O Fomento da Lectura e a Educación para a Saúde son dous temas transversais contemplados no currículo e que traballamos cada día no colexio (recordamos:  sesón diaria adicada á hora lectura, actividades propostas dende a biblioteca escolar, fomento de hábitos alimentarios saudables dende o comedor escolar, educación física,  traballo nas aulas ...). Por que recordamos isto?. Porque o pasado venres, 19 de febreiro, os pequenos e pequenas de Educación Infantil realizaron unha actividade no colexio que aunou a un tempo os dous aspectos: fomentar a lectura e a creatividade e favorecer hábitos alimentarios saudables.

Se queredes coñecer algo máis sobre esta actividade só tedes que premer na seguinte imaxe para enlazar co blog do cole que leva o proxecto de VOZ NATURA neste curso.

O día 16 de decembro os alumnos de 3º e 4º de primaria participaron no Taller PlayEnergy organizado por Endesa co obxectivo de ampliar os  coñecementos sobre a enerxía e fomentar o aforro enerxético.

A actividade levouse a cabo no propio centro e os alumnos participaron de maneira activa e lúdica en diferentes propostas.

Primeiro traballaron sobre o que consomen os diferentes aparatos eléctricos das casas e recibiron algúns consellos de aforro enerxético.

Logo contestaron unhas preguntas -nunha tablet- ao mesmo tempo que participaron en varios experimentos:

• A forza de pedaleo acender unha lámpada.

• Poñer en marcha un vehículo ao facer xirar unha manivela.

• Poñer en funcionamento un vehículo de propulsión eólica.

• Facer xirar un xiroscopio luminoso tirando dun cordel.

• Impulsar uns barcos na auga cuns globos cheos de aire.

(Preme nas imaxes para acceder á galería de fotos)

II EXPOSICIÓN DE FROITOS DO OUTONO

Xa temos na entrada do colexio a II Exposición de Froitos de Outono. Premede nas imaxes para enlazar co blogue do Equipo de Dinamización da Lingua Galega para coñecer todos os detalles da mesma. 

Un ano máis participamos no Plan Director para a Convivencia e Mellora da Seguridade nos Centros Educativos e nos seus Contornos. Este plan, promovido polo Ministerio de Interior en colaboración coas Comunidades Autónomas, pretende dar, coas actuacións recollidas no mesmo, respostas coordinadas e eficaces a todas as cuestións relacionados coa seguridade dos nenos/as nos centros educativos e nos seus arredores. 

Dentro das actuacións ofertadas neste plan, o pasado mércores, 6 de outubro, os alumnos/as de 5º e 6º de primaria asistiron no centro  a unha charla impartida por un membro do Corpo Nacional de Policía sobre o uso das novas tecnoloxías e os seus riscos. Os nenos coñeceron cales son os perigos cos que se poden atopar ao navegar por Internet e polas redes sociais, como evitar o "grooming" ou acoso sexual a menores, como elexir páxinas máis seguras, os riscos das páxinas de descargas de Internet, etc.  

Na seguinte imaxe tedes uns pequenos consellos para disfrutar dunha navegación segura pola rede e o vídeo títulado "Las 10 claves para usar Internet con seguridad":

(Premede na imaxe para acceder a máis información)                (Vídeo de www.pantallasamigas.net)

O xoves, 24 de setembro, os alumnos de 1º, 2º e 3º de Educación Primaria participaron no recinto escolar na actividade PROTEXENDO O CAMIÑO. O obxectivo desta actividade era dar a coñecer aos cativos o Camiño de Santiago e que valoren o seu poder cultural, económico, patrimonial e social, fomentando valores de respecto e posta en valor do mesmo. Foi realizada polo grupo POLO CORREO DO VENTO, colectivo especializado en actividades pensadas para o público máis novo co fin de promover a lectura, a comprensión oral en galego e o desenvolvemento da creatividade e a expresión artistica dos nenos e nenas. 

Os nenos/as coñeceron a historia de Iago e Peregrina, debuxante e fotógrafa, que realizan o Camiño de Santiago tentando protexer as rutas dos riscos que poden sofrer (lixo, feísmo, falta de civismo cos peregrinos ou dos peregrinos, etc...).

