Logo da charla impartida polo profesor Augusto Otero para o alumnado de 2º Bacharelato sobre a normativa vixente e aspectos prácticos da ABAU 2023, adxuntamos a presentación do contido da mesma que pode ser consultado neste documento.

Durante os próximos 10 días, do 8 ao 22 de maio, repartirase froita fresca de tempada, durante o 1º recreo, ao alumnado da ESO e Bacharelato.

Esta iniciativa forma parte da campaña de distribución de froita fresca convocada polo Fondo Galego de Garantía Agraria.

O alumnado que ao finalizar os estudos teña unha nota media no bacharelato igual ou superior a 8,75 puntos poderá concurrir ás probas para acadar un dos 20 Premios Extraordinarios de Bacharelato convocados pola Consellería de Educación.

O alumno ou alumna que acade un:

• Recibirá un premio de 1000 Euros en metálico.
• Estará exento do pago de matrícula no primeiro curso da Universidade nun centro público.
• Poderá optar aos Premios Nacionais de Bacharelato.

O prazo de matrícula (non se pode facer no centro) é do 26 de abril ó 25 de maio.

As probas terán lugar o 14 de xuño nos lugares que se publicarán proximamente.

A información completa da Orde de convocatoria podes encontrala no seguinte enlace.

O pasado mércores 26 de abril o alumnado de Artes visitou este espazo que integra estudo, galería e librería especializada en fotografía. Da man do fotógrafo Tono Arias, fixeron prácticas con cámara de placas e descubriron algúns dos fotolibros máis interesantes e únicos que poden atoparse na librería.

O alumnado de segundo de bacharelato de Artes convídavos á inauguración da súa exposición de carteis de cinema inspirados na obra de Saul Bass. Será este sábado 29 ás 12h nos Minicines Central. Os carteis estiveron expostos na cafetería do Centro ata este venres. Podedes consultar a nova publicada hoxe en Faro de Vigo.

Con motivo do día de pi (14 de marzo) os días 15 e 16 de marzo leváronse a cabo no centro unha serie de actividades para poñer en valor as matemáticas na actividade cotiá e a súa significación no mundo actual. Con diversos xogos mostrouse ao alumnado aquelas "facetas" que as matemáticas tamén teñen e que a veces non se mostran.

Unha das actividades foi a creación de Esopías, composicións de 25 palabras onde cada unha delas ten unha lonxitude igual que os sucesivos decimais do número pi . Presentáronse a concurso un bo número de composicións de moi alto nivel para ser unha experiencia de recente creación, e xa temos aos tres premiados!. Noraboa por mostrarnos tan fermosas creacións e desexamos que a experiencia se repita nos próximos anos para que non decaia o nivel.

O pasado venres, 21 de abril, dous equipos formados por 12 alumnos e alumnas de 1º de Bacharelato que cursan Tecnoloxía e Enxeñaría I participaron na VI Competición de robots da Universidade de Vigo.

Os dous equipos conseguiron clasificarse para a fase final, dun total de 36 inscritos na súa categoría, acadando finalmente o equipo HorsePowers un meritorio 2º posto.

Noraboa a todo o alumnado participante porque souberon demostrar o seu dominio da programación, e gran nivel de competitividade á vez que de compañeirismo. Parabéns!

Novas de prensa:

• Atlántico
• Código Cero
• Faro de Vigo (Texto completo)

Imaxes na galería Flirck do centro.

Todo o alumnado que fixo a solicitude de admisión dentro do prazo establecido está admitido para o curso 2023/24.

O resto terá que esperar a resolución da  Inspección Educativa.

Os días 12 e 14 de abril os alumnos de Economía participaron dentro do programa EDUEMPRENDE na charla Finanzas para mortais impartida por Francisco Javier Vidal Ferro, director da oficina do Banco Santander de A Estrada. O programa ten por obxecto fomentar a cultura financeira entre o alumnado de ESO e Bacharelato, acercando a xestión e manexo das contas bancarias, os aforros, operacións financeiras e medios de pago no estranxeiro. A actividade resoltou de gran interese para todo o alumnado.

Entre o 16 e  20 de marzo de 2023, un grupo de 46 alumnos e alumnas viaxaron a Praga con 4 profesoras do instituto, coa finalidade de descubrir unha das cidades máis bonitas e de maior interés cultural e artístico de Europa. Tiveron a ocasión de asistir ao famoso Teatro negro, e coñecer en directo a orixinalidade do mesmo. Outra visita moi destacada foi a do Campo de concentración e ghetto de Terezin. Foi impactante para todos e todas poder coñecer de primeira man como o ser humano puido sobrevivir ao brutal trato naquelas instalacións.
Destacar, coma sempre, o comportamento exemplar do noso alumnado que, desta maneira, nos seguen dando razóns para realizar actividades de tanto calado como esta.

Unha actividade da nosa Biblioteca, coordinada pola profesora Marisa Otero, forma parte da instalación participativa "Cartografías Textiles" no Museo do Pobo Galego.

Museo do Pobo Galego.

La Voz de Galicia.

   O periódico a Voz de Galicia publicou a quinta edición da "Guía de estudos superiores de Galicia" , que agora tamén se pode consultar en liña.