O alumnado de 4º de Educación Primaria visitou un supermercado Gadis. Esta actividade está enmarcada dentro da proposta educativa ALIMENTES coa que os supermercados Gadis queren achegar ao alumnado á alimentación saudable e ao consumo responsable.

O pasado venres día 21, realizamos unha visita ao colexio de Educación Especial de O Pino. Ao longo da mañá desfrutamos da maxia, da música, dos xogos e dunha saborosa  merenda elaborada polo alumnado do centro. Gozamos dunha experiencia inesquecible da que levamos un montón de amigos e moitas gañas de celebrar outra xornada de convivencia similar no noso centro.

O pasado martes 14 de marzo, o alumndao de 5º e 6º de primaria foi a Santiago de Compostela para coñecer as dúas principais institucións da nosa Comunidade Autónoma: 

- O Parlamento de Galicia e..

- A Xunta de Galicia

No parlamento a visita guiada amosounos diferentes estancias do mesmo, a sala dos reis, a biblioteca, a entrada principal, os despachos dos diferentes grupos políticos... e o hemiciclo. Nel o alumnado sentouse coma se fosen deputad@s autonómicos debatendo o estado da Autonomía.

A continuación acudimos a sede do goberno autonómico, a Xunta de Galicia, onde visitamos diferentes dependencias, entre elas a sala de reunión des Conselleiros e Conselleiras do goberno autonómico, e tamén nos explicaron o proceso e a funcións do persoal que traballa nas diferentes consellerías da Xunta de Galicia.

Aproveitando a viaxe de volta paramos na Fervenza do Toxa, no Concello de Silleda, para observar o salto de auga de máis altura de Galicia, onde aproveitamos para xantar nunha paraxe espectacular... grazas que o tempo acompañou!!!

  B

O pasado 9 de marzo, o alumnado de 5º acudiu ao Salón nobre do Liceo de Ourense aos "Encontros co autor" organizados pola Concellería de Educación do Concello de Ourense dentro do seu programa de animación á lectura.

Grazas a este programa da Concellería, cada alumno/a de 5º recibiu, de balde, un exemplar do libro "A Gruta da Torre" do escritor lucense Lois Pérez antes do Nadal, e este día, xunto con outros centros educativos da cidade de Ourense, tivemos unha charla - coloquio co autor na que o alumnado plantexou moitas dúbidas, inquedanzas, curiosidades, etc. acerca do libro.

Damos as grazas á Concellería de Educación do Concello de Ourense pola actividade que, realmente foi moi positiva e interesante para o alumnado; que incluso agasallou ao autor do libro con debuxos relacionados co libro e por suposto queremos agradecer a Lois Pérez a súa cercanía e ao seu bo facer á hora de interactuar e "enganchar" ao alumnado.

O alumnado de 5º de educación infantil participou ,o mércores día 15, na actividade "Pasea pola túa cidade", organizada polo Concello.

Consistiu nunha visita guiada, da man de Martiño -a mascota da cidade- ás Burgas, Praza Maior e Catedral. Os nenos e nenas coñeceron un pouco da historia da nosa cidade, que se asentou no entorno das Burgas.

Posteriormente na Praza Maior viron o Concello e as bandeiras e finalizaron coa visita exterior das tres torres e as tres portas de acceso da Catedral.

Despedímonos de Martiño e dos monitores na escalinata da Praza de San Martiño.

Deixamos unha mostra nas seguintes fotografías.

O alumnado de Educación Infantil gozou dun marabilloso día no Parque de Marcelle, en plena natureza, o pasado martes 7 de xuño.

Unha viaxe en bus que xa foi unha experiencia para algúns. Un pouco longa , si, pero á que todos e todas se enfrontaban con moitísima ilusión.

Alí fomos recibidos polos monitores e, xa distribuidos en grupos,comezaron a visita.

As profes reunímonos con eles á hora estipulada para o xantar. Foi o momento para repoñer forzas cos apetitosos bocatas que nos prepararon no colexio. E, ao rematar, un tempo de xogo e continuación da visita...

Antes de despedirnos fixemos as típicas fotos de grupo e repuxemos forzas novamente (auga e froita para os máis famentos) para emprender a viaxe de regreso.

Os nenos e nenas viñan entusiasmados, alborotados, encantados da experiencia, pero agotados, tanto que o cansanzo puido con moitos deles e quedaron durmidos ao pouco de emprender o camiño de volta. Un día inesquecible.

Que non teñamos que pasar outros dous anos sen saídas didácticas!!!

Esperamos que disfrutedes vendo as fotos que a continuación presentamos.

O alumnado de 5º foi de excursión ao parque zoolóxico Marcelle  Natureza onde aprenderon moitas cousas sobre os animais que viven alí.

PREME NAS IMAXES PARA VELAS MÁIS GRANDES

 O alumnado de 3º e 4º foi de excursión a Lalín á Casa do Patrón

 PREME EN CADA IMAXE PARA VELA MÁIS GRANDE

O martes, 3 de marzo, todo o alumnado de Educación Infantil acudiu ao Auditorio Municipal para presenciar a obra de teatro "O LOBO E A LÚA", posta en escena polo grupo teatral galego BAOBAB TEATRO. Obra que combina actores con monicreques e que acadou o premio BARRIGA VERDE DE TEXTOS PARA TEATRO de títeres na XI Edición de 2014.

"Había unha vez un pequeno lobo que vivía no Prado Azul e precisaba falar coa Lúa, era moi importante o que lle tiña que dicir, como a lúa estaba moi lonxe non lle escoitaba, así que o lobo tiña que berrar, cos seus berros non deixaba durmir a ninguén, nin a Nina a tartaruga, nin a Duarte o elefante, nin a Miñao o gato malvado. No seu intento de falar coa lúa coñece a Mariano, un rato falador e divertido que lle axudará, ou quizais non. No prado azul esta noite, ninguén pode durmir!" (Sinopse extraída da páxina web do grupo BAOBAB TEATRO). 

O lobo e a lúa é unha peza teatral tenra, divertida e intrigante onde os seus personaxes conviven a pesar das súas diferenzas. Un espectáculo que transcorre sempre de noite, á luz da Lúa e que gustou aos máis pequenos por ser unha historia de amizade, superación dos propios medos e de amor.

O pasado 7 de febreiro os alumnos e alumnas de 5º curso de Educación Primaria acudiron ao Liceo de Ourense para participar na actividade ENCONTROS CO/A AUTOR/A, encontros promovidos polo Concello de Ourense e que forman parte do seu programa de ANIMACIÓN Á LECTURA.

A finalidade destes encontros é a de poñer en contacto aos nenos e nenas cos escritores e escritoras para que coñezan de preto o seu traballo e poden dialogar con eles  sobre todas aquelas cuestións que lles interesen relativas a ese autor e a súa obra. 

Este ano o encontro foi co escritor HÉCTOR CAJARAVILLE e os rapaces e rapazas leron previamente nas aulas o seu libro KUSUMA. 

No blog da biblioteca podedes ler como se desenvolveu o encontro e ver as fotografías do mesmo, para iso premede nas seguintes imaxes: