Día da paz

DÍA ESCOLAR DA NON-VIOLENCIA E DA PAZ 2020

Un ano máis, o pasado 30 de xaneiro celebramos no colexio O DÍA ESCOLAR DA NON-VIOLENCIA E DA PAZ, como xa sabedes, data que se conmemora dende 1964 nos centros escolares por iniciativa do profesor Llorenç Vidal e que coincide co aniversario da morte do líder espiritual Mahatma Gandhi. Con este día preténdese reinvindicar a necesidade dunha educación para a paz, que promova valores coma o respecto, a igualdade, a tolerancia, a solidariedade, a cooperación e a non-violencia. 

Estas foron algunhas das actividades que realizamos ao longo da semana do 27 ao 31 de xaneiro:  

TODOS UNIDOS NUN MUNDO EN PAZ 


 

Este ano eleximos o lema "TODOS UNIDOS NUN MUNDO EN PAZ". Realizamos un mural que colocamos na entrada do colexio e tamén realizamos unha cadea de nenos unidos pola paz, a fraternidade, a solidariedade, a amistade, o compañeirismo, a cooperación, a axuda... 

Os alumnos e alumnas plasmaron plasticamente a nenos e nenas de todas as razas, países, culturas ...  Con eles realizamos unha cadea, que colocamos polos diferentes pasillos, para reinvidicar a igualdade, dentro das diferenzas propias de cada un, de todos os nenos e nenas do mundo.  

 

MENSAXES POLA PAZ   

 

 Os alumnos e alumnas  de 2º de primaria realizaron un gran mural con mensaxes pedindo a paz, a solidariedade e  a cooperación no mundo.

 

 

 XUNTOS FACEMOS A MESTURA PERFECTA 

          Nas clases de inglés os alumnos e alumnas tamén realizaron actividades conmemorativas desta data, traballando vocabulario e expresións axeitadas á mesma para entre todos acadar a mestura perfecta que nos axude a vivir en paz e harmonía.  

 

ATRAPASOÑOS E GLOBOS POLA PAZ 

Confeccionáronse "atrapasoños" co símbolo da paz, e decoráronse globos de papel (non se lanzaron globos ao aire para evitar o uso de plásticos) con mensaxes relativos á paz, tamén se confeccionaron outros adornos e manualidades alusivas. 

 

CANTAMOS E BAILAMOS POLA PAZ 

O día 30 realizamos un acto conxunto no pista cuberta do colexio. Primeiramente dous alumnos de 6º de primaria leron un manifesto  "DECÁLOGO PARA MEDRAR EN PAZ" coas pequenas accións que todos podemos realizar para contribuír á paz e á concordia ao noso arredor.

Logo cantamos e bailamos tres cancións: "PAZ, PAZ" de JUANES;  "O BAILE DA PAZ", de MAMÁ CABRA e "POLCA DA PAZ".  

 

 

DÍA DA NON-VIOLENCIA E DA PAZ 2019

Na semana do 28 de xaneiro ao 01 de febreiro celebramos no colexio diversas actividades con motivo da celebración o 30 de xaneiro do DÍA ESCOLAR DA NON-VIOLENCIA E DA PAZ, data na que se conmemora a morte do líder pacificista MAHATMA GANDHI. Pretendemos que os nenos e nenas aprendan valores como protección, coidado, solidariedade, diálogo, comprensión, non-discriminación, cooperación ... en contra da cultura imperante da violencia, da discriminación, da forza, do despilfarro, da explotación... 

En consonancia cos proxectos que se levan a cabo no centro (Proxecto Anual: "Entre salgueiros, bidueiros e carballos" e o programa de MeteoEscolas), este ano centrámonos máis en concreto no coidado e defensa das árbores e da natureza. A contaminación, os incendios... están provocando o cambio climático; a explotación indiscriminada da natureza e os recursos, está provocando as guerras nos países máis pobres... e todo isto rematará por acabar coa vida que sustentan a auga, as árbores e os bosques. 

Despois de traballar nas aulas estes valores, destacamos algunha das actividades realizadas en común:

PARAUGAS  DA PAZ - Realizamos  mensaxes pedindo a paz no mundo, desexando que esta  "caiga"  en forma de choiva (aludindo á importancia que ten a auga na vida). 

A ÁRBORE DA PAZ - tamén colgamos mensaxes na árbore da entrada do centro, árbore que representa a natureza e o coidado dos nosos bosques. 

 

 REALIZACIÓN DE MURAIS- En diferentes aulas realizáronse outros murais sobre a paz: nun deles, realizado polos nenos e nenas de 5 anos, destacan a figura de WANGARI MAATHAI, defensora dos bosques e dun mundo sostible; primeira muller africana en recibir o premio Nobel da Paz. Os pequenos e pequenas de 4 anos, decoraron a famosa pomba de Picasso... 

 

TEATRO: O BOSQUE DA PAZ- Alumnos e alumnas de 4º de primaria puxeron en escena para todos os seus compañeiros  (en dúas sesións: unha para o alumnado de infantil, e outra para o alumnado de primaria) a obra O BOSQUE DA PAZ. Obra, onde ademais de falar do coidado das árbores e da natureza, presentanos unha situación onde vemos como podemos resolver os conflitos de forma pacífica, usando a intelixencia e non a violencia. 

  

 

BAILAMOS E CANTAMOS- celebramos un pequeno acto conxunto (que por culpa do mal tempo tivemos que facer en dous turnos no salón de actos do colexio), comezando coa lectura dun manifesto en defensa da paz, realizado polos alumnos e alumnas de 6º de primaria. Logo cantamos e bailamos tres cancións: "REDUCIR, REUTILIZAR E RECICLAR", "BAILEMOS XUNTOS" e "PAZ, PAZ", vivindo unha vez máis a ledicia de sentirnos xuntos contaxiándonos dun sentimento común de cariño e felicidade.  

 

 

 

 

DÍA ESCOLAR DA PAZ 2018

O martes, 30 de xaneiro, celebramos o DÍA ESCOLAR DA NON VIOLENCIA E DA PAZ como remate dunha serie de actividades sobre esta celebración que viñamos realizando en semanas anteriores no centro. Entre elas destacamos as que fixemos conxuntamente:

A PAZ EN-CAIXA: Para a entrada do cole realizamos con caixas de cartón as nosas mensaxes e debuxos alusivos á Paz.

 

 

  

LATAS (LATUCADA) POLA PAZ: aproveitamos tamén o reciclado de latas para mandar as nosas mensaxes de paz. Segundo a letra da canción LATAS POR LA PAZ decorámolas segundo as consignas: AMOR, BICOS, AMIGOS E SOÑOS.

 

 

ÁRBORES DA PAZ: quixemos tamén adornar a árbore da entrada do cole e unha das árbores do patio coas pombas da paz que decoramos previamente nas aulas. 

 

 

INVESTIGANDO SOBRE A PAZ E O ABECEDARIO DA PAZ: o equipo de dinamización da bilioteca escolar, ademais da tradicional exposición de libros sobre a paz,  preparou dúas actividades. Para o alumnado de primaria, un traballo de investigación sobre a paz e para todo o alumnado, tanto de infantil comode  primaria, a realización dun abecedario da paz, onde cada letra fai alusión a unha palabra relacionada coa paz. 

 

CANTANDO POLA PAZ: fixemos un acto conxunto no patio dianteiro do colexio onde quixemos expresar os nosos desexos de paz, amizade, solidariedade e cariño con tres cancións: LATAS POLA PAZ, canción que cantamos acompañamos tocando as latas decoradas previamente, PAZ, PAZ, PAZ (Juanes) e BAJO EL MISMO SOL (Álvaro Soler e Jennifer López). Previamente alumnos de 6º leron un pequeno manifesto sobre a paz e o que pedimos co noso pequeno acto. 

 

 

 

DÍA DA NON-VIOLENCIA E DA PAZ 2017

Ao longo das últimas semanas realizamos nas aulas actividades relacionadas coa PAZ para preparar a celebración, o 30 de xaneiro, do DÍA ESCOLAR DA NON-VIOLENCIA E DA PAZ. Este ano, como novidade, aunamos tamén esta celebración co DÍA MUNDIAL DA EDUCACIÓN AMBIENTAL, que se conmemora o 26 de xaneiro. Deixámosvos unha mostra dos traballos realizados:

RECICLAMOS PALABRAS...

Como este curso o noso proxecto de VOZ NATURA versa sobre a reciclaxe e o aproveitamento dos recursos, os alumnos e alumnas de 5º de primaria, decidiron que tamén podíamos reciclar palabras:

Reciclar palabras contrarias á paz e pasalas por unha planta de tratamento para obter palabras renovadas, cheas de ilusión, solidariedade, comprensión...  

E así realizaron un mural sobre a RECICLAXE DE SENTIMENTOS. 

RECICLAMOS TAPÓNS...

 

 

Ademais de reciclar palabras, quixemos reciclar materiais que empregamos habitualmente e aproveitalos para realizar un mural conxunto.

Con tapóns usados tratamos de expresar neste mural os nosos desexos de paz e solidariedade e, ao mesmo tempo, lanzar unha mensaxe sobre o coidado do noso planeta e sobre o aproveitamento dos recursos. 

REALIZAMOS MANDALAS POLA PAZ E POLO COIDADO DO MEDIO AMBIENTE...

Os nenos e nenas tamén colorearon mandalas co fin de activar a nosa enerxía positiva e manifestar os nosos desexos de paz, amor, respecto, coidado.. Con elas decoraron a árbore da entrada do cole. 

No seguinte enlace podedes coñecer algo máis sobre o significado das mandalas:

 

 QUE SON AS MANDALAS? 

 

 RECORDAMOS FRASES E PERSOAS QUE LOITARON POLA PAZ...

Os nenos e nenas de 2ºB quixeron recordarnos frases famosas relacionadas coa paz que pronunciaron diferentes dirixentes internacionais, pacifistas ou artistas... A figura de Malala Yousafzai, Premio Nobel da Paz, foi recordada polos alumnos de 6º.

EXPRESAMOS COAS MANS E CO CORAZÓN OS NOSOS DESEXOS DE PAZ...

Os pequenos e pequenas de infantil plasmaron as súas mans pola paz do mundo e con corazóns quixeron expresar os rapaces e rapazas de 3º o significado da paz para eles...

BUSCAMOS AS CORES DA PAZ...

Alumnos e alumnas de 1º de primaria realizaron unha experiencia sobre as cores e a paz, con educadoras do grupo XARELA.

Premede no enlace ao blog de VOZ NATURA onde se explica a actividade:

BLOG VOZ NATURA 

FIXEMOS NUBES DE ETIQUETAS SOBRE A PAZ...

Alumnos de 3º, 4º, 5º e 6º expresaron, a partir dun remuíño de palabras cal era para eles o significado da palabra paz, e logo plasmáronno visualmente mediante o emprego de nubes de etiquetas realizadas co ordenador. A actividade foi realizada nas tres linguas que estudamos no centro: galego, castelán e inglés. 

 

 

ELABORAMOS RECEITAS PARA A PAZ...

O equipo da biblioteca escolar e o equipo de comedor axiña se puxeron de acordo: que mellor para estas datas que facer receitas pola paz!!.

Dito e feito, xa veredes que receitas tan saborosas realizaron:

RECEITAS PARA A PAZ...

 

 E FINALMENTE BAILAMOS POLA PAZ.

E o 30 de xaneiro culminamos todas as actividades relacionadas con estas datas cun pequeno acto conxunto.

Primeiro lemos o manifesto sobre a Paz onde expresamos os nosos desexos cara un mundo pacífico e en harmonía coa natureza e logo bailamos dúas danzas:

- LA HORA DEL PLANETA (JUAN D e BEATRIZ)

- DANZA DA PAZ (MAMÁ CABRA)

DÍA DA NON-VIOLENCIA E DA PAZ 2016

Como xa comentamos nunha entrada anterior ao longo da semana do 25 ao 29 de xaneiro estivemos traballando nas aulas as propostas dos diferentes equipos dinamizadores para a celebración do DÍA ESCOLAR DA NON-VIOLENCIA E DA PAZ. Aquí vos deixamos unha pequena mostra do que realizamos de forma conxunta:

OS GLOBOS DA PAZ 

Por proposta do equipo dinamizador de actividades complementarias e extraescolares entre todos os alumnos/as do colexio decoramos unhas bolas de diferentes tamaños (como se fosen globos terráqueos) con debuxos e lemas alusivos á PAZ e a NON-VIOLENCIA e á irmandade e solidaridade entre todos os homes. Tamén decoramos outros espazos do centro para destacar a importancia desta celebración.

 

 LIBROS E PAZ 

 O equipo de dinamización da bibilioteca escolar realizou unha exposición de libros cuia temática era a PAZ. Aínda estades a tempo de ler algún dos títulos que nos recomendan!!!. Premede na imaxe e veredes máis polo miúdo a exposición.

Tamén realizaron ao longo da semana outras actividades coma sesións de lectura por parte de nenos e nenas de 4º aos alumnos/as de infantil e 1º de primaria. Todas as lecturas versaban sobre temas relacionados coa  PAZ e a tolerancia, a igualdade...

 

 PEACE DAY 

O departamento de inglés tamén se sumou á celebración con diversas actividades, entre elas destacamos a realización dun mural e traballos de linguaxe e plásticos coa escrita de palabras e frases alusivas a PAZ e ao seu significado para os nenos/as. Tamén se premedes na imaxe levaravos ao blog deste departamento para coñecer un pouco máis estes traballos realizados.

  

 OS CHÍCHAROS DA PAZ 

 O equipo que leva a cabo o proxecto de Voz Natura fixo esta semana unha plantación moi especial: Os chícharos da PAZ!! Se queredes saber máis sobre esta plantación tan especial non deixedes de premer na imaxe e levaravos ao blog do cole de Voz Natura.

 

CANTANDO POLA PAZ

Por último o pasado venres, 29 de xaneiro, realizamos un pequeno acto conxunto que consistiu na lectura por parte de nenos e nenas de 6º de primaria dun manifesto sobre a PAZ, para rematar cantando as cancións PAZ, PAZ, PAZ (de Juanes) e O ROCK DA PAZ. (As letras e vídeos xa volos adiantamos fai uns días). 

 

DÍA DA NON-VIOLENCIA E DA PAZ

Ao longo da semana do 25 ao 29 de xaneiro estamos preparando nas aulas a celebración do DIÁ ESCOLAR DA NON-VIOLENCIA E DA PAZ con diversas actividades  que culmirán o vindeiro venres, 29 de xaneiro, cun pequeno acto conxunto onde se lerán algunhas poesías e cantaremos entre todos dúas cancións alusivas á PAZ. A primeira, do grupo JUANES, titúlase PAZ, PAZ, PAZ. A segunda, EL ROCK DE LA PAZ. Aquí vos deixamos as letras e os vídeos das dúas cancións.

 

PAZ, PAZ, PAZ (JUANES) EL ROCK DE LA PAZ (COLEGIO NATALIO RIVAS)

 

EL ROCK DE

LA PAZ

 

Qué es ese ritmo que oigo por ahí?

   Se oye en el patio y los pasillos, sí.

   Es un ritmo para rocanrolear.

   El 30 de enero vamos a celebrar.

   Todo el cole a bailar.

   Todos juntos por la PAZ.

   Vamos a rocanrolear

 

   Arriba los brazos y saltamos, ya

   Y despacito vamos a bajar.

   Este meneíto que yo sigo así.

   Es el día de la Paz y me voy a divertir.

   Todo el cole a bailar.

   Todos juntos por la Paz.

