O pasado venres, 10 de novembro, o grupo de alumnas e alumnos que participan este curso na III Liga Maker Drone, recibiron a 1ª formación e instrucción de voo de drones, impartida por persoal da Escola de Enxeñaría Aeronáutica e do Espazo.

Máis imaxes na galería Flickr.

O pasado xoves, 9 de novembro, o alumnado de 2º e 3º da ESO asistiron a unhas charlas sobre riscos de Internet e acoso escolar, respectivamente. Foron impartidas por axentes da Garda Civil e enmarcadas dentro do Plan Director, para a convivencia e a mellora da seguridade nos centros educativos e na súa contorna.

Máis imaxes na galería Flickr

A realidade da vida descóbrenos actuacións e situacións que nunca serían elixidas para enfrontar novos retos versados na carencia humana e as novas tecnoloxías.

Sempre implicados desde a Prevención e a Educación do noso alumnado arriscamos en actuacións que deben abrir os nosos ollos ás realidades que acontecen...á reflexión dos porqués e á autocrítica e responsabilidade.

Este mércores día 8 de novembro o noso centro en colaboración con ACROFAM organizou "Digital, Legal, Emocional...todos mis YOs"

O feedback do noso alumnado e o profesional docente que asistiu, vén confirmar que estamos no camiño correcto.

   Na mañá do venres 3 de novembro contamos coa presenza do físico-teórico José Luis Bernal Mera quen coas súas explicacións conseguiu achegarnos a esta parte da astronomía que estuda as leis xerais, a orixe e a evolución do universo.

   José compartiu co alumnado de ciencias, tanto de Bacharelato como de 4ºESO, a súa experiencia investigadora nos Institutos de Ciencias do Cosmos da Universidade de Barcelona e no Max Planck de Astrofísica de Munich.

  ¡ Alegrámonos que grazas a unha beca Ramón y Cajal esté de volta no noso país traballando na Universidade de Santander!

   A MeGaBiblio acolleu este pasado venres 27 de outubro o acto de entrega de diplomas aos estudantes que o curso pasado participaron no programa Voluntariado nas Bibliotecas Escolares, promovido pola Dirección Xeral de Ordenación e Innovación Educativa da Consellería de Cultura e Educación e a Dirección Xeral de Xuventude da Consellería de Política Social. A ex profesora do centro, Noni Araújo, exerceu de mestra de cerimonias nun acto no que tamén se deu a benvida aos novos  voluntarios deste curso. Podedes ler a nova publicada na Voz de Galicia

Un grupo de 9 alumnas e alumnos do IES Manuel García Barros forman o equipo que participará, xunto con outros 17 equipos de centros de toda Galicia, na III Liga Maker Drone, competición organizada pola Fundación Barrie de la Maza e o Instituto Tecnológico de Galicia e na que deberán deseñar un drone que resolva un problema real.

O pasado venres, 27 de outubro, asistiron á Xornada de Presentación na Cidade das TIC en A Coruña. Nesta xornada presentaronse todos os equipos participantes e realizaron diversos obradoiros: pilotaxe de drones, realidade virtual, drone finder, programación, circuítos electrónicos e robótica. Para finalizar o evento coa presentación do recto desta edición: neutralizar niños de velutinas.

Máis imaxes do evento nesta ligazón. Novas na prensa: Coruña online El Español La Voz de Galicia La Opinión

O alumnado do ámbito lingüístico de 3º PDC celebrou o 16 de outubro, Día das Escritoras, lendo textos recomendados desde a Asesoría de Bibliotecas Escolares e elaborando carteis alusivos a alguhas das escritoras. Animámosvos a ler eses ou outros escritos de autoras e a ver as fotos do noso traballo.

Máis imaxes na galería Flick.

   Nesta primeira semana de Outubro comeza Hora de Ler. Nas aulas da ESO, alumnado e profesorado disfrutarán dos primeiros vinte minutos de lectura silenciosa. Podes ler o que traias da casa ou escoller da caixa que tes na túa aula.