Samaín

SAÍMOS NO XORNAL: SAMAÍN 2020

O mércores, 4 de novembro, saímos na edición impresa do suplemento Xornal Escolar que se publica conxuntamente co xornal LA REGIÓN todos os mércores. Neste suplemento, recóllese unha mostra de como foi a celebración da festa de Samaín-Halloween nos colexios. Mirade que guapos e guapas saíron os nosos pequenos e non tan pequenos!!:

SAMAÍN- HALLOWEEN 2020

Estas son algunhas das actividades que realizamos con motivo da celebración do SAMAÍN- HALLOWEEN, sempre cargado de sorpresas e misterios...

1- Un cento de libros podedes ler na nosa biblio que falan de misterios, de pantasmas, de bruxas, de monstros... 

2- O tradicional concurso de Contos de Medo xa está en marcha, esperamos historias cargadas de misterio no Camiño de Santiago.

3- Nas distintas aulas non faltou a decoración e a realización de diferentes actividades plásticas.

4-Coa colaboración dende as casas fixemos unha arrepiante exposición de cadaleitos.

5-Non faltaron as lecturas a media luz.

6- E para rematar... os esperados e terroríficos disfraces!!

 

(Se premedes en cada número da imaxe superior poderedes ver unha presentación de imaxes de cada actividade realizada). 

SAMAÍN - HALLOWEEN 2019

Así celebramos o SAMAÍN-HALLOWEEN no colexio:

1. Adornamos aulas e corredores.

2. Decoramos portas.

3. Fixemos o tradicional obradoiro de cabazas na biblioteca.

4. Expuxemos as cabazas decoradas na entrada do cole.

5. Realizamos distintos tipos de manualidades.

6. Creamos "monstros" divertidos.

7. Lemos libros de "moito medo".

8. Tivemos merendas "terroríficas".

9. ... e viñemos ao cole disfrazados de bruxas, esqueletos, monstros, demos, vampiros e pantasmas!!!. 

 

(Se premedes en cada número da imaxe superior poderedes ver unha presentación de imaxes de cada actividade realizada). 

SAMAÍN- HALLOWEEN 2018

Un ano máis chegou a esperada celebración do SAMAÍN-HALLOWEEN ao colexio e, coma en cursos anteriores, realizamos diversas actividades:  o xa tradicional obradoiro de cabazas que organiza o Equipo da Biblioteca Escolar, cabazas que unha vez rematadas se expuseron na entrada do centro. A decoración de portas e corredores con murais e cos diversos traballos que se realizaron nas aulas; bruxas, cabazas, morcegos, arañas, pantasmas  e  monstros foron os motivos principais. Os materiais empregados foron tamén variados: con materias reciclados fixéronse pantasmas con vasos de plástico que se utilizaron nas merendas, arañas con oveiras de cartón, mouchos con pratos tamén de cartón, árbores con papel enrugado.. Tamén houbo a tradicional exposición de libros sobre a temática desta celebración e o concurso de contos de medo, que este ano os nenos e nenas tiveron que ambientar no bosque do Falán (que visitaron recientemente os rapaces e rapazas de 5º e 6º como xa publicamos nunha anterior nova).    

 

 

SAMAÍN- HALLOWEEN 2017

 

 

 

Un ano máis celebramos no cole a "terrorífica" festividade de SAMAÍN - HALLOWEEN con diversas actividades. Ademais de traballar en cada aula sobre o significado e os costumes típicos destas datas, destacamos a realización das seguintes actividades:  o xa tradicional obradoiro de cabazas na biblioteca do centro e a posterior exposición na entrada do colexio, a decoración de portas e corredores; unha nova edición do Concurso de Contos de Medo (este ano coa variante de recopilación de lendas propias da zona e/ou a escritura de contos tendo como protagonistas personaxes e lugares da nosa contorna).  Exposición de libros de medo (tamén na biblioteca), manualidades con materiais de refugallo: pantasmas con rolos de papel hixiénico, arañas con cartóns de ovos, pantasmas pintados sobre pedras... diademas con caveiras e arañas, bruxas voadoras con caras "sorprendetes" e cabazas moi "sorrintes", móbiles...  foron outras das manualidades realizadas. Destacar tamén o mural de HALLOWEEN realizado a partir de mans "monstruosas" e os disfraces dos nenos e nenas de 5 anos que compaxinaron o traballo que están realizando sobre a artista Frida Kahlo coa festa do Samaín. 

