Xúntase a Resolución do 22 de abril de 2014, da Dirección Xeral de Educación, Formación Profesional e Innovación Educativa, pola que se convoca a selección de centros para participar no proxecto experimental Educación Dixital durante o curso 2014/15.

O proxecto Educación Dixital E-DIXGAL ten o obxectivo de fomentar a utilización do equipamneto das aulas Abalar poñendo á disposición dos centros unha contorna virtual de aprendizaxe con libros e outros materiais dixitais cos que poderá desenvolver a totalidade do currículo.

O prazo de presentación de solicitudes é de un mes a partir do día seguinte á publicación da convocatoria no Diario Oficial de Galicia.

Poden participar nesta convocatoria os centros adscritos á rede Abalar que impartan ensinanzas de 5º de Educación Primaria durante o curso 2014-2015. En anos sucesivos ampliarase os cursos e etapas de implantación deste proxecto.

Características:

• Deberán empregarse materiais dixitais en todas as áreas.

• Os centros manterán o programa un mínimo de 3 anos (dúas promocións).

• Os materiais poderán utilzarse online e offline.

• Debido á gratuidade do proxecto, o alumnado participante quedará excluído como beneficiario das axudas ou subvencións para adquisición de libros de texto convocadas pola Consellería de Cultura, Educación e Ordenación Universitaria.

• Os centros participantes contarán co asesoramento, asistencia técnica e seguemento da rede de formación Permatente do profesorado, a Axencia para a Modernización Tecnolóxica de Galicia (Amtega) e os servizos de inspección educativa.

Documentación necesaria

• Solicitude segundo o anexo da convocatoria.

• Proxecto concretando a implantación no centro segundo o guión do punto cuarto da convocatoria.

• Proposta dunha persoa responsable da coordinación do proxecto.

Máis información:

Correo electrónico asesoria.tic@edu.xunta.es

Tl.: 981 546.514/ 981.546.513

III XORNADAS DE FORMACIÓN E SENSIBILIZACIÓN SOBRE A ATENCIÓN Á DIVERSIDADE

Referencia: C1302016
Centro de formación e recursos: A Coruña
Temporalización:  09/05/2014  -  10/05/2014
Data límite de inscrición: 14/04/2014
Lugar: Sala Xulio Cuns (Edificio Liceo). Pza. Hermanos García Naveira. 15300 BETANZOS
Prazas:  170

Horas totais

IV XORNADAS DE FORMACIÓN DOS XEFES/AS DOS DEPARTAMENTOS DE ORIENTACIÓN

Referencia: G1302004
Centro de formación e recursos: CAFI
Temporalización:  28/04/2014  -  28/04/2014
Data límite de inscrición: 06/04/2014
Lugar: EGAP. Escola Galega de Administración Pública. Santiago de Compostela
Prazas:  266 . Horas totais: 8 h presenciais

511018 - Catedráticos de ensino secundario. Orientación educativa

597039 - Mestres. Orientación

590018 - Profesores de ensino secundario. Orientación educativa

Criterios de selección:

Será criterio preferente exercer a xefatura do departamento de orientación. Os criterios xerais do plan anual de formación.

Obxectivos:

1.Afondar na interpretación e unificación de criterios de actuación derivados das funcións xerais establecidas para os departamentos de orientación.

2.Definir accións concretas e estratexias de intervención do departamento de orientación para as funcións encomendadas.

3.Favorecer a actualización, o intercambio de experiencias e a formación de grupos de traballo.

Contidos:

1.As novas normativas

2. A orientación preventiva. Intervención por programas.

3. Novos recursos que favorezan o desenvolvemento das funcións dos departamentos de orientación.

Aula virtual: http://www.edu.xunta.gal/centros/cafi/aulavirtual/course/view.php?id=451

Xa están á vosa disposición os materiais das Xornadas EscolaTIC. Tedes acceso a eles na seguinte ligazón:

http://www.edu.xunta.gal/centros/cafi/aulavirtual/course/view.php?id=452

Neste espazo web atoparedes os seguintes materiais:

• As presentacións utilizadas polos relatores.
• Os vídeos das conferencias e experiencias que se desenvolveron na Sala Santiago.
• Os materiais xerados nos obradoiros.
• Algunhas conclusións da Sala Aberta.
• Os códigos QR que se compartiron no EduCall.

Grazas pola espera e agardámosvos en escolaTIC 2015.

Os días 6, 7 e 8 de xuño celebrarase o "V ENCUENTRO DE LA ASOCIACIÓN PEDAGÓGICA FRANCESCO TONUCCI"

Está actividade está pensada para todas as persoas, sectores e institucións que están relacionadas coa INFANCIA e co  futuro. Docentes, familias, institucións, organismos oficiais...

Así como para todas aquelas persoas interesadas tanto persoal como profesionalmente na educación e no  traballo compartido á hora de educar.

Máis información na seguinte ligazón: http://apfrato.blogspot.com.es/

O xoves 24 e venres 25 de abril celebrarase no Centro Demostrador TIC (CDTIC) (Rúa Airas Nunes, s/n – Conxo. Santiago de Compostela) o curso presencial: G1302029 - “Formación sobre programación de aplicacións informáticas con Scratch e o uso como ferramenta educativa”. O curso conta con 35 prazas e requíresen coñecementos básicos en programación (C, C++, Java, PHP, Visual Basic).

Terán prioridade na selección os profesores de ensino secundario: Tecnoloxía, seguidos dos de Informática e os profesores técnicos de formación profesional na rama de “Sistemas e aplicacións informáticas”.

Os obxectivos do curso son:

1.Aprender a desenvolver aplicacións informáticas coa ferramenta Scratch e comprender o seu potencial didáctico.

2.Coñecer metodoloxías e casos de éxitos da ensinanza da programación con Scratch.

3.Desenvolver estratexias de integración da programación con Scratch en distintas etapas educativas e disciplinas.

E os contidos a desenvolver:

1. Por que ensinar a programar a escolares?.

2. Introdución á ferramenta Scratch.

a. Audios e gráficos

b. Bucles e condicións

c. Paralelismo e eventos

d. Operacións matemáticas e lóxicas

e. Sincronización de procesos

f. Variables e listas

3. Conceptos avanzados con Scratch

a. Abstración

b. Clones

c. Integración de video

d. Variables Cloud

4.Estratexias de integración da programación con Scratch na aula .

Ficha do curso en fprofe  (o prazo de inscrición remata o 22 de abril).

Publícase unha selección dos proxectos premiados referentes á Resolución o 12 de setembro de 2013 da Dirección Xeral de Educación, Formación Profesional e Innovación Educativa pola que se convocan premios ás boas prácticas de innovación educativa desenvolvidas durante o curso escolar 2012-2013.

Pretendemos así dar publicidade a aquelas boas prácticas innovadoras premiadas que se desenvolveron nos centros educativos galegos durante o curso 2012-2013 e que supuxeron unha mellora da calidade do ensino.

• Modalidade A: Mellora da convivencia nos centros educativos galegos.

1º premio: IES Afonso X O Sabio, Cambre, A Coruña (Un modelo de convivencia)

2º premio: CEIP de Cespón, Boiro, A Coruña (Bos días princesa)

Accésit: CMUS Profesional de Vigo, Pontevedra (Unha proposta de modelo organizativo de Centro no contexto do século XXI)

• Modalidade B: Atención á diversidade.

1º premio: IES Plurilingüe de Ames, A Coruña (Proxecto Eslabón. Viaxe no tempo. O musical 2011-13)

2º premio: CEIP de Oza dos Ríos, A Coruña (O blog da aula de AL: "Falando enténdese a xente...")

Accésit: IES Luís Seoane, Pontevedra (Con-vivindo con-arte)

• Modalidade C: Uso innovador das tecnoloxías da información e da comunicación que introduzan cambios metodolóxicos.

1º premio: IES Manuel García Barros, A Estrada, Pontevedra (Dives Gallaecia)

2º premio: IES de Sabón, Arteixo, A Coruña (Aplicación dos códigos QR en contornos educativos)

Accésit: CEIP A Rúa, Cangas, Pontevedra (Utilización de Google Sites na metodoloxía de traballo por proxectos)

• Modalidade D: Desenvolvemento das competencias básicas.

1º premio: IES Plurilingüe Fontem Albei, A Fonsagrada, Lugo (Aprendizaxe por proxectos no desenvolvemento das CCBB)

2º premio: IES Carlos Casares, Viana do Bolo, Ourense (A adquisición das competencias básicas como unha realidade multidisciplinaria)

Accésit: CEIP Santa María do Valadouro, O Valadouro, Lugo (Competentes coas competencias!)

• Modalidade E: Mellora da aprendizaxe e do uso da lingua galega.

1º premio: IES Félix Muriel, Rianxo, A Coruña (Rianxo fala)

2º premio: IES Perdouro, Burela, Lugo (Modelo Burela)

• Modalidade F: Mellora da aprendizaxe e do uso das linguas estranxeiras.

1º premio: CEIP Wenceslao Fernández Flórez, Cambre, A Coruña (Uso das TICs nas seccións bilingües)

2º premio: EEI Concepción Crespo Rivas, Pontevedra (I can travel around the World with english)

• Modalidade G: Iniciativas de emprendemento e/ou de innovación metodolóxica na Formación Profesional.

1º premio: CIFP Ánxel Casal-Monte Alto, A Coruña (Inclusión do alumnado con deficiencia auditiva. Acústica das aulas e acceso á linguaxe oral)

2º premio: IES Leixa, Ferrol, A Coruña (Proxectos colaboración)

Informámosvos que o xoves, día 27 de marzo ás 18:15 h. no Salón de Actos da Uned da Coruña, celebraremos unha nova sesión das Xornadas "A creación literaria e os seus autores: X Encontros con creadores" na que participarán como invitados os escritores ANTÓN CASTRO e XULIO LÓPEZ VARCÁRCEL. Organiza estes encontros o CENTRO DE FORMACIÓN E RECURSOS DA CORUÑA baixo a coordinación de Javier Pintor. Intervén como interlocutor na mesa de debate, Xabier Seoane, recoñecido autor galego.

O curso “Aprendizaxe Baseada en Proxectos (ABP)” ofrece unha oportunidade de desenvolvemento profesional a través da participación nunha rede de aprendizaxe masiva e en liña e grazas ao deseño dun proxecto de aprendizaxe nun ambiente colaborativo.

Participar nesta experiencia permitiranos coñecer proxectos de referencia, analizalos, deseñar os nosos propios proxectos e entrar en contacto con outros docentes, profesionais ou persoas interesadas na educación con quen non só debateremos sobre esta metodoloxía senón que tamén serán o noso principal apoio e os nosos compañeiros e compañeiras para o desenvolvemento dos nosos proxectos.

Ao longo do curso poderanse conseguir 3 emblemas dixitais:

• Ao finalizar a unidade 3: Docente activo

• Ao finalizar a unidade 5: Docente avaliador

• Ao finalizar a unidade 7: Docente ABP

Esta modalidade de formación faise de forma experimental sen certificación. Só se entregan os emblemas dixitais mencionados como forma de recoñecemento da aprendizaxe desenvolvida nas actividades do curso e non se certifican “horas de formación”. A estimación de carga horaria (40 h) é só orientativa. Agárdase que a participación no curso teña como principal motivación a aprendizaxe persoal, o desenvolvemento profesional e a colaboración con outros docentes.

As actividades da unidade 1 abriranse o luns 31 de marzo.

ACCESO A TODA A INFORMACIÓN