A Consellería de Cultura, Educación e Ordenación Universitaria presenta o Plan Anual de Formación do Profesorado para  o curso 2014/2015. Este documento integra a oferta de actividades de formación e responde ás necesidades e demandas do profesorado ao que vai dirixido, así como ás estratexias, plans e programas que a Consellería de Cultura, Educación e Ordenación Universitaria prioriza.

Enlace ao plan.

Informámosvos que o vindeiro xoves, día 12 de xuño ás  18:15 h. no Salón de Actos da Uned da Coruña, terá lugar a sesión de clausura das xornadas "A creación literaria e os seus autores: X Encuentros con creadores". Esta sesión contará coa presenza do escritor chileno JORGE EDWARDS. Conversaremos co autor da súa obra, percorreremos a súa rica experiencia vital e literaria e afondaremos nas motivacións que fixeron dedicar parte da súa vida á política e á literatura.

Jorge Edwards (Santiago de Chile, 1931). Escritor, avogado, xornalista e diplomático chileno. Tralo golpe de estado de Chile, en 1973 márchase a Barcelona, onde traballa como director da editorial Difusora Internacional e colabora como asesor na Editorial Seix Barral. Jorge Edwards contribuíu a formar, coa Sociedade de Escritores de Chile, a comisión de Defensa da Liberdade de Expresión. En 1982 ingresou como membro da Academia da Lingua de Chile. Entre 1994 e 1997 é embaixador ante a Unesco en París. En 2010, obtén a cidadanía española e tamén é nomeado embaixador en París do goberno chileno. É escritor é autor de numerosas novelas, contos e ensaios. Destacan, entre outras obras, El peso de la noche, Los convidados de piedra, La mujer imaginaria, El anfitrión, El origen del mundo, Persona non grata, Adiós, poeta, El inútil de la familia, La muerte de Montaigne ... A súa obra está traducida a diferentes idiomas. Colabora en diversos diarios europeos e latinoamericanos, como  Le Monde, El País, Corriere della Sera, La Nación o Clarín, de Buenos Aires. É membro do consello de redacción das revistas Volta e Letras Libres de México e impartiu conferencias sobre temas latinoamericanos en diversas universidades norteamericanas e europeas. Recibe o Premio Cervantes en 1999 e a biblioteca do Instituto Cervantes de Mánchester leva o seu nome.

Durante os meses de xullo e setembro de 2014, o Ministerio de Educación, Cultura e Deporte, en convenio coa Universidade Internacional Menéndez Pelayo (UIMP), organiza doce cursos de verán dirixidos ao profesorado e aos centros educativos de todo o territorio nacional.
Para consultar a información:

Enlace ao post do INTEF coa  información sobre os cursos de verán

http://blog.educalab.es/intef/2014/05/21/cursos-de-verano-2014/

Enlace á convocatoria do BOE

http://www.boe.es/boe/dias/2014/05/24/pdfs/BOE-A-2014-5479.pdf

Enlace á sede electrónica    

http://www.mecd.gob.es/educacion-mecd/areas-educacion/profesorado/formacion/formacion-permanente/cursos-congresos/cursos/cursos-de-verano.html

Es profe nun centro educativo galego? Gustaríache coñecer proxectos didácticos innovadores que se levan a cabo noutros colexios? Tes un proxecto, mais non sabes ben como poder implementalo no teu centro e noutros? Esta é a túa oportunidade!... Reserva xa a túa praza na I Edición de educAcción, unha xornada na que os profesores seredes os protagonistas e na que, dunha forma amena e divulgativa, descubrirás os proxectos premiados na convocatoria de proxectos educativos educaBarrié, así como outros proxectos propios nos que xa participan máis de unha centena de centros educativos da nosa comunidade.

Inscrición: Completar o formulario online clicando en "Apuntarse nesta actividade".

Data: mércores 28 de maio de 2014

Hora: de 17.30 a 20.30 horas

Lugar: Fundación Barrié, sede de Vigo

Ao longo da Xornada e a través de breves presentacións de 10 minutos, irás coñecendo os nosos proxectos máis salientables, da man dos seus protagonistas: os profesores que os coordinan e os alumnos que neles participan.

Proxectos do ámbito artístico, social, literario, científico, todos eles unidos por unha vocación interdisciplinar e co claro obxectivo de axudar a definir un novo modelo educativo enfocado á investigación, á experimentación e á diversión como chave para a ensinanza.

Convidámoste a que te relaxes, abras ben os ollos, deixes libre a túa mente e viaxes connosco a unha nova dimensión educativa, onde a innovación, a ilusión e a paixón guían a aprendizaxe.

Ven e constrúe connosco a educación que imaxinas.

INSCRIBIRSE

Destinatarios:

O persoal docente de carreira que pertenza aos corpos que imparten ensinanzas das establecidas na Lei orgánica 2/2006, do 3 de maio, de educación (LOE), modificada pola Lei orgánica 8/2013, do 9 de decembro, para a mellora da calidade educativa, destinado durante o próximo curso 2014-2015 en centros educativos públicos e nos servizos provinciais de Inspección educativa dependentes da Comunidade Autónoma de Galicia.

Requisitos

Os candidatos deben reunir os seguintes requisitos:

1. Estaren en situación de servizo activo e prestando servizos ininterrompidos durante os cursos: 2012-2013 e 2013-2014, e no 2014-2015 seguiren tendo destino e exercendo docencia directa con alumnado en centros docentes educativos dependentes da Consellería de Cultura, Educación e Ordenación Universitaria.

2. Teren, como mínimo, dous anos de antigüidade como persoal docente de carreira nos corpos e nas escalas que se establecen no artigo 1 da orde. Para estes efectos computaranse os servizos ata o 31 de agosto de 2014. Para a modalidade 6, terá preferencia o profesorado con destino definitivo no centro educativo durante o curso 2014-2015.

3. Non teren destino en comisión de servizos durante o curso 2014-2015, agás o profesorado destinado en centros de ensinanzas artísticas superiores e o que estea a gozar dunha comisión de servizos por conciliación da vida familiar a laboral.

4. Obteren como mínimo oito puntos na epígrafe 1 do baremo que figura no anexo III da convocatoria.

5. A obtención da licenza é incompatible coa participación simultánea en programas europeos, estadías formativas en empresas e actividades formativas no estranxeiro ofrecidas á marxe desta convocatoria.

A persoa solicitante que obteña praza en calquera destas convocatorias deberá notificalo urxentemente e por escrito á Dirección Xeral de Educación, Formación Profesional e Innovación Educativa.

Modalidades:

Convócanse licenzas por estudos, retribuídas.

Existen seis modalidades de licenza:

Modalidade 1: proxectos individuais para a creación de materiais curriculares dixitais para primaria e secundaria.

Duración: de un a tres meses, segundo a valoración do proxecto presentado.

Modalidade 2: grupo de traballo de dous ou tres membros para a creación de materiais curriculares dixitais en primaria e secundaria.

Duración: de un a tres meses, segundo a valoración do proxecto presentado.

Modalidade 3: proxecto individual para a creación de materiais curriculares para as ensinanzas de formación profesional.

Duración: tres meses.

Modalidade 4: grupo de traballo de dous ou tres membros para a creación de materiais curriculares para as ensinanzas de formación profesional.

Duración: tres meses.

Modalidade 5: grupo de traballo de dous ou tres membros para a creación de cursos non presenciais para a formación do profesorado.

Os deseños dos cursos propostos nesta modalidade pódense atopar na aula virtual do CAFI: http://www.edu.xunta.gal/centros/cafi/aulavirtual/course/view.php?id=233

Duración: de un a tres meses.

Modalidade 6: perfeccionamento en linguas estranxeiras no exterior.

Dirixida preferentemente ao profesorado non especialista de ensino primario e secundario para promover dun xeito prioritario a creación ou a continuación do programa de seccións bilingües e/ou de centros plurilingües.

Duración mínima: un mes.

Duración máxima: tres meses.

Documentación necesaria

Solicitude segundo modelo do anexo II da convocatoria.

Proxecto de estudos ou de traballo de investigación que se pretenda realizar durante o período da licenza, segundo o contido do anexo IV.

A outra documentación requirida na convocatoria específica para cada modalidade

Relación numerada e asinada da documentación presentada.

Máis información

Mail: licenzas.fprofe@edu.xunta.es

Tlf.: 881.997635/981.546.514/981.546.513

Servizo de Formación do Profesorado

Dirección Xeral de Educación, Formación Profesional e Innovación Educativa

Consellería de Cultura, Educación e Ordenación Universitaria

Orde do 30 de abril de 2014 pola que se convocan licenzas por formación para o curso 2014/2015 (DOG)

Informámosvos que o próximo xoves, día 8 de maio ás 18:15 horas no Salón de Actos da Uned da Coruña, terá lugar unha nova sesión das Xornadas "A creación literaria e os seus autores: X Encontros con creadores". Esta sesión titulada: "Libros, diarios e outros imaxinarios", contará coa presenza do escritor e ensaísta ANDRÉS TRAPIELLO. Conversaremos co autor da súa obra, recorreremos a súa rica experiencia vital e afondaremos nas motivacións que o levaron a dedicar a súa vida á literatura.

Organiza estes encontros o CENTRO DE FORMACIÓN E RECURSOS da CORUÑA baixo a coordinación de Javier Pintor. Intervén como interlocutor na mesa de debate, Xavier Seoane, recoñecido autor galego.

O  enlace para seguir esta sesión por videoconferencia é seguinte:

http://www.intecca.uned.es/portalavip/directos.php?ID_Grabacion=73309&ID_Sala=102462 

Andrés Trapiello, poeta e escritor español, naceu en 1953 en Manzaneda de Torío, León. Despois de estudar Filosofía e Letras na Universidade de Valladolid, onde tamén traballou no diario Pobo, trasladouse en 1975 a Madrid, cidade na que vive dende entón. De 1977 a 1980, traballou como redactor en programas de arte e de literatura en TVE. Os seus catro primeiros libros de poemas agrupáronse nun volume "Las tradiciones" (1991 e 2002). A estes seguiron "Acaso una verdad" (Premio da Crítica, 1993), "Rama desnuda" (2001), "Un sueño en otro" (2004) e "Segunda escuridad" (2012).

En 1988 publicou a súa primeira novela, "La tinta simpática", e en 1990 viu a luz "El gato encerrado", primeiro tomo dos seus diarios (Salón de pasos perdidos) dos que ata a data publicou dezasete. En 1992 recibiu o Premio Internacional de novela Plaza & Janés pola súa segunda novela, "El buque fantasma". En 1993 "Las armas y las letras". "Literatura y guerra civil 1936-1939" recibiu o Premio don Juan de Borbón.

En 2003 a súa novela "Los amigos del crimen perfecto" obtivo o Premio Nadal, e en 2005 "Al morir don Quijote" el Premio Fundación Juan Manuel Lara á mellor novela dese ano editada en español. Tamén publicou o libro de relatos "La noche de los Cuatro Caminos" (2001) e as novelas "Los confines" (2009) e "Ayer no más" (2006), elixida mellor novela polos lectores do diario El País. Entre os seus ensaios podemos destacar títulos como: "Clásicos de traxe gris" (1990), "Las vidas de Miguel de Cervantes" (1993), "Los nietos del Cid" (1997) e "Imprenta moderna" (2006).

Colaborador de La Vanguardia, El País, El Cultural ou o Abc Cultural e diversas publicacións literarias. É autor en calidade de tipógrafo dun número apreciable de catálogos editoriais. En 2003 foille concedido polo conxunto da súa obra o Premio das Letras da Comunidade de Madrid, e en 2010 o das Letras da Comunidade de Castela e León.