doutros materiais dixitais cos que poidan desenvolver o seu proxecto curricular.
A actividade educativa diaria desenvolverase nun entorno virtual de aprendizaxe que vai permitir acceder a contidos dixitais gratuítos facilitados pola Consellería de Educación.
O vindeiro curso o proxecto implantarase no noso centro en 5º de educación primaria, polo que o alumnado deste curso non terá que adquirir libros impresos e non participará no reparto de libros do fondo solidario, xa que usarán soamente libros dixitais. Aos alumnos e alumnas proporcionaráselles un ordendador portátil na modalidade de cesión de uso, para uso persoal e educativo.
Nos seguintes enlaces tedes máis información:
Ao rematar cada curso escolar o Equipo de Biblioteca sempre fai unhas recomendacións de lectura para o verán e son entregadas a todos os alumnos e alumnas nun folleto impreso; dada a situación na que nos atopamos este ano estas recomendacións lectoras están a vosa disposición en formato dixital. A continuación reproducimos dito folleto informativo.
Esperamos que vos sexa de utilidade e que os nenos e as nenas non se esquezan ao longo do verán de manter o contacto cos libros e coas lecturas, sexan estas ou outras que a eles lles apetezan ou vós lles seleccionedes.
Tedes tamén o folleto en formato pdf por se alguén quere imprimilo:
Dende o día 15 de xuño e ata o 21 de xuño está aberto o prazo para inscribirse no programa de actividades denominado CONCILIA VERÁN 2020 a desenvolver no noso centro ao longo dos meses de xullo e agosto.
Este programa está promovido polo Concello de Ourense coa finalidade de ofertar ás familias unha serie de actividades orientadas á consecución de hábitos de vida saudables, actitudes solidarias e de convivencia, a promover a igualdade de xénero e o respecto ao medio ambiente. Ademais de actividades lúdicas haberá reforzo educativo de matemáticas, lingua e idiomas.
Estas actividades están dirixidas ao alumnado dende 6º de infantil (5 anos) ata 6º de primaria.
Premede na imaxe para acceder a toda a información:
Tamén se premedes no seguinte enlace accededes á páxina web do Concello:
- CONCELLO DE OURENSE: INFORMACIÓN
- CONCELO DE OURENSE: INSCRICIÓN ACTIVIDADES CONCILIA VERÁN 2020
|
|
|
Xunta de Galicia - Consellería de Educación, 2013 | ||
