Novas ANPA

BASI E OS SEUS AMIGOS

Comunicámosvos unha actividade que nos parece moi interesante, a presentación do libro BASI E OS SEUS AMIGOS, "unha historia que fala da integración, do amor á diferencia e do respecto polo que cada un é. Un libro que amosa que os problemas poden disolverse con boas intencións e determinación e no que a empatía é a palabra clave".

No seguinte cartel tedes a información sobre o lugar de celebración, data e horarios. 

NOVAS ANPA

A Asociación de Nais e Pais do Centro convoca a todos os pais, nais e/ou titores legais dos alumnos/as a unha reunión o vindeiro 1 de outubro ás 6 da tarde.  Coma sempre recordamos a importancia de asistir a estas reunións, tendo ademais en conta que se vai producir unha renovación de membros da xunta directiva. Reproducimos a carta enviada pola ANPA a todas as familias:

 

NOVAS ANPA CURSO 2019-20

 

A ANPA do centro ofrece este curso 2019-20 o servizo de MADRUGADORES ou ACOLLIDA TEMPERÁ para todo o alumnado do centro.

E o servizo de CAMBIO DE MUDA  para o alumnado de educación infantil.  

   Premendo nos seguintes enlaces podedes descargar    o  impreso de solicitude onde ademais figura toda a                               información.

SERVIZO DE MADRUGADORES PARA INFANTIL E PRIMARIA- SERVIZO DE CAMBIO DE MUDA PARA ED. INFANTIL 

 (Máis información no teléfono da ANPA 663 951 651)

CAMPAMENTO DE VERÁN

A Asociación de Nais e Pais do noso centro comunícanos que ata o 16 de maio permanecerá aberto o prazo de inscrición para o campamento de verán que, de haber o número suficente de inscritos, realizaríase no colexio do 24 de xuño ao 31 de xullo.

Podedes consultar toda a información no seguinte póster:

 

No seguinte enlace podedes descargar a ficha de inscrición: CAMPAMENTO DE VERÁN 2019

INICIO DE CURSO 2017-18

 

INFORMAMOS DAS ÚLTIMAS NOVAS COMUNICADAS POLA ASOCIACIÓN DE NAIS E PAIS DO CENTRO (ANPA)

SOCIOS

Xa está aberto o prazo para facerse socio da ANPA. A cuota é de 20 euros por familia e ano. 

No seguinte enlace podedes descargar a ficha de inscrición: 

 

    Ficha inscrición socios 

SERVIZO DE "ATENCIÓN MATINAL"  Este curso xa está en marcha o servizo de atención matinal dende as 07:30 ata as 9:30 (hora de entrada ao centro). O custe é de 41,50 euros ao mes por neno/a (inclúe o almorzo). 
SERVIZO DE "ATENCIÓN AO ALUMNADO DE INFANTIL NO HORARIO ESCOLAR" Tamén xa está en funcionamento o servizo de atención ao alumnado de infantil. A cuota é de 13 euros por mes. 
REUNIÓN ANPA

No salón de actos do centro, o vindeiro xoves, 21 de setembro ás 19:00, celebrarase a primeira reunión do presente curso escolar 2017/18. Nela elixirase a nova xunta directiva, exporanse as actividades extraescolares e os próximos proxectos a realizar. 

 

MAIOS 2017

Por iniciativa da ANPA, este ano participamos na tradicional festa dos MAIOS que se celebrou na cidade de Ourense o pasado domingo, 7 de maio.

Nais e pais da asociación realizaron un primeiro maio na categoría de "maio artístico": "A BARQUIÑA". Na categoría de "maio tradicional" realizaron outro no que colaboraron os nenos e nenas da ECOPATRULLA: "O PIRULIÑO DAS ECOMAÑÁS". 

Ademais o alumnado de 4º, 5º e 6º de primaria realizou nas aulas as tradicionais coplas que acompañan os maios e que fan referencia aos acontecementos do ano.  

 

Ao longo da xornada, nenos e nenas do cole acompañados polas súas familias acudiron a ver os maios do cole e colaboraron no canto das coplas:

 

Na edición impresa do xornal LA REGIÓN do luns 8 de maio, nunha reportaxe sobre a celebración dos maios, como non, aparecen as fotografías dos dous maios.

 

Tamén no blog do proxecto de VOZ NATURA deste curso "Reciclamos lixo co mellor sorriso" podedes ver máis imaxes e información sobre esta actividade.Premede no seguinte enlace: 

 - FIXEMOS OS NOSOS MAIOS 

ESCOLA DE NAIS/PAIS 2017

Unha vez máis, facémonos eco dunha nova enviada pola Concellería de Sanidade do Concello de Ourense para difundila entre os membros da nosa comunidade educativa (pais, nais, ANPA e docentes). Trátase da continuación dos obradoiros da Escola de Nais e Pais xa realizados en cursos anteriores.

