Novas instrucións da Consellería (venres 13) e ampliación do prazo para solicitar praza no centro.

A Consellería vén de publicar na súa web un novo documento respecto das medidas a adoptar nos centros educativos a partir do luns 16 de marzo.

OLLO: A CONSELLERÍA AMPLÍA O PRAZO PARA SOLICITAR PRAZA NOS CENTROS (ver NOVAS INSTRUCIÓNS)

Seguiremos empregando a web do centro para informar puntualmente a toda a Comunidade Educativa.

Buscaremos o xeito de que o alumnado non saia prexudicado mentres non se supera esta complicada situación.

O equipo directivo.

Obradoiro de Cyberseguridade do INCIBE

incibe.png

O pasado xoves 5 de marzo, de 16:00 a 20:00 horas, tivo lugar no noso centro a xornada técnica "Espacios de ciberseguridad para estudiantes” que o INCIBE (Instituto Nacional de Ciberseguridad) está a realizar nalgúns centros de Galicia. Nesta xornada técnica estivo dirixida ao alumnado de bacharelato que cursa as materias de TIC I e TIC II e nela realizaron de xeito práctico e con exercicios reais como funcionan determinados aspectos da ciberseguridade. Estas xornadas son gratuitas, tanto para o centro como para os alumnos, e outorgaráselle un diploma de asistencia ao alumnado participante.

Dende o Departamento de Tecnoloxía, solicitante e coordinador desta xornada no noso centro, agradecer a Cristian, poñente enviado polo INCIBE, a boa dispoñibilidade e o amena, interesante e útil que resultou para o noso alumnado.

Coma sempre, na correspondente galería do Flickr do centro tedes imaxes do envento.

Conmemoración do Día de Rosalía

O pasado luns o IES Antón Losada Diéguez, o IES nº 1 e o IES Manuel García Barros celebraron o Día de Rosalía. Este ano o acto tivo lugar no noso centro, onde alumnado do tres centros interpretaron varios temas e recitaron poesías, coordinados polos Equipos de Dinamización e coa colaboración dos Departamentos de Lingua Galega e Música.

Novas na prensa:

Alumnos de MGB na Masterclass Europea de Física de Partículas

Os alumnos de 2º Bacharelato-A/B do noso centro: Anxo Rey Freire,  Pablo Magariños Docampo e Giovanni Deidda Fittipaldi participarán o xoves 12 de marzo na MASTERCLASS EUROPEA de FÍSICA (“Física de Partículas coas mans”), organizada pola Facultade de Física da Universidade de Santiago de Compostela. É unha xornada na que profesores do Dpto. de Física de Partículas da Facultade de Física da USC, en colaboración co CERN, tentarán achegar o mundo das partículas elementais a estudantes de último curso de Bacharelato. Asistirán acompañados polo profesor Augusto Otero

Os detalles da xornada poden consultarse na seguinte páxina web: http://igfae.usc.es/masterclass/

El Mehdi El Nabaoui, medalla de prata no Campionato de España de Cross

El Mehdi El Nabaoui participou coa selección galega no Campionato de España de Cross que se celebrou en Zaragoza o pasado fin de semana.

Obtivo a única medalla da selección galega, segundo posto na categoría sub-20.

Noraboa!!

Novas na prensa:

Axudas actividades de formación en linguas estranxeiras

Orde do 10 de febreiro de 2020 pola que se convocan axudas para a realización de actividades de formación en linguas estranxeiras no ano 2020, destinadas ao alumnado dos centros docentes sostidos con fondos públicos, en réxime de concorrencia competitiva (código de procedemento ED504B).

Visita ao aeródromo de Rozas

O pasado xoves 13 de febreiro un grupo de alumnos e alumnas de 3º de ESO realizou unha visita ao aeródromo de Rozas (Castro de Rei - Lugo), actividade pertencente ao programa denominado "Enxeñando Futuro", financiado pola Consellería de Educación e coordinado polo Departamento de Tecnoloxía do noso centro. Durante esta interesante xornada o alumnado participante puido aprender cales foron as orixes e o desenvolvemento da enxeñería aeronáutica ata actualidade, centrándose na segunda parte da mañá no coñecemento sobre a tecnoloxía actual dos vehículos non tripulados, sobre os cales o aeródromo de Rozas é un centro sobranceiro a nivel estatal. Tamén puideron visitar a espectacular torre de control de dito aeródromo e os hangares de montaxe e certificación de vehículos aéreos non tripulados, ademais de asistir ao despegue e aterraxe dun dos vehículos aéreos cos que o centro está a traballar na actualidade.

Dende aquí o noso agradecemento ao persoal do aeródromo por ternos ofrecido tan boa acollida ademais de facernos disfrutar dunha xornada tan interesante e motivadora.

El Mehdi El Nabaoui: campión de España de campo a través sub-20

CampeonCross.jpg

De novo temos que facer chegar os nosos parabéns a El Mehdi El Nabaoui. O pasado domingo proclamouse campión de España de campo a través sub-20.

Novas na prensa:

Vídeo da proba completa retransmitida por Teledeporte de RTVE.

Visita ao Parlamento de Galicia

Parlamento_2020_0.jpg

O pasado 19 de febreiro os alumnos de 1o Bacharelato e 4o ESO da materia de Economía acudiron ao Parlamento de Galicia. A visita iniciouse cunha explicación dos órganos, funcións e composición do Parlamento, a continuación detivémonos no Salón dos Reis, a biblioteca, Salón dos pasos perdidos e os patios interiores. Finalmente os alumnos protagonizaron un breve debate parlamentario no Hemiciclo.
A actividade foi organizada polo Dpto. de Economía e acompañaron aos alumnos as profesoras Raquel Carballo e Norma Pillado.

Visita a CONGALSA

IMG_20200217_130230.jpg

O pasado 17 de febreiro, o alumnado de 2o bacharelato de Economía da empresa e FUAX visitaron a empresa CONGALSA S.L., situada no Polígono Industrial da Pobra do Caramiñal. É unha empresa adicada a elaboración de produtos conxelados. Conta na actualidade con 300 traballadores e exporta a Europa, Asia e África. A visita estruturouse da seguinte forma:

  1. Visionado dun video de presentación para coñecer a historia da empresa
  2. Charla - coloquio
  3. Percorrido polas parcelas que constitúen a Liña Natural, a de Precociñados e a de Masa. Nelas poidemos coñecer a Zona de Produción e Envasado.
  4. A continuación visitamos a Sala de Catas e os comedores.
  5. Finalmente os alumnos poideron degustar a súa variedade de produtos.

A actividade foi organizada polo departamento de Economía e acompañaron aos alumnos as profesoras Fina Brea e Raquel Carballo.

Que sabes da historia do colectivo LGTB+? Concurso na MeGaBiblio.

cartel concurso lgtbi.png

O pasado venres 14 de febreiro comenzou o concurso "Que sabes da historia do colectivo LGTB+?", que remata o 24 de febreiro. Se queres participar terás que responder a un cuestionario dispoñible na MeGabiblioteca. Haberá premios!

Hora de ler, mércores 19 a 3ª hora

O vindeiro mércores 19 a 3ª hora, 10:45 h., temos Hora de Ler. Nas aulas da ESO, alumnos e profesores disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.

Recorda que a próxima semana terás outros 20 minutos. Consulta o calendario, porque sempre cambia.

Campaña de vacinación contra o meningococo ACWY

O vindeiro martes 18 de febreiro o Sergas virá ao centro para vacinar ao alumnado autorizado no marco da campaña de vacinación contra o meningococo ACWY. Trátase de alumnado nacido nos anos 2001, 2002 e 2003 (3ºA/B, 4º A/B/C e todo Bacharelato). Será en horario de 10:00 a 13:00 horas aproximadamente.

Odisea 2020 MGB

odisea mgb 2020.jpg

Hoxe mércores, no 2º recreo, tivo lugar a entrega de premios do Concurso de Cultura Clásica Odisea. Na edición 2020 do concurso Odisea os resultados dentro do MGB foron os seguintes:

  • 1º premio > RÓMULO E REMO: DIÉGUEZ REBOLO, PABLO; REY LLOBET, JOSÉ (2BAC)
  • 2º premio > MENECMAS: CALVIÑO SILVA, SONIA; SANMARTÍN FIGUEIRA, NÚRIA; REY GAÑETE, LUCÍA (2BAC)
  • 3º premio > KOINÉ: CARRACEDO FLORES, AINOA; MELLA MOSTEIRO, UXÍA (2BAC)
  • Premio especial do xurado > ERYX WARRIORS: VIVEL COUSO, YANIRA; MÍGUEZ VIDAL, DANIEL (3ESO)

Equipos de alumnado axudante á convivencia

Neste trimestre comerará un proxecto de convivencia positiva en 1º e 2ºESO onde se busca dar máis protagonismo ao alumnado na mellora da convivencia no centro. 

Consiste na formación dun “Equipo de alumnado axudante á convivencia” por aula.

Cada equipo, formado por 3 ou 4 persoas, axudará a que a relación entre o alumnado sexa máis positiva. Para poder desempeñar esta función formaráselles en temas como a escoita activa, a importancia das emocións na comunicación, a empatía, o valor da confidencialidade...

Os membros do equipo teñen que cumprir dúas condicións, primeiro ser escollido na aula polos seus propios compañeiros e compañeiras e pola titora de convivencia do seu nivel e segundo, acceder voluntariamente. Unha vez seleccionados terase unha reunión coas familias do “Alumnado axudante á convivencia” onde se dará máis información.

Distribuir contido