Participaron tamén activamente realizando debuxos e reflexionando dun xeito lúdico sobre o que podemos facer para protexer o Camiño.

O mércores, 23 de setembro, os alumnos/as de 6º curso disfrutaron dunha xornada "saudable" grazas a colaboración da cadea de supermercados EROSKI. Co fin de promover nos rapaces/zas unha alimentación equilibrada e uns hábitos de vida saudables, o programa desta actividade contou con dous momentos diferenciados:

1º- Persoal do supermercado acudiu ao noso centro para explicar aos alumnos/as a organización de todo o hipermercado, como se realiza o traballo en equipo, as diferentes seccións ... Tamén lles explicaron as claves dunha alimentación saudable, os distintos tipos de nutrientes, a pirámide dos alimentos, a frecuencia de consumo...

2- A actividade completouse coa visita ao centro Eroski situado no barrio da Ponte. Alí coñeceron as distintas seccións: froitería, carnicería, peixería... falaron cos encargados de cada unha e comprobaron, por exemplo, os utensilios que empregan na carnicería, na peixería, as medidas de seguridade... como se conservan os produtos conxelados,  a sección de hixiene...

Remataron a xornada coa degustación dunha merenda saudable a base de froitas, zumes e iogures. Durante a mesma o nenos/as participaron en diversos xogos nos que trataban de adiviñar diferentes alimentos polo tacto ou polo gusto.

O venres 19, último día lectivo deste curso escolar, rematamos cunha gran festa organizada pola ANPA do centro no patio do colexio. Nin que dicir que os rapaces/zas pasárono xenial, non podía ser menos: inchables, xogos de auga, touro mecánico, visita de Bob Esponxa... e ao remate a esperada FESTA DA ESCUMA, que xa se está convertendo nun "clásico" a final de curso... ata as colaboradores/as do comedor escolar e cociñeiras se animaron a participar... Como veredes na seguinte presentación de fotos a xornada foi todo un éxito!!!

E despois no comedor escolar tivemos un momento moi especial... a despedida de Julia, unha das nosas cociñeiras, chegoulle a hora da súa xubilación e dun merecido descanso despois de 35 anos traballando no comedor do centro. Dende aquí queremos agradecerlle toda a súa adicación e o esforzo realizado ao longo de tantos anos e desexámoslle o mellor nesta nova etapa da súa vida que agora vai comezar.

O corresponsal do xornal La Región da zona de Celanova e membros da Fundación Curros Enríquez desprazáronse ata o noso centro o mércores 13 de maio para que o alumnado de 6º B de primaria, participante na difusión da obra de Curros gravaran unha parte do seu poema máis coñecido "A Virxe do Cristal":

E o 17 de maio, o mural realizado polos alumnos/as de 6º B, pertencente ao proxecto sobre a difusión do poema de Curros Enríquez  "A Virxe do Cristal" presidiu o palco no día das Letras Galegas na Exposición Etnográfica Raigame. Quedará exposto permanentemente no terceiro andar da Torre da Homenaxe de Vilanova dos Infantes unha vez rematada a Aula expositiva. 

Xa saímos na tele!!, o martes 13 de maio emitiuse pola cadea de televisión local TELEMIÑO o programa XORNAL ESCOLAR no que o noso o centro era o protagonista. Os que non puidestes ver o programa aínda tedes ocasión de facelo pois o mesmo repítese ao longo da semana. Estade atentos á programación de TELEMIÑO para coñecer o día e a hora de emisión. E se alguén queda sen velo, non vos preocupedes, en canto estén dispoñibles os vídeos do programa en internet, poremos un enlace na nosa web. 

Como complemento do programa, o mesmo día, o 13 de maio, saímos na edición impresa e na dixital do xornal ourensá La Región.  

Preme na foto para acceder á edición dixital do xornal La Región	Facede clic na imaxe para ler a noticia publicada na edición impresa

ATENTOS ESTA SEMANA Á CADEA DE TELEVISIÓN LOCAL TELEMIÑO, O VINDEIRO MÉRCORES, 13 DE MAIO (e repetirase en días posteriores), O NOSO COLE SERÁ O PROTAGONISTA DO PROGRAMA XORNAL ESCOLAR. NON O PERDADES, VEREDES QUE PRESENTADORES E QUE ARTISTAS TEMOS NO COLE...