Moitas grazas a todos os nenos e nenas e as súas familias que nos mandaron coas súas fotos unha mensaxe de ánimo, de esperanza, de unión  e de cariño nestos momentos tan complicados e tan difíciles que estamos a vivir. Coa unión e o esforzo de todos, lograrémolo!. Seguide así de valentes e de animosos, dándonos exemplo a todos. Unha aperta moi grande para todos e cada un dos membros da nosa comunidade educativa de parte do profesorado e de todos os traballadores do centro. 

TODO VAI SAÍR BEN!! QUÉDATE NA CASA!! POR TODOS!!

NOVA ACTUALIZACIÓN!!! (1-4-2020)

Ante e a suspensión da actividade lectiva por mor do coronavirus COVID-19, comunicamos a todas as familias que ao longo das vindeiras semanas serán colgadas tarefas e enlaces a distintas páxinas ou actividades  para que os nenos e nenas podan seguir traballando dende as súas casas. Estarán postas no lateral dereito desta páxina no apartado Actividades. 

O profesorado de 5º e 6º de primaria irá facendo tamén as comunicacións a través da aplicación ABALAR MÓBIL. O alumnado de 5º A tamén xa está recibindo as comunicacións sobre as tarefas e actividades a través da plataforma que utilizan habitualmente na aula: EDMODO.

Este é o correo electrónico do centro por se queredes facer calquera consulta:

ceip.albino.nunez@edu.xunta.es 

Que tal familias? Esperamos que esteades todos co ánimo moi alto, entre todos lograrémolo!!. Para facer máis levadeira esta tempada en que nos toca quedar na casa, ademais das tarefas que vos van indicando os profesores para cada curso e para cada materia, deixámosvos unha serie de iniciativas e  unha serie de enlaces para que os nenos e nenas podan seguir traballando dende a casa e tamén para divertirse e ter un pouco de ocio:

O Ministerio de Educación y Formación Profesional pon en marcha a web APRENDO EN CASA, con materiais e recursos on-line para docentes, familias e alumnos.

RTVE empeza este luns, 23 de marzo, as emisións do programa APRENDEMOS EN CASA. Esta é unha iniciativa, do Ministerio de Educación y Formación Profesional en colaboración con RTVE, co fin de facilitar a aprendizaxe de todo o alumnado durante a suspensión das actividades lectivas por mor da crise provocada polo coronaviurs COVID-19. 

As emisións realizaranse na canle  2 de TVE  e en CLAN TV.  

TV Clan - as tres horas diarias en Clan (de 09:00 a 12:00 horas) estarán destinadas a estudantes entre 6 e 12 anos.

A 2 de TVE - dúas horas diarias (de 12:00 a 14:00 horas) para estudantes de 12 a 16 anos. 

(preme na imaxe para acceder á páxina web do Ministerio de Educación onde tedes toda a información)

A Compañía de Radio Televisión Galega tamén emitirá de luns a venres, pola TVG 2, un bloque educativo para apoiar aos estudantes galegos. Realizado colaboración coa Consellería de Educación, Universidade e Formación Profesional. A franxa horaria será de 11:00 a 13:00 horas.

Premede no enlace para ver a información: bloque educativo na TVG 2

No repositorio de contidos do Espazo Abalar aparecen multitude de recursos que podedes buscar por curso, materia, idioma, tipo de recurso... para facer on-line ou descargar.

 EduClan é outra proposta da canle CLAN de RTVE en colaboración co Ministerio de Educación y Formación Profesional e diversas editorias. Unha ferramenta educativa para as familias durante o peche preventivo dos centros educativos.

Aulas galegas é un portal educativo realizado por un colectivo de profesoras e profesores sen ánimo de lucro que ante a situación de illamento provocada polo coronavirus Covid-19 quere ofrecer unha axuda educativa á sociedade. 

 Dende o Programa Si!, que seguimos no centro, podedes acceder a recursos e actividades dende infantil ata 6º de primaria. Recordade, xa postos na páxina, premedes en INTRANET e alí poñedes como usuario: FAM32015190 e como contrasinal: FAM32015190XH

Recursos didácticos de matemáticas para escolas e familias ordenados por cursos son ofrecidos polo proveedor de recursos especializados Innovamat. 

AulaPlaneta ofrece acceso libre aos seus recursos e materiais ao profesorado de 5º e 6º de primaria e a todo o profesorado de ESO. 

 A editorial Vicens Vives dá acceso aos seus libros dixitais e recursos de forma libre.

 A páxina web Yoaprendoencasa, da editorial SM, ofrece un montón de recursos, fichas e iniciativas para aprender dende a casa.

 Coa web La escuela en casa, a editorial Santillana presentanos unha serie de recursos abertos para o profesorado e as familias. 

A editorial Anaya tamén pon a disposición das familias a web LA WEB DEL ALUMNADO Y LA FAMILIA con acceso aos libros dixitais e recursos de todas as  materias. 

A editorial Oxford dá acceso libre a Online Learning Zone - Primary, para recursos en inglés.

 En casa con MacMillan, da editorial MacMillan, outra web con recursos en inglés para todos os niveis.

O Ministerio de Cultura y Deporte  pon a disposición de todos o programa LaCulturaEnTuCasa con visitas virtuais  a cines, teatros, exposicións, música, bibliotecas, audiolibros...

Este estupendo blog de Julián Marquina ofrecenos unha serie de recopilacións moi interesantes e sempre actualizadas, aquí tedes algunha delas:

- 22 editoriais ofrecen os seus libros electrónicos de balde para levar a corentena

- Audiolibros infantís de balde

- 11 actividades culturais de  balde sen saír da casa 

 Na web REGALO AL PROFE contamos tamén cunha recompilación  de propostas e recursos moi interesantes para estes días de quedar na casa (visitas virtuais a museos, apps para descargar, actividades...)  

