Novas
Noticieiro do centro
Adxudicación definitiva do Fondo Libros
Enviado por admin o 17 Xullo, 2023 - 11:20A adxudicación definitiva do Fondo Solidario de Libros está publicada no taboleiro de anuncios situado no interior do centro.
Recordamos que as persoas solicitantes poderán consultar por vía electrónica o seu expediente, a través da aplicación Fondolibros, empregando a Chave 365 ou o certificado dixital da Fábrica Nacional da Moeda e Timbre.
A entrega de libros realizarase en setembro, nos primeiros días de clase (publicaranse indicacións ao inicio de curso).
IMPORTANTE: Aquelas familias que non sexan beneficiarias do Fondo Libro ou do préstamo da ANPA recomendamos que agarden aos primeiros días de clase, ata coñecer ao profesorado que impartará as materias - que lles indicarán que se empregarán ou non libro -, para mercalos.
Os vales de material só se entregarán aos pais/nais ou titores/as do alumnado beneficiario que lles corresponda e poderán recollelos do 17 ó 21 de xullo (de 10 a 13 h.) ou na 1ª semana de setembro.
Adxudicación provisional do Fondo Libros
Enviado por admin o 11 Xullo, 2023 - 12:13A adxudicación provisional do Fondo Solidario de Libros está publicada no taboleiro de anuncios situado no interior do centro.
Recordamos que as persoas solicitantes poderán consultar por vía electrónica o seu expediente, a través da aplicación Fondolibros, empregando a Chave 365 ou o certificado dixital da Fábrica Nacional da Moeda e Timbre.
Prazo para a presentación de reclamacións contra a adxudicación provisional: 12 e 13 de xullo.
A listaxe definitiva de asignación do Fondo Solidario de Libros publicarase o luns 17 de xullo. A entrega de libros realizarase en setembro (publicaranse indicacións ao inicio de curso).
Os vales de material só se entregarán aos pais/nais ou titores/as do alumnado beneficiario que lles corresponda e poderán recollelos do 17 ó 21 de xullo (de 10 a 13 h.) ou na 1ª semana de setembro.
Presentación dos resultados do Estudo do Consumo Bebidas azucaradas, estimulantes e enerxéticas nos CEIPs do Foxo e Pérez Viondi.
Enviado por XefeEstudos o 5 Xuño, 2023 - 10:16O alumnado de 3° da ESO, participante o curso pasado 2021/2022 no proxecto interdisciplinar dos departamentos de matemáticas, tecnoloxía e educación física, centrado nas bebidas enerxéticas, trasladou os resultados do noso IES ao alumnado dos CEIPs para concienciar sobre a importancia de retrasar a idade de inicio de consumo deste tipo de bebidas.
O proxecto iniciado o curso pasado, no marco do Contrato Programa de innovación EDUSaúde, detectou unha alarmante tendencia ao consumo precoz de bebidas enerxéticas no noso alumnado, polo que decidimos colaborar cos centros de primaria da contorna na labor de educar na promoción de estilos de vida saudables e tentar evitar o consumo deste tipo de bebidas.
Agradecer a boa acollida do alumnado e profesorado destes centros, valorando moi positivamente o traballo dos rapaces e rapazas que se animaron a facer estas exposicións.
Charla de ASANOG, 24 de maio de 2023
Enviado por XefeEstudos o 25 Maio, 2023 - 12:08O mércores 24 de maio a “Asociación de ayuda a niños oncológicos de Galicia” (ASANOG) visitou o noso centro para impartir unhas charlas ao alumnado de ESO. Grazas por compartir connosco a vosa experiencia, facernos reflexionar e fomentar a solidariedade.
 |
 |
Excursión Fragas do Eume, maio 2023
Enviado por XefeEstudos o 13 Maio, 2023 - 16:42Os días 3, 4 e 5 de maio o alumnado de 1ºESO disfrutou dunha excursión multidisciplinar organizada polos departamentos de Xeografía e Historia, Bioloxía e Educación Física nun entorno natural espectacular, as Fragas do Eume.
O Albergue Alvarella xa é o 5º ano que acolle ao alumnado do instituto Manuel García Barros, un lugar entrañable tanto no paisaxístico como no humano. Alí esperaban as responsables de cociña, cunha comida rica e de calidade, os responsables da organización das actividades e loxística, quenes amosaron profesionalidade e amor pola natureza en todo momento; e Area, a cadela do albergue que se deixaba acariñar por toda a rapazada.
Comezouse a excursión cun roteiro guiado polo parque natural das Fragas do Eume e a visita ó Mosteiro de Caaveiro. Pola tarde, xa no albergue, explicáronse as regras, distribuíronse as funcións de poñer a mesa, servir, recoller e barrer en cada grupo e repartíronse as habitacións, momento especialmente esperado polo alumnado.
A climatoloxía variable permitíu realizar case todas as actividades previstas salvo a de Orientaventura, a cal foi sustituída pola visita ao Museo de Historia Natural de Ferrol, experiencia interesante e recomendable. As demáis actividades: tiro con arco, orientación con brúxula e mapa, Slackline, recoñecemento de árbores, análise da vida nunha charca, visita ao Castelo dos Andrade e o xogo de pistas no casco histórico de Pontedeume, realizáronse con normalidade.
 |
 |
Viaxe a Mérida abril 2023, proxecto "Grecia e Roma nas túas mans"
Enviado por XefeEstudos o 5 Maio, 2023 - 18:35|
A semana pasada, os alumnos de Cultura Clásica de 3º de ESO e os de Latín de 4º de ESO e 1º de Bacharelato realizaron unha viaxe de estudos a Mérida, dentro do proxecto de Agrupación de Centros "Grecia e Roma nas túas mans", acompañados polos profesores Marisa Otero e Álvaro P. Vilariño.
Dentro das actividades realizadas destacamos o obradoiro de Numismática romana, onde cada un de nós elaborou unha réplica dun dupondio do século I a.C., e o obradoiro de Mosaico, onde o noso grupo fixo unha reprodución do mosaico de Panxón, hoxe en Londres, e moi pronto de volta a Galicia.
Ademais visitamos a Mérida romana: acueductos, circo, teatro e anfiteatro, Museo de Arte Romano, Templo de Diana, ponte e antigas murallas da cidade...
Baixo unha calor insólita para esta época do ano, pasamos unhas xornadas inesquecibles xunto cos nosos compañeiros do IES Sáenz de Buruaga de Mérida e o IES 9 de Octubre de Carlet. Neste álbum recollemos todas as imaxes destes días.
|
|
Charla de Economía "Finanzas para mortais"
Enviado por XefeEstudos o 17 Abril, 2023 - 21:33Os días 12 e 14 de abril os alumnos de Economía participaron dentro do programa EDUEMPRENDE na charla Finanzas para mortais impartida por Francisco Javier Vidal Ferro, director da oficina do Banco Santander de A Estrada. O programa ten por obxecto fomentar a cultura financeira entre o alumnado de ESO e Bacharelato, acercando a xestión e manexo das contas bancarias, os aforros, operacións financeiras e medios de pago no estranxeiro. A actividade resoltou de gran interese para todo o alumnado.
8M , entrevistas a mulleres estradenses
Enviado por XefeEstudos o 20 Marzo, 2023 - 15:07Con motivo do 8M, o alumnado de