6º Curso

C. NATURAIS: REPASAMOS O CORPO HUMANO

Boas tardes.

Como xa vos explicamos a moitos de vós. Imos repasar unha das partes máis importante das ciencias naturais, a relacionda co corpo humano.

    • O primeiro que ides ter que facer, se non o fixestes aínda, é volver a ler e repasar as unidades 3 e 4 de ciencias (función de nutrición e de reproducción humana).
    • Despois deberedes selecionar aquel aparato que vos costase máis aprender, ou o que vos resultase máis interesante ( pode ser: aparato dixestivo, respiratorio, circulatorio, excretor, reproductor masculino ou reproductor feminino).
    • Teredes que facer unha maqueta, con material que teñades pola casa do aparato que escollestes. Procurade poñer unha silueta por detrás para que se suxeite cando nola teñades que ensinar. AQUI deixo algúns exemplos que atopamos na rede, espero que os vosos sexan aínda máis orixinais.
    • Por último prepararedes unha exposición onde nos teredes que contar a través de videoconferencia: que aparato representastes, como fixestes a maqueta, como funciona dito aparato, curiosidades relacionadas co mesmo, enfermidades, coidados... todo o que se vos ocorra!!

IMPORTANTE: Teredes que tela feita en sete- dez días (tanto a maqueta como a presentación). Así que bulide que vos cómpre o tempo;) Cando as vaiades tendo podedes mandar algunha foto que subiremos á paxina unha vez escoitada a vosa explicación.

 

C.SOCIAIS: ACABAMOS O SÉCULO XIX

Bos días rapaces.

Aquí vos deixo ( nos anexos, abaixo á dereita) unha nova explicación de Pepe sobre como remata o Século XIX, sobre os acontecementos máis importantes en España desde 1868 ata 1898, recordade que tedes tamén un cadro resumo de todo o explicado e debedes ler con moita atención ás páxinas do libro que faltan para rematar a Unidade 7.

Para esta entrega propoñémosvos o mesmo que para a anterior, unha vez escoitado o audio, lidas as páxinas e o resumo, intentade investigar algún personaxe ou feito do que quirades saber máis ou que vos chamase a atención por algo. E recordade "beber de varias fontes" e anotar as páxinas ou libros consultados nun apartado final de bibliografía.

EN...EDUCACIÓN FÍSICA... XOGO NA CASA!

 

EN...EDUCACIÓN FÍSICA… XOGO NA CASA !

UNHA SEMANA MÁIS... E UN RETO NOVO! QUE VOS PARECE...UTILIZAR A BICI PARA DEMOSTRAR ALGUNHA DAS VOSAS HABILIDADES?

 

COMEZAMOS POIS....

 

 

 

Inglés

Ola!, espero que sigades ben. Ánimo que xa queda pouco.

O traballo para esta semana está na folla de Indicacións, ademais tendes as fichas de repaso e a corrección dos exercicios da semana pasada.

INDICACIÓNS

CORRECCIÓNS DEBERES

TIME 1

TIME 2

TO BE

 

 

INVESTIGAMOS O SÉCULO XIX

Imos ir deixando aquí algúns dos traballos que nos van chegando sobre o século XIX. Comecemos por deixar dúas liñas do tempo que fixeron Yoel Lorente e Rocio para ter unha visión xeral de todo o contado ata o momento.

Continuaremos agora por profundizar nas personaxes. Que tal se comezamos por Carlos IV. Aquí vos deixo as investigacións de Iago e Iria . Espero que vos gusten:

                

 

 

A Carlos IV sucedeuno no trono o seu fillo Fernando VII, sobre o que investigaron, Diego, Candela e Bruno.

    

         

         

 

Xurxo, foise a América para contarnos como España perde as súas colonias alí. O deste neno é fixación, calquer día escapa para alá;) 

           

E a explicación de Pepe, polo momento, remataba co reinado de Isabel II, sobre a que investigaron  André, Sofía, Valentina e Shaila. Esta claro que esta muller non deixou indiferente a ninguén;)

 

                     

 

                

                

                

                

 Seguimos esperando as vosas aportacións. Non deixedes de ler os traballos dos vosos compañeiros;)

MATEMÁTICAS: ÁREAS DE TRIÁNGULO, ROMBOIDE, ROMBO E TRAPECIO

Boas rapaces. 

Xa sei que é fin de semana pero Pepe quere seguirvos explicando as áreas. Así que agora é a quenda da

área do triángulo, do romboide, do rombo e do trapecio . Así que AQUÍ déixovos unhas

explicacións por escrito e unhas actividades que vos preparou. Que por certo me pediu que tivérades diante

durante a videoconferencia tanto de 6º B como de 6º A. Algo vos debe querer contar;)

Se podedes ídelle botando un ollo!

MATEMÁTICAS: SOLUCIÓNS ÁS TAREFAS DAS ÁREAS E AUDIO COAS EXPLICACIÓNS

Boas tardes. 

Déixovos AQUI as solucións ás tarefas de matemáticas que vos propuxo o profe Pepe esta semana. Cando as teñades feitas, comprobade que esté todo ben.E xa sabedes, nada de mirar antes de tempo, hai que intentalo;)

Nos adxuntos (abaixo, á dereita) quédavos un audio coa explicación das tarefas que fixestes;) Escoitade con atención;)

DO 18 AO 22 DE MAIO: MATEMÁTICAS E CIENCIAS SOCIAIS.

Bos días rapaces!!

O prometido é deuda!! Deixámosvos aquí as solucións das tarefas sobre volume e capacidade da semana pasada  e o previsto para esta. Agora toca centrarse nas áreas do cadrado e do rectángulo (ver anexos, abaixo á dereita), algo que ten múltiples aplicacións na vida diaria. Ánimo que son  moi pouquiñas e coidado coa presentación;)

Tamén para esta semana que comeza imos volver a centrarnos nas ciencias sociais, toca comezar coa unidade 7, Do absolutismo ao liberalismo. Así que ímosvos deixar uns audios coas explicacións do que aconteceu de 1800 a 1868 e un cadro-resumo cos feitos e personaxes máis relevantes da primeira parte do século XIX español. É importante que a medida que escoitedes os audios vaiades lendo pouco a pouco as páxinas que vos vai dicindo Pepe. Tamén hai outro audio onde vos propoñemos as actividades a facer con todo isto.

Recordade que son actividades para o longo da semana;)

EN EDUCACIÓN FÍSICA... XOGO NA CASA!

 

Oooolaaa!!! Que tal saiu o reto da semana pasada?.... Xa recibín algúns videos…perfectos!!!

 

Intentamos o  RETO 2?... Este reto ten una particularidade! Propóñovolo… e vós tendes que buscar o xeito de realízalo (eu non explico como o podedes resolver). Imos?

SEGUNDO RETO DE EDUCACIÓN FÍSICA...

Inglés

Ola! Unha semana máis que vai fóra, ánimo que xa queda menos.

O traballo de esta semana tédelo na páxina que pon Indicacións. Como sempre se non entendedes algo ou simplemente queredes preguntar algunha cousa mandade unha mensaxe ao Abalar ou ao correo electrónico. Saúdos.

INDICACIÓNS

CORRECCIÓN DEBERES SEMANA PASADA

Os audios van ao fondo como adxuntos.

Powered by Drupal - Design by artinet