O fin destes obradoiros é o de "apoiar a nais, pais e educadores no proceso evolutivo e madurativo dos seus fillos tentando fortalecer o seu papel referencial e potenciar a comunicación e as habilidades sociais para favorecer unha boa autonomía e unha personalidade eficaz e axeitada para a adaptación social".

Son tres os obradoiros que se realizarán nesta campaña, que abrangue dende xaneiro ata maio:

1- As emocións na familia

2- A sobreprotección e as súas consecuencias

3- Da preocupación á ocupación 

Pode solicitarse a participación nos tres obradoiros ou nalgún deles. A inscrición nos mesmos é gratuíta.O teléfono de consultas é o 988510622.

Máis información no documento adxunto:

XORNADAS: A SOBREPROTECCIÓN FAMILIAR

Facémonos eco tamén doutra actividade da que nos informa a Concellería de Sanidade do Concello de Ourense para que difundamos entre todos os pais/nais e profesorado.

Os vindeiros 25 e 26 de outubro, no Auditorio Municipal, celebraranse unhas xornadas sobre a sobreprotección familiar e as súas consecuencias dirixidas a pais/nais, profesores/as e axentes educadores do Concello. Podedes consultar toda a información no cartel e no tríptico das xornadas:

 

 

ACTIVIDADES PARA NENOS/AS NOS CENTROS CÍVICOS - CURSO 2016-17

Facémonos eco dunha nova enviada polo Concello de Ourense para a súa difusión entre todo o alumnado e as familias. Un ano máis os Servizos Sociais do Concello ofertan unha serie de actividades para nenos e nenas que se realizarán nos Centros Cívicos que o Concello ten repartidos pola nosa cidade. Reproducimos a continuación o comunicado:

"Como cada ano os Centros Cívicos que dependen da Concellería de Asuntos Socias do Concello de Ourense  abren o prazo para a inscrición nas Actividades para nenos e nenas de Infantil e Primaria (este ano inclúese Secundaria nalgunha das propostas). O obxectivo básico é que os nenos e nenas se divirtan, se relacionen e aprendan convivindo con outros rapaces e rapazas no marco do centro cívico. A Concellería de Asuntos Sociais tamén pretende que as actividades sexan unha forma de axudar ás familias a conciliar a vida laboral e familiar.

O prazo de inscrición comenzará o día 26 de setembro de 2016. Hai que recoller as solicitudes nos centros cívicos ou na Oficina de Atención Cidadá (Tlfno: 988 392 909) e entregalas no Rexistro Xeral do Concello."

Premendo nas imaxes accedes á solicitude que tedes que cubrir e entregar para poder inscribir nas actividades aos vosos fillos/as nun dos dous centros cívicos que están ubicados na nosa zona: o centro A Ponte e o centro As Termas:

 

CENTRO CÍVICO AS TERMAS  CENTRO CÍVICO A PONTE 

Na seguinte ficha adxunta podedes consultar cales son as actividades que se van realizar en cada un dos centros:

 

ACTIVIDADES NOS CENTROS CÍVICOS 2016-17

 

 

INICIO DE CURSO 2016-17

 

INFORMAMOS DAS ÚLTIMAS NOVAS COMUNICADAS POLA ASOCIACIÓN DE NAIS E PAIS DO CENTRO (ANPA)

SOCIOS

Xa está aberto o prazo para facerse socio da ANPA. A cuota é de 20 euros por familia e ano. 

No seguinte enlace poden descargar a ficha de inscrición: 

 

    Ficha inscrición socios 

SERVIZO DE "ATENCIÓN MATINAL"  Este curso xa está en marcha o servizo de atención matinal dende as 07:30 ata as 9:30 (hora de entrada ao centro). O custe é de 39,50 euros ao mes por neno/a (inclúe o almorzo). 
SERVIZO DE "ATENCIÓN AO ALUMNADO DE INFANTIL NO HORARIO ESCOLAR" Está pendente de confirmación este servizo. A cuota pode variar de 4 a 10 euros por mes segundo o número de familias inscritas. 
REUNIÓN ANPA No salón de actos do centro, o vindeiro venres, 23 de setembro ás 19:30, celebrarase a primeira reunión do presente curso escolar 2016/17. Nela exporanse as actividades extraescolares, os próximos proxectos e renovaranse os cargos da xunta directiva.

Powered by Drupal - Design by artinet