O vindeiro xoves, 21 de xaneiro,  ás 18.30 no Salón de actos da UNED da Coruña terá lugar unha nova sesión da actividade "A creación literaria e os seus autores: XI Encontros con escritores". Este día contaremos coa presenza como autores invitados dos escritores Marta Sanz e Isaac Rosa.

Organiza estes encontros o CENTRO DE FORMACIÓN E RECURSOS DA CORUÑA baixo a coordinación de Javier Pintor. Intervén como interlocutor na mesa de debate, Xabier Seoane, recoñecido autor galego. Estas xornadas pretenden propiciar un diálogo literario e cultural con algúns dos autores máis relevantes do momento presente. Ademáis de comentar textos, aproveitase a proximidade dos escritores para establecer vías de diálogo e pontes de debate, tanto sobre as súas obras como sobre aspectos culturais da actualidade dentro dun ambiente distendido e participativo. 

Emitiremos a sesión por videoconferencia dende o seguinte enderezo:

http://www.intecca.uned.es/portalavip/directos.php?ID_Grabacion=73311&ID_Sala=119977

Marta Sanz (Madrid,1967) Doctora en Literatura Contemporánea pola Universidade Complutense de Madrid e profesora na Universidade Antonio de Nebrija e en "Función Lenguaje". Publicou as novelas El frío (Debate, 1995), Lenguas muertas (Debate, 1997), Los mejores tiempos (Premio Ojo Crítico 2001) Animales domésticos (Destino,2003), Susana y los viejos (finalista del Nadal en 2006), La lección de anatomía (Anagrama, 2008), Black, black, black (Anagrama, 2010), Un buen detective no se casa jamás (Anagrama, 2012)  e Daniela Astor y la caja negra (Anagrama, 2013, XXXV Premio Tigre Juan). Participou en distintas antoloxías de relatos como Páginas amarillas, Daños colaterales,etc. En 2007, publicou Metalingüísticos y sentimentales, antoloxía de poesía española contemporánea, e recibiu o premio Vargas Llosa NH de relatos. Colabora habitualmente en El Cultural, El Viajero de El País e a revista Mercurio. É autora dos poemarios Perra mentirosa/Hardcore (Bartleby, 2010) yVintage (Bartleby,  V Premio de la Crítica de Madrid de Poesía 2013).
 
Isaac Rosa (Sevilla, 1974) colaborador habitual en varios medios de prensa escrita, dixitales y de radio. Publicou as novelas La malamemoria (1999), posteriormente reelaborada en ¡Otra maldita novela sobre la guerra civil! (2007), El vano ayer (2004, Premio Rómulo Gallegos, Premio Ojo Crítico e que será levada ao cinema co título de La vida en rojo), El país del miedo (2008, Premio Fundación J.M. Lara á mellor novela do ano), La mano invisible (2011) y La Habitación oscura (2013). É autor así mesmo da obra de teatro Adiós muchachos (1998), da narración El ruido del mundo (1998), do ensayo  Kosovo. La coartada humanitaria (2001) e de varios relatos que apareceron en libros colectivos.

gnistal@edu.xunta.es

O vindeiro xoves, 11 de decembro,  ás 18.30 no Salón de actos da UNED da Coruña terá lugar unha nova sesión da actividade "A creación literaria e os seus autores: XI Encontros con escritores". Este día contaremos coa presenza como autores invitados dos escritores XABIER PUENTE DOCAMPO e MARCOS CALVEIRO.

Organiza estes encontros o CENTRO DE FORMACIÓN E RECURSOS DA CORUÑA baixo a coordinación de Javier Pintor. Intervén como interlocutor na mesa de debate, Xabier Seoane, recoñecido autor galego. Estas xornadas pretenden propiciar un diálogo literario e cultural con algúns dos autores máis relevantes do momento presente. Ademais de comentar textos, aproveitase a proximidade dos escritores para establecer vías de diálogo e pontes de debate, tanto sobre as súas obras como sobre aspectos culturais da actualidade dentro dun ambiente distendido e participativo. 

Emitiremos a sesión por videoconferencia dende o seguinte enderezo:

http://www.intecca.uned.es/portalavip/directos.php?ID_Grabacion=73311&ID_Sala=119977


Xabier P. Docampo (Rábade, 1946). Mestre, actor de teatro, autor e director de guións para cine e radio. Promotor da lingua e a cultura galega, ademais de animador á lectura, sempre relacionado cos movementos de renovación pedagóxica, pertenceu ao Consello de Redacción da Revista Galega de Educación. Escribiu libros de texto para a escola e textos de ensaio didáctico e pedagóxico. Trátase dun dos grandes renovadores da literatura infantil-xuvenil galega. Autor dunha extensa obra narrativa, ten traducidos boa parte dos seus títulos nas linguas peninsulares. As súas obras para público xuvenil e adolescente abrangue títulos tan coñecidos como : O misterio das badaladas (1986 – Xerais 2011); O país adormentado (Xerais 1993-2012); Cando petan na porta pola noite (Xerais 1994), Premio Rañolas ó mellor libro do ano, Premio Nacional de Literatura Infantil e Xuvenil (1995), Lista de Honra do IBBY (1996); O pazo baleiro (1997, Xerais 2002);  A casa da luz (Xerais 2002); O libro das viaxes imaxinarias(Xerais 2008) Premio Isaac Díaz Pardo ao Libro Ilustrado do Ano 2008, Premio Asociación de Escritores en Lingua Galega (Infantil - Xuvenil), 2008 e Premio Fervenzas Literarias ao Mellor Libro Xuvenil, 2008 e A illa de todas as illas, (Xerais 2013).
 
Marcos Calveiro (Vilagarcía, 1968), deuse a coñecer como narrador coas novelas xuvenís Sari soñador de mares (2006) e Rinocerontes e quimeras (2007). En 2007 recibiu o XVIIIº Premio Ala Delta de Literatura Infantil por O carteiro de Bagdad, novela editada en galego e castelán, que logo recibiría o Premio White Ravens en 2008. Despois, mereceu o Premio Barco de Vapor de Literatura Infantil 2008 por O canto dos peixes (2008), o Premio Lazarillo de Literatura Xuvenil 2009 e Premio Fervenzas Literarias ao Mellor libro Xuvenil, 2010 pola novela O pintor do sombreiro de malvas (Xerais 2010) e o Premio Merlín de Literatura Infantil 2012 por Palabras de auga (Xerais 2012). En 2011 publicou Lois Pereiro. Náufrago do paraíso (Xerais 2011) e Centauros do norte (2011) polo que obtivo o Premio Raíña Lupa de literatura infantil e xuvenil 2010. Tamén é autor da tetraloxía El samurai del rey (2010-2011). Ten publicadas tamén novelas para a público adulto como son Festina lente (2008) Premio da Crítica 2008 (narrativa), Premio Fervenzas Literarias ao Mellor Libro de Narrativa adultos, Autor do ano 2008 e Premio Irmandade do Libro ao Mellor Libro Galego do Ano 2009 e Setteccento (2010). Como poeta publicou Cartas do terceiro día (2007), VIIº Premio de Poesía Concello de Carral.

O modelo experimental de FP dual en Galicia

Área: FP - Actividades comúns

Presencial. Modalidade: Curso

Referencia: C1401020
Centro de formación e recursos: A Coruña
Temporalización:  04/12/2014  -  11/12/2014
Data límite de inscrición: 22/11/2014
Lugar: CFR A Coruña. Sala de audiovisuais. 3º Andar
Prazas:  25

Horas totais

Asesor responsable da actividade

Asesor:  PENELAS-CORTÉS BELLAS, MARÍA MONTSERRAT

Enderezo Electrónico:  mpenelas@edu.xunta.es

A Asociación Galega para a Docencia e a Investigación do Atraso Mental (A.Ga.D.I.R.) e o grupo de investigación ESCULCA están a organizar o IV Congreso Internacional de Atención Temperá e Educación Familiar (Ciatef), que terá lugar os días 10, 11 e 12 de setembro de 2015 en Santiago de Compostela e no que se darán cita prestixiosos investigadores de todo o mundo do campo da atención temperá e a intervención dos trastornos no desenvolvemento e da educación en contextos familiares.

Xornada eTwinnin.

Data de celebración: 29 de novembro de 2014

Lugar de celebración: Escola Galega de Administración Pública

Nº de horas: 8 h.

Traballas con tecnoloxía na aula? Cóntanos o que facedes ti e o teu alumnado! Poderás compartir a túa experiencia co resto do profesorado e participar no próximo “EscolaTIC 2015". O único que tes que facer é cubrir o seguinte formulario para facernos chegar a túa proposta:

https://docs.google.com/forms/d/1xvNP3EOPw9iQwu1DXotgwLUU7QFEFDg1yRQ0e8u...

Anímate ou anima a outros/as compañeiros/as do teu centro!