A editorial Kalandraka comparte con nós a estupenda iniciativa CONTOS CONTADOS, premede na imaxe para acceder á sección da súa canle, na que, diariamente, irán aparecendo algún dos contos editados por esta editorial. 

A Rede de Bibliotecas Públicas de Galicia tamén dá acceso a todo o seu catálogo de libros electrónicos de forma moi sinxela aínda que non sexas socioentra na web GALICIA LE.

A editorial Baía Edicións, a través da web BAÍA CON NÓS NA CASA, tamén ofrece a posibilidade de descargar libremente moitos dos seus libros de contos para nenos e nenas dende 4 ata 12 anos. 

Ola familias!! O equipo de orientación do noso centro proponvos unha actividade para realizar cos nenos e nenas durante estes días tan complicados. Esta iniciativa, que comezou en Italia, podedes realizala moi facilmente. 

Trátase de debuxar un arco da vella e acompañalo da frase TODO IRÁ BEN. É unha forma de animarnos todos e de non esquecer que despois da tormenta sempre vén a CALMA e a TRANQUILIDADE e que debemos ser OPTIMISTAS.

Estes debuxos son para colgar nas fiestras, pero antes de colgalos, podedes mandar ao correo do colexio: ceip.albino.nunez@edu.xunta.gal ou ao correo de orientación: orientacionalbino@gmail.com , unha foto co cartel, ou aínda mellor, unha foto dos nenos e/ou de toda a familia co cartel. 

Colgaremos na páxina web todas as fotos para que todos podamos velas. Animádevos e mandade as vosas fotos!!

Na páxina web da Consellería de Educación, Universidade e Formación Profesional acaban de publicar novas instrucións para os centros educativos:

NOVAS INSTRUCIÓNS A EQUIPOS DIRECTIVOS SOBRE A PRESENZA NOS CENTROS

Por mor da suspensión de toda actividade lectiva nos centros educativos e dos seus servizos, quedou tamén interrompido o servizo de admisión para o vindeiro curso 2020-21, reiniciaranse os prazos cando se volva a normalizar a situación. 

ENLACE AVISO CONSELLERÍA EDUCACIÓN, UNIVERSIDADE E FORMACIÓN PROFESIONAL 

Publicamos o REAL DECRETO 463/2020, do 14 de marzo, por el que se declara el estado de alarma para la gestión de la situación de crisis sanitaria ocasionada por el COVID-19:

- REAL DECRETO 463/2020

Destacamos os artigos 7 e 9, o primeiro fala da limitación de movementos e o segundo das medidas no ámbito educativo. 

Tamén publicamos a  RESOLUCIÓN do 15 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao acordo do Centro de Coordinación Operativa (Cecop), mediante o que se adoptan medidas preventivas en lugares de traballo do sector público autonómico como consecuencia da evolución epidemiolóxica do coronavirus COVID-19:

- RESOLUCIÓN DO 15 DE MARZO 

Destacamos tamén as medidas no ámbito educativo:

Como xa todos sabedes o pasado 8 de marzo celebrouse o DÍA INTERNACIONAL DA MULLER. Tamén coma sempre no colexio realizamos diversas actividades: contamos coa colaboración de varias nais que viñeron  a contarnos a súa experiencia como mulleres traballadoras. Fatiropina, a nai dun neno de infantil realizou un obradoiro sobre a pintora MARUJA MALLO con alumnos e alumnas de 5º de primaria. Traballouse nas aulas o tema da igualdade e realizáronse murais para destacar a figura da muller, tanto de mulleres que foron abrindo camiño, coma de mulleres actuais, mulleres que temos arredor e que loitan por defender a igualdade e liberdade de todas as mulleres. 

Premede na seguinte imaxe para acceder ao blog da biblioteca escolar para ler toda a información e visualizar as imaxes das actividades realizadas:

Destacar tamén que o obradoiro sobre MARUJA MALLO saiu no suplemento XORNAL ESCOLAR do xornal LA REGIÓN do día 11 de marzo:

O martes, 3 de marzo, todo o alumnado de Educación Infantil acudiu ao Auditorio Municipal para presenciar a obra de teatro "O LOBO E A LÚA", posta en escena polo grupo teatral galego BAOBAB TEATRO. Obra que combina actores con monicreques e que acadou o premio BARRIGA VERDE DE TEXTOS PARA TEATRO de títeres na XI Edición de 2014.

"Había unha vez un pequeno lobo que vivía no Prado Azul e precisaba falar coa Lúa, era moi importante o que lle tiña que dicir, como a lúa estaba moi lonxe non lle escoitaba, así que o lobo tiña que berrar, cos seus berros non deixaba durmir a ninguén, nin a Nina a tartaruga, nin a Duarte o elefante, nin a Miñao o gato malvado. No seu intento de falar coa lúa coñece a Mariano, un rato falador e divertido que lle axudará, ou quizais non. No prado azul esta noite, ninguén pode durmir!" (Sinopse extraída da páxina web do grupo BAOBAB TEATRO). 

O lobo e a lúa é unha peza teatral tenra, divertida e intrigante onde os seus personaxes conviven a pesar das súas diferenzas. Un espectáculo que transcorre sempre de noite, á luz da Lúa e que gustou aos máis pequenos por ser unha historia de amizade, superación dos propios medos e de amor.

O xoves 27 de febreiro recibimos de novo no colexio ao escritor PABLO NOGUEIRA que veu compartir unha estupenda xornada cos pequenos e pequenas de segundo curso de Educación Primaria. 

Premede na seguinte imaxe, no blog da nosa biblioteca escolar tedes toda a información: