A reunión-presentación das familias co profesorado titor e co equipo directivo do IES M. García Barros para o curso 23/24 realizarase o mércores 27 de setembro coa seguinte distribución horaria: 

Na seguinte ligazón poden consultar as listaxes dos libros de texto para o vindiero curso 2023-2024.

IMPORTANTE: Aquelas familias que non sexan beneficiarias do Fondo Libro ou do préstamo da ANPA recomendamos que agarden aos primeiros días de clase, ata coñecer ao profesorado que impartará as materias - que lles indicarán que se empregarán ou non libro -, para mercalos.

   Os alumnos Manuel Míguez Sangiao e Luca Nehuén Barreiro Infanzón deseñaron e pintaron, en colaboración co departamento de Educación Plástica e Visual, un mural no muro interior do IES para poñer en valor a figura de Don Manuel García Barros. O noso agradecemento polo fantástico traballo realizado, conseguindo así realzar a figura do gran escritor que da nome ao noso centro.

   Emotiva despedida ás profesoras Teresa Filloy  e  Marisa Otero. Alumnos e profesores do IES García Barros homenaxearon o pasado mércores 21 de xuño a estas dúas profesoras, agradecendo a súa dedicación e o seu exemplo ó longo destas décadas. O centro deséxalles un moi bo xubileo recordándolles que sempre serán benvidas nesta súa casa.

O martes, 6 de xuño, celebrouse noTeatro Principal da Estrada a X edición da Festa das Palabras. Neste acto, o alumnado gañador do Concurso de Micropoemas e Microrrelatos recibiu os exemplares que recompilan os seus textos. Exerceu de madriña a escritora Charo Goldar, que puxo en valor os traballos dos rapaces e rapazas e fixo fincapé na importancia de empregar a nosa lingua para "crear unha obra única”.

O noso centro congratúlase de ter unha alumna medallista no Campeonato de Galicia Sub-18. Noraboa a todas pola notable participación e felicitacións á nosa alumna medallista.

Noticia no Faro de Vigo

Noticia na Voz de Galicia

   O Venres 26 de maio o alumnado de 1ºESO acudíu ao recinto feiral durante dúas horas da mañá para participar nun obradoiro RCP, organizado polo concello da Estrada, o centro de saúde, emerxencias a Estrada e en colaboración co 061. Trátase dunha actividade que se enmarca dentro dunha intervención comunitaria que forma parte do plan local de saúde.

   O noso agradecemento ao persoal sanitario e de emerxencias que adicou este tempo a mostrarlle de forma práctica ao alumnado a importancia de coñecer estas técnicas de reanimación, moi necesarias ante situacións que poden xurdir en calquera momento da nosa vida cotiá.

O mércores 24 de maio a “Asociación de ayuda a niños oncológicos de Galicia” (ASANOG) visitou o noso centro para impartir unhas charlas ao alumnado de ESO. Grazas por compartir connosco a vosa experiencia, facernos reflexionar e fomentar a solidariedade.

A Consellería publicou a Orde pola que se regulan as solicitudes para o Fondo de Libros e as Axudas de Material Escolar para o alumnado da ESO no curso 2023-2024.

O prazo de solicitude será do 20 de maio ao 21 de xuño (ambos inclusive).

As solicitudes pódese presentar da seguinte forma:

• Realizar o trámite intregramente a través da sede electrónica da xunta (www.sede.xunta.gal - Procedemento ED330B). Opción recomendable para non ter que desprazarse ao centro nin manipular documentación. Nesta opción é necesario identificarse con algún dos mecanismos admitidos pola sede electrónica (DNI electrónico, certificado dixital, Chave365)

• Cubrir a solicitude a través da aplicación FondoLibros e presentala no rexistro do centro xunto coa documentación requirida .

• Imprimir a solicitude nesta ligazón, cubrila e presentala no centro xunto co resto da documentación.

Para máis información máis destallada no documento de información ás familias.

Adxudicación de Axudas de Material e listaxe provisional de Fondo Solidario de Libros, está dispoñible no taboleiro interior do centro a partir do 11 de xullo. Publicaremos aviso na web.

A listaxe definitiva de asignación do Fondo Solidario de Libros publicarase o martes 18 de xullo.

A entrega de vales e libros realizarase en setembro. Coa listaxe definitiva publicaranse as indicacións.

Na lligazón podedes ver  o vídeo da despedida de 2º de bacharelato 2022/2023. Parabéns a todos e todas, e grazas a Carlota Torrado e Carlota Abalo por facelo.

Seguindo o enlace pódense ver varias instantáneas do acto de graduación.