   Vamos a rocanrolear.

 

   Unimos nuestras manos,  juntos por la Paz.

   Y de este modo vamos a bailar.

   Empieza el balanceo y no pares, ya.

   Es el día de la Paz y vamos a celebrar.

   Todo el cole a bailar.

   Todos juntos por la Paz

   Vamos a rocanrolear.

 

 

PAZ, PAZ, PAZ

 

  Somos la nueva semilla del futuro, de la vida 
  Somos los nińos que cantan por la paz y la esperanza 
  Somos la nueva semilla del futuro, de la vida 
  Somos los nińos que cantan por la paz y la esperanza 

  Dáme la mano, vamos todos a sońar con la paz 
  Dáme la mano, vamos todos a sońar con la paz 

 
        PAZ, PAZ, PAZ, PAZ, PAZ, PAZ!

        PAZ, PAZ, PAZ, PAZ, PAZ, PAZ!

DÍA DA NON-VIOLENCIA E DA PAZ

O venres 30 de xaneiro celebramos un ano máis no centro o DÍA DA NON-VIOLENCIA E DA PAZ, este día que se celebra nos colexios dende 1964 por iniciativa de Llorenç Vidal, propugna unha educación permanente en e para a concordia, a tolerancia, a solidariedade, o respecto aos dereitos humanos, a non-violencia e a paz.

Ao longo destes días traballáronse nas aulas actividades propostas por diferentes equipos (equipo de biblioteca, equipo de dinamización galega, equipo de actividades complementarias e extraescolares...)

Velaquí algúns dos resultados das mesmas:

 O MURO DA PAZ 

A proposta do equipo de dinamización da biblioteca escolar realizouse a actividade O MURO DA PAZ, cada "ladrillo" do muro era unha palabra ou mensaxe relacionado coa paz ou a non-violencia que foi aportando cada neno/a.

 HANDS FOR PEACE 

Dende o departamento de inglés realizaron o mural "HANDS FOR PEACE" (manos para la paz)

(pica nas imaxes para acceder ao blog deste departamento)

 

OS SÍMBOLOS DA PAZ 

 

Por proposta do equipo de actividades complementarias e extraescolares e do equipo de dinamización da lingua galega decoramos este curso a entrada do colexio cos dous símbolos máis universais da paz: o círculo con tres liñas no interior e a pomba coa póla de oliveira no peteiro. 

Tamén tivemos un recordo especial para a gañadora do derradeiro Premio Nobel da Paz: Malala Yousafzai.

 


 

A POMBA SOLIDARIA 

 

Como remate desta semana, o venres realizamos un acto conxunto: "A POMBA SOLIDARIA". Comezamos coa lectura por parte de alumnos/as de 4º de primaria de textos referidos á paz e a actividade que íamos realizar, a continuación fomos enchendo unha pomba debuxada con alimentos non perecedoiros que serán destinados ao noso banco de alimentos. Por último cantamos e bailamos todos xuntos a canción "Corazón con cremallera"

DÍA DA NON-VIOLENCIA E DA PAZ

Con motivo da celebración do DÍA DA NON-VIOLENCIA E DA PAZ, organizouse no colexio, entre outras, unha actividade que leva o nome de "A POMBA SOLIDARIA".

Esta actividade consiste en completar o deseño dunha pomba empregando paquetes con alimentos non perecedoiros (arroz, lentellas, pastas, ... leite, conservas, azucre, galletas, cacao,..). Todos aqueles alumnos/as que, de forma voluntaria, queiran participar, poden, entre o mércores (28), o xoves (29) e o venres (30), traer para a clase o paquete que van colocar o último día na confección da pomba. Cada alumno/a irá colocando a súa "axuda" ata completar o deseño. 

Todos os produtos recollidos serán destinados ao banco de alimentos do colexio. 

 

A veces sentimos que lo que hacemos es tan solo una gota en el mar, pero el mar sería menos si le faltara una gota. 

(Madre Teresa de Calcuta)

Powered by Drupal - Design by artinet