NON VOS PERDADES A NOSA XORNADA DE PORTAS ABERTAS!!
AGARDAMOS A VOSA VISITA!
Vídeo gravado o curso pasado, polo que hai pequenos cambios que veredes cando visitedes o cole.
PLANTANDO ÁRBORES CON PINCEIS é unha actividade promovida por Afundación na que unha das súas actividades consiste en que o alumnado de 5º e 6º é coordinado para pintar un mural.
O proxecto pretende a creación de murais artísticos, colaborativos e ecolóxicon con pinturas fotocatalíticas anticontaminación, que absorben e depuran os contaminates que hai no aire. Unha iniciativa enmarcada na concienciación do coidado do medioambiente.
No caso do centro escollemos unha parede do exterior do centro para pintala de xeito colaborativo entre os tres cursos.
En clase de educación artística divertímonos ao mesmo tempo que aprendemos novas tradicións americanas.
Esta vez, a nosa auxiliar de conversa, deunos a coñecer o Día da Marmota.
O Día da Marmota conmemórase en Estados Unidos cada 2 de febreiro.
Segundo a tradición, a marmota Phil é capaz de prognosticar, grazas á súa sombra, o remate do inverno e a chegada da primavera.
Este curso estamos levando a cabo un proxecto de maxia na escola.
Estas son as fotos do obradoiro "Magic School" no que o alumnado aprende xogos de maxia ao mesmo tempo que practica inglés.
Esta actividade forma parte do Programa Plurilingüe do colexio e conta coa colaboración do Mago Chirleta, o profesorado de educación artística e a auxiliar de conversa.
Para seguir conmemorando o DÍA DA PAZ, fixemos un circuito que chamamos RODANDO CARA A PAZ.
No patio preparáronse dous circuitos, un para infantil e outro para primaria. A actividade consistía en percorrer o circuito en parellas onde un dos membros se montaba nunha plataforma con rodas e o outro tiña que empurralo ou tirar del para ir chegando ás distintas probas do tramo.
Entre os dous tiñan que superar as distintas probas e superar así tamén un atranco para a paz que atopaban nos carteis das distintas probas. Finalmente chegarían á meta onde se atopaban uns murais con palabras representativas de accións que fomentan a PAZ entre as persoas.
Cremos que foi unha actividade moi divertida e sobre todo unha forma de mostrar que para sortear as dificultades que podemos atopar para chegar á paz nada mellor que a axuda dos/as amigos/as!!!!
Hoxe conmemórase o DÍA MUNDIAL DA PAZ e veunos visitar nin máis nin menos ca PACO NOGUEIRAS.
Nas aulas estivemos escoitando dúas das súas cancións para a PAZ: APERTAS QUE VOAN E MÓVETE.
Cancións que puidemos cantar hoxe tamén con el.
Un concerto ao aire libre que nos encantou. Movémonos, participamos, bailamos e pasámolo xenial.
Moitas grazas PACO por vir a cantar e bailar connosco!!!!
Iris tivo a sorte de ser a elexida de bailar no escenario con Paco Nogueiras e que ben o fixo. Seguiuno xenial e axudounos a non perdernos no baile!! Fantástico Iris.
Comezamos o proceso de admisión e matrícula para o vindeiro curso 2023-24 coa reserva de praza nos centros de adscrición.
Do 16 de xaneiro ao 06 de febreiro o alumnado de 6º de primaria que desexe continuar os seus estudos no IES EDUARDO BLANCO AMOR (centro ao que está adscrito o noso centro), debe presentar o impreso de solicitude de reserva de praza
a) na secretaría do centro b) por vía telemática
A solicitude de admisión pode cubrirse por vía telemática na páxina web www.edu.xunta.gal/admisionalumnado no apartado Solicitudes - Reserva - Crear.
Feito iso poden optar por:
Tamén poden descargar o Impreso de solicitude ou solicitalo no centro, para cubrilo a man e entregalo posteriormente en secretaría.
Este curso temos alumnado voluntario de 5º e 6º que nos queren axudar na xestión e organización de tarefas da biblioteca. Anotáronse nin máis nin menos ca 30 alumnos e alumnas con ganas de participar na dinamización da biblioteca.
Entre as súas tarefas destacan:
- Axudar ao alumnado máis pequeno cos xogos na biblioteca.
- Dinamizar o rincón do rato programable.
- Realizar lecturas compartidas tanto na biblioteca coma no bibliopatio.
- Axudar na colocación dos fondos e na súa etiquetaxe unha vez catalogados.
Actividade que ten unha moi boa acollida entre todo o alumnado.
Insignia que se lles deu aos/ás axudantes
OS NOVOS CARROS PARA O BIBLIOPATIO
Xunta de Galicia - Consellería de Educación, 2013 |