Admisión e matrícula

ADMISIÓN E MATRÍCULA CURSO 2021-2022

   

(Facede clic na imaxe para acceder a toda a información)

  

CALENDARIO-RESUMO DO PROCESO DE ADMISIÓN E MATRÍCULA

Presentación de solicitudes de admisión  do 01 ao 22 de marzo
Publicación da lista provisional de admitidos e non admitidos  antes do 25  de abril 
Prazo de reclamación  5 días hábiles posteriores á resolución provisional 
Publicación da lista definitiva de admitidos e non   admitidos antes do 15 de maio
Prazo de formalización da matrícula  do 20 ao 30 de xuño 

 Nos seguintes enlaces podedes descargar a normativa que regula o proceso de admisión e matrícula: 

 Decreto 254/2012 polo que se regula a admisión do alumnado
 Orde do 12 de marzo de 2013 que desenvolve o Decreto 254/2012
 Orde do 25 de xaneiro de 2017 pola que se modifica a Orde do 12 de                    marzo de 2013
 ORDE do 18 de decembro de 2020  pola que se modifica a Orde do 12 de marzo de 2013 pola que se desenvolve o procedemento para a admisión do alumnado.
 Zonas de influencia do CEIP Plurilingüe Profesor Albino Núñez 

A documentación a presentar para as solicitudes de admisión é a seguinte:

Impreso de solicitude de admisión (ED550B)           

Orixinal ou copia cotexada do DNI do alumno/a (se o ten), e dos seus pais.

Orixinal ou copia cotexada do Libro de Familia.
Documento acreditativo de estar en disposición de reunir os requisitos académicos esixidos para o curso para o que solicita praza (só para alumnado de primaria).
Convenio regulador ou resolución xudicial de separación xudicial ou divorcio onde conste a custodia do menos, se é o caso. 
Cuestionario sobre lingua materna (só alumnado de 4º de infantil (3 anos))

* A solicitude terá que estar asinada por calquera das/os titulares da patria potestade ou representantes legais. No caso de separación ou divorcio será necesaria a sinatura de ambas/os proxenitoras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo. No suposto de alumnado afectado por situación de violencia de xénero non será exixible o previsto no parágrafo anterior.

PROCESO DE ADMISIÓN E MATRÍCULA CURSO 2021-22

Comezamos o proceso de admisión e matrícula para o vindeiro curso 2021-22 coa reserva de praza nos centros de adscrición.

Do 11 de xaneiro ao 08 de febreiro os alumnos e alumnas de 6º de primaria que desexen continuar os seus estudos no IES EDUARDO BLANCO AMOR (centro ao que está adscrito o noso centro)deben presentar, ben na secretaría do centro, ben de forma electrónica, o impreso de solicitude de reserva de praza. 

Nos seguintes enlaces podedes acceder a toda a información e descargar o impreso de solicitude de reserva:

- Información sobre a reserva de praza

- Impreso de solicitude 

- Aplicación AdmisionAlumnado

- Información na páxina web da Consellería de Educación

 

ADMISIÓN E MATRÍCULA CURSO 2020-21

Premendo na seguinte imaxe podedes consultar a lista definitiva de admitidos para o vindeiro curso 2020-21

Recordar que do 1 ao 10 de xullo é o período para realizar a formalización da matrícula. 

MATRÍCULA 2020-21

Premede na seguinte imaxe para consultar a lista provisional de admitidos para o vindeiro curso 2020-2021

 

Recordamos:

Prazo de reclamacións das listaxes provisionais:  tres días hábiles posteriores á publicación destas listas provisionais.

Publicación definitiva das listaxes de admitidos e excluídos:  ata o 26 de xuño.

Prazo de formalización da matrícula:   do 01 ao 10 de xullo.

FORMALIZACIÓN MATRÍCULA CURSO 2019-20

Recordamos ás familias de todos os alumnos e alumnas de nova admisión que do 20 ao 30 de xuño estará aberto o prazo para a formalización da matrícula. 

Poden recoller a información de toda a documentación a presentar e os diferentes impresos na secretaría do centro ou descargalos premendo na seguinte imaxe. 

 

MATRÍCULA 2019-2020

Premede na imaxe para consultar a lista provisional de admitidos para o vindeiro curso 2019-20. 

Recordamos:

Prazo de reclamacións das listaxes provisionais:  cinco días hábiles posteriores á publicación das mesmas- do 25 de abril ao 02 de maio.

Publicación definitiva das listaxes de admitidos e excluídos:  14 de maio.

Prazo de formalización da matrícula:   do 20 ao 30 de xuño.

XORNADA DE PORTAS ABERTAS

Comezado o proceso de admisión e matrícula para o vindeiro curso 2019-20 coa reserva de praza para o alumnado de 6º de primaria no instituto ao que está adscrito o noso centro. O vindeiro 1 de marzo abrirase o plazo para o novo alumnado que desexe cursar os seus estudos no noso colexio. Para que podades coñecernos mellor, as nosas instalacións, os proxectos que levamos a cabo, o servizo de comedor e transporte escolar, as actividades complementarias e extraescolares e podades preguntar e consultar calquera dúbida que teñades, invitámosvos a acudir ao centro o vindeiro martes, 19 de febreiro ás 18:00 horas. ESPERÁMOSVOS!!!

XORNADA DE PORTAS ABERTAS NO IES EDUARDO BLANCO AMOR

Como xa sabedes, dende o pasado curso, o IES EDUARDO BLANCO AMOR é o instituto ao que está adscrito o noso centro, é dicir, é o instituto que lles corresponde por zona aos alumnos e alumnas que rematan 6º de primaria no noso colexio.

Para que todos podades coñecer as súas instalacións, o seu plan de estudos, proxectos, actividades... dende o citado instituto, o seu director invítavos a unha xornada de portas abertas o vindeiro 13 de febreiro ás 20:00 horas. Todos os pais, nais e/ou titores legais dos rapaces e rapazas de 6º de primaria estades invitados a asistir.

 

 E recordade que o vindeiro 15 de febreiro remata o prazo para facer a reserva de admisión se queredes que os vovos fillos e fillas continúen os seus estudos de secundaria no IES E. BLANCO AMOR. 

PROCESO DE ADMISIÓN E MATRÍCULA CURSO 2019-20

 Comezamos o proceso de admisión e matrícula para o vindeiro curso 2019-20 coa reserva de praza nos centros de adscrición.

Do 1 ao 15 de febreiro os alumnos e alumnas de 6º de primaria que desexen continuar os seus estudos no IES EDUARDO BLANCO AMOR (centro ao que está adscrito o noso centro), deben presentar, ben na secretaría do centro, ben de forma electrónica, o impreso de solicitude de reserva de praza. 

Nos seguintes enlaces podedes acceder a toda a información e descargar o impreso de solicitude de reserva:

- Información sobre a reserva de praza

- Impreso de solicitude 

- Enlace á páxina web da Consellería de Educación

 

Powered by Drupal - Design by artinet