Na seguinte presentación tedes unha pequena mostra de todo: 

 

SAMAIN/ HALLOWEEN 2016

 

Xa chegou de novo a celebración máis "terrorífica" do ano: O SAMAÍN - HALLOWEEN. O SAMAÍN non é unha copia do famoso HALLOWEEN, senón que provén dunha antiga tradición de orixe celta que existiu en Galicia pero que levaba anos olvidada. Foi un mestre de Cedeira, Rafael López Loureiro, o que a recuperou. Se queredes saber un pouco máis desta festa, o seu significado e as súas orixes, podedes visualizar a seguinte presentación realizada polo IES Pedro Floriani (Redondela):

Tanto en educación infantil como en primaria realizáronse distintas actividades sobre o SAMAÍN (e HALLOWEEN nas clases de inglés). Na seguinte presentación tedes a mostra dalgunha delas:

Realizaron pantasmas "reciclados" feitos con botes e pratos de plástico os pequenos/as de infantil, decoráronse portas terroríficas, realizouse un taller de cabazas promovido polo equipo da bilbioteca escolar que tamén convocou un concurso de contos de medo e realizou unha exposicións de libros coa temática do "medo" como fondo. Bólas "anti-estrés" con globos e fariña e decoradas con caras de monstruos fixeron os alumnos/as de 3º e 4º de primaria. Marcapáxinas e móbiles os nenos e nenas de 1º e 2º. Jamie, a nosa auxiliar de conversa preparou unha presentación sobre como viven a festa de Halloween en Tenneesse, o seu estado americano de orixe. 

Alumnos /as de 6º realizaron uns divertidos esqueletos con bastonciños de algodón... ata os pequenos e pequenas do servizo de madrugadores decoraron tarros de cristal, castañas e pinzas con motivos "terroríficos". Coma sempre, non faltou a decoración e ambientación por todo o colexio.

 

SAMAÍN- HALLOWEEN 2015

Un ano máis xa chegou o día do SAMAÍN - HALLOWEEN, e nocole fixemos diferentes tipos de actividades relacionadas con esta data.

Os alumnos/as de Educación Infantil traballaron unha unidade didáctica sobre o Samaín e plasmaron con distintas técnicas o mundo "dos seres terroríficos" (pintaron pedras, fixeron banderíns, pintaron rolos de papel, confeccionaron carautas...)  

Nenos e nenas de 1º e 2º de Educación Primaria traballaron na área de plástica (materia impartida en inglés) a festividade de Halloween e confeccionaron cabazas con cartolina. En 4º de Educación Primaria xogaron cos famosos "hama-beads" para realizar caveiras, bruxas..., 

Samantha, a nosa auxiliar de conversa, realizou presentacións adaptadas aos distintos niveis (2º, 3º, 4º 5º e 6º de primaria), para ensinarlles aos alumnos/as como se celebra a festividade de Halloween, ademais de xogos, cancións... e realizou tamén un concurso para todos os alumnos/as de primaria do cole.

E por suposto na biblioteca do centro non faltaron as actividades relacionadas con estas celebracións: concurso de carteis sobre os personaxes malvados dos contos, taller de confección de cabazas, terceira edición do concurso de contos de medo e unha ampla exposición dos fondos existentes na biblioteca relacionados con esta temática.  

E como sempre non faltou a decoración en todo o colexio: murais, debuxos, guirnadas... polas aulas e corredores!!

 

No deixedes de visitar o blog da biblioteca escolar, os blogs de infantil, o de inglés e o blog de dinamización da lingua galega, alí podedes atopar máis información e/ou imaxes sobre esta celebración. 

SAMAÍN - HALLOWEEN 2014

CELEBRACIÓN "TERRORÍFICA"  DO SAMAÍN-HALLOWEEN

Coma todos os anos no colexio celebramos esta data con variedade de actividades. Na biblioteca escolar realizouse un taller de adorno de cabazas e un concurso de contos de medo, ademais de exposicións de libros e proxección dunha película sobre este tema. Erika, a nosa auxiliar de conversa, fixo unha presentación sobre a celebración de Halloween en Estados Unidos que lles ensionu aos nenos/as de 2º, 3º, 4º, 5º e 6º, ademais dalgunha canción e un xogo; nas clases de inglés, os nenos/as tamén fixeron manualidades. Os cativos de educación infantil traballaron unha unidade didáctica sobre o Samaín e realizaron antifaces e distintas manualidades, e non faltou o famoso conto "Corre, corre cabaciña". En 2º de primaria desenvolveron a súa creativade coa confección de "monstros" con rolos de papel...  No blog da biblioteca, do departamento de inglés, das aulas de infantil, podedes ver algunha destas actividades.

E NON FALTOU A DECORACIÓN EN TODO O COLEXIO!!!

 

Powered by Drupal - Design by artinet