Un ano máis o Concello de Ourense organiza campamentos de verán para nenos e nenas de 4 a 12 anos (de 4º de Infantil rematado este ano, ata 6º de primaria).

Ao longo dos meses de xullo e agosto terán lugar as actividades nos seguintes centros: CEIP O Couto, CEIP Manuel Luis Acuña, CEIP Vistahermosa, CEIP Hermanos Villar, CEIP Amadeo Rodríguez Barroso, CEIP Las Mercedes, CEIP Prácticas y CEIP A Ponte e na Aula da Natureza do Río Miño (nesta última as actividades continuarán tamén do 1 ao 9 de setembro). O horario será de 8:00 a 14:30 h.

"As actividades están orientadas á consecución de hábitos de vida saudables, actitudes solidarias e de convivencia, a promover a igualdade de xénero e o respecto ao medio ambiente. Ademais de actividades lúdicas haberá reforzo educativo de matemáticas, lingua e idiomas. A rapazada con necesidades especiais (NEE) recibirá atención personalizada en todos os centros.

PREINSCRICIÓN A preinscrición e a matriculación realizaranse de forma telemática. O prazo vai do 16 de xuño ás 9.00 horas até o 20 de xuño, domingo, ás 24 horas, a farase a través da web: www.educacionourense.es.

Tamén tedes máis información no seguinte documento e acceso directo ao formulario de inscrición:

- Concilia verán 2021

- Formulario de inscrición (on-line)

Terán preferencia os nenos e nenas de pais e nais que estean en activo e empadroados no Concello de Ourense

Unha vez admitida a solicitude, o prazo para formalizar a matrícula será do 23 ao 27 de xuño.

Comunicámosvos unha actividade que nos parece moi interesante, a presentación do libro BASI E OS SEUS AMIGOS, "unha historia que fala da integración, do amor á diferencia e do respecto polo que cada un é. Un libro que amosa que os problemas poden disolverse con boas intencións e determinación e no que a empatía é a palabra clave".

No seguinte cartel tedes a información sobre o lugar de celebración, data e horarios. 

A Asociación de Nais e Pais do Centro convoca a todos os pais, nais e/ou titores legais dos alumnos/as a unha reunión o vindeiro 1 de outubro ás 6 da tarde.  Coma sempre recordamos a importancia de asistir a estas reunións, tendo ademais en conta que se vai producir unha renovación de membros da xunta directiva. Reproducimos a carta enviada pola ANPA a todas as familias:

- SERVIZO DE MADRUGADORES PARA INFANTIL E PRIMARIA- SERVIZO DE CAMBIO DE MUDA PARA ED. INFANTIL 

 (Máis información no teléfono da ANPA 663 951 651)

A Asociación de Nais e Pais do noso centro comunícanos que ata o 16 de maio permanecerá aberto o prazo de inscrición para o campamento de verán que, de haber o número suficente de inscritos, realizaríase no colexio do 24 de xuño ao 31 de xullo.

Podedes consultar toda a información no seguinte póster:

No seguinte enlace podedes descargar a ficha de inscrición: CAMPAMENTO DE VERÁN 2019

INFORMAMOS DAS ÚLTIMAS NOVAS COMUNICADAS POLA ASOCIACIÓN DE NAIS E PAIS DO CENTRO (ANPA)

Por iniciativa da ANPA, este ano participamos na tradicional festa dos MAIOS que se celebrou na cidade de Ourense o pasado domingo, 7 de maio.

Nais e pais da asociación realizaron un primeiro maio na categoría de "maio artístico": "A BARQUIÑA". Na categoría de "maio tradicional" realizaron outro no que colaboraron os nenos e nenas da ECOPATRULLA: "O PIRULIÑO DAS ECOMAÑÁS". 

Ademais o alumnado de 4º, 5º e 6º de primaria realizou nas aulas as tradicionais coplas que acompañan os maios e que fan referencia aos acontecementos do ano.  

Ao longo da xornada, nenos e nenas do cole acompañados polas súas familias acudiron a ver os maios do cole e colaboraron no canto das coplas:

Na edición impresa do xornal LA REGIÓN do luns 8 de maio, nunha reportaxe sobre a celebración dos maios, como non, aparecen as fotografías dos dous maios.

Tamén no blog do proxecto de VOZ NATURA deste curso "Reciclamos lixo co mellor sorriso" podedes ver máis imaxes e información sobre esta actividade.Premede no seguinte enlace: 

 - FIXEMOS OS NOSOS MAIOS 

Unha vez máis, facémonos eco dunha nova enviada pola Concellería de Sanidade do Concello de Ourense para difundila entre os membros da nosa comunidade educativa (pais, nais, ANPA e docentes). Trátase da continuación dos obradoiros da Escola de Nais e Pais xa realizados en cursos anteriores.

O fin destes obradoiros é o de "apoiar a nais, pais e educadores no proceso evolutivo e madurativo dos seus fillos tentando fortalecer o seu papel referencial e potenciar a comunicación e as habilidades sociais para favorecer unha boa autonomía e unha personalidade eficaz e axeitada para a adaptación social".

Son tres os obradoiros que se realizarán nesta campaña, que abrangue dende xaneiro ata maio:

1- As emocións na familia

2- A sobreprotección e as súas consecuencias

3- Da preocupación á ocupación 

Pode solicitarse a participación nos tres obradoiros ou nalgún deles. A inscrición nos mesmos é gratuíta.O teléfono de consultas é o 988510622.

Máis información no documento adxunto:

Facémonos eco tamén doutra actividade da que nos informa a Concellería de Sanidade do Concello de Ourense para que difundamos entre todos os pais/nais e profesorado.

Os vindeiros 25 e 26 de outubro, no Auditorio Municipal, celebraranse unhas xornadas sobre a sobreprotección familiar e as súas consecuencias dirixidas a pais/nais, profesores/as e axentes educadores do Concello. Podedes consultar toda a información no cartel e no tríptico das xornadas: