Desde Red.es estase organizando a sexta edición do Foro Internacional de Contidos Dixitais (FICOD), que terá lugar do 2 ao 4 de decembro no Palacio de Congresos de Madrid. Reunirá baixo un mesmo teito aos principais actores das diferentes áreas que o compoñen: audiovisual, música, videoxogo, publicidade e márketing dixital, comercio electrónico, aplicacións, redes sociais, e-learning, publicacións e servizos e produtos tecnolóxicos para contidos dixitais. Neste sentido, resulta especialmente interesante para os alumnos de Educación Primaria e Educación Secundaria o Eixo Talento. Podedes consultar o programa interactivo nesta ligazón: PROGRAMA.  O evento poderase seguir por streaming na páxina web oficial.

O vindeiro mércores,  12 de novembro, ás 18.30 no Salón de actos da Uned de Coruña terá lugar unha nova sesión da actividade "A creación literaria e os seus autores: XI Encontros con escritores". Este día contaremos coa presenza como autor invitado do escritor Carlos Reigosa.

Organiza estes encontros o Centro de Formación e Recursos da Coruña baixo a coordinación de Javier Pintor. Intervén como interlocutor na mesa de debate, Xabier Seoane, recoñecido autor galego. Estas xornadas pretenden propiciar un diálogo literario e cultural con algúns dos autores máis relevantes do momento presente. Ademais de comentar textos, aproveitase a proximidade dos escritores para establecer vías de diálogo e pontes de debate, tanto sobre as súas obras como sobre aspectos culturais da actualidade dentro dun ambiente distendido e participativo. 

Emitiremos a sesión por videoconferencia dende o seguinte enderezo:

Co obxectivo de involucrar ao alumnado preuniversitario coa Ciencia e a Tecnoloxía a través de actividades de divulgación e difusión, a Escola de Enxeñaría da Universidade de Vigo organiza unha nova edición da Semana da Ciencia.

Ao igual que nos anos últimos sete anos a ETS de Enxeñaría de Minas da Universidade de Vigo do 17 ao 21 de novembro do 2014 fará visitas guiadas gratuítas de dúas horas dirixidas a alumnado de 4º da ESO e bacharelato. Deste  xeito a escola converterase nun espazo interactivo podendo: visitar os laboratorios de investigación, manipular por exemplo módulos demostrativos de explosivos; participar en traballos de campo, como o levantamento tridimensional dunha parte dun edificio mediante escaneos cun láser 3D; coñecer as posibilidades das enerxías alternativas ou as propiedades dos novos materiais e colaborar na toma de imaxes cunha cámara termográfica.

Ao remate da actividade os/as participantes recibirán agasallos-recordos da mesma e terán unha visión máis realista das actividades profesionais que emanan no Espazo Bolonia do novo Grao en Enxeñaría dos Recursos Mineiros e Enerxéticos e do novo Grao en Enxeñaría da Enerxía recentemente implantados na ETS de Enxeñaría de Minas. Con posteridade aos centros interesados enviaráselles un DVD cunha reportaxe fotográfica que inclúe os termogramas e scaneados láser tridimensionais realizados na súa visita.

Para máis información visitar a web da escola:  http://webs.uvigo.es/etseminas/cms/index.php?id=81,0,0,1,0,0

Para reservar quenda poñerse en contacto co director da escola nos teléfonos ou correo máis abaixo indicados

José Benito Vázquez Dorrío (Director)
Universidade de Vigo E.T.S.E. de Minas
Campus Universitario
E36310 Vigo (SPAIN)
Tf: +34 986 813 490 +34 6473 43275
E-mail: directorminas@uvigo.es
http://webs.uvigo.es/etseminas/
http://www.laser.uvigo.es/
http://www.clickonphysics.es/cms/
 

Referencia: G1401047
Temporalización:  2º trimestre, Curso académico 2014/2015
Data límite de inscrición: 12/12/2014
Lugar: En rede
Prazas:  50
Duración: 100 horas
Terán prioridade os que teñan superado o nivel anterior (nivel medio) ou realizado o cuestionario de autoavaliación de competencia en TIC

Obxectivos:

1.Adquirir unha competencia de nivel avanzado no coñecemento instrumental e uso das tecnoloxías da información e da comunicación na docencia, recoñecendo e valorando a súa relevancia didáctica e a súa utilidade na aprendizaxe colaborativa.

2.Xestionar a nivel avanzado os contornos e espazos de aprendizaxe implementando experiencias e creando ambientes de aprendizaxe enriquecidos coas tecnoloxías da información e da comunicación, avaliando o seu impacto e propoñendo novas modal

3.Aplicar a nivel avanzado as tecnoloxías da información e da comunicación como apoio nas tarefas administrativo-docentes e para a coordinación de cursos, proxectos, grupos ou seminarios de formación.

Contidos:

1.Coñecemento e utilización dos elementos dunha aula equipada con tecnoloxías da información e da comunicación. Xestión e administración avanzada da rede e do sistema operativo. Realización de tarefas de mantemento básico.

2.Desenvolvemento de aplicacións educativas con diferentes e diversas ferramentas de autor. Interacción con persoas e con colectivos diversos en contornas plurais e multiculturais.

3.Produción de mensaxes multimedia con procedementos propios de vídeo, fotografía, animación, banda deseñada, audio, texto.

4.Coñecemento e utilización de diferentes estratexias metodolóxicas para a inserción das tecnoloxías da información e da comunicación no deseño curricular como aprendizaxe colaborativa baseada en proxectos.

5.Aplicación de procedementos e instrumentos de avaliación do impacto das tecnoloxías da información e da comunicación nos procesos de ensino-aprendizaxe.

6.Mellora da xestión escolar utilizando as tecnoloxías da información e da comunicación. Emprego a nivel avanzado de programas e plataformas de xestión.

7.Dispoñibilidade persoal e coñecemento de técnicas para a coordinación de cursos, proxectos, grupos ou seminarios de formación.

Asesor de contacto: Xosé Antón Vicente Rodríguez  (antonvicente@edu.xunta.es)

Cinedfest é un festival formativo, que combina a formación audiovisual cun certame de curtametraxes. Para obter máis información e facer a inscrición preme na imaxe:

O INTEF ofrece un novo MOOC, "As preguntas de PISA e TIMSS: unha práctica para a aula". Para acceder a toda a información e facer a inscrición preme na imaxe:

Aprender nos museos

Referencia: C1402002
Centro de formación e recursos: A Coruña
Temporalización: 29/10/2014  -  27/11/2014
Data límite de inscrición: 30/09/2014
Lugar: A Coruña
Prazas:  25

Horas presenciais: 15

Horas non presenciais: 0

Lugar de celebración: os diferentes museos a estudar. (Ver programa)

Obxectivos

1. Presentar ao profesorado os recursos didácticos que ofrecen os museos da localidade como ferramentas fundamentais na aprendizaxe de contidos histórico-artístico.

2. Desenvolver competencias profesionais cara á selección, utilización e elaboración de actividades didácticas en base a estes recursos museísticos que podan levarse á práctica de aula nos diferentes niveis educativos.

3. Fomentar o traballo colaborativo e de investigación entre o profesorado participante na actividae e o persoal técnico das entidades museísticas, posibilitando a futura formación de grupo de traballos de carácter multidisciplinar.

Contidos

1. Emprego dos fondos museísticos como fonte de recursos e materiais didácticos.

2. Presentación dos programas didácticos, actividades e obradoiros propostos polos diferentes museos visitados.

3. Bases para a planificación dunha visita didáctica: obxectivos, contexto curricular, multidisciplinariedade.

4. Orientacións para a elaboración de guía didácticas de aproveitamento de museos e da súa riqueza patrimonial.

Asesor responsable da actividade na Coruña:

Asesor:  MAQUEDA BLASCO, Mª ASCENSIÓN

Enderezo Electrónico:  mmaqueda@edu.xunta.es

• KA1 Mobilidade no Ámbito da Educación e a Formación 4 de marzo de 2015
• KA2 Asociacións Estratéxicas no Ámbito da Educación, a Formación e Xuventude 30 de abril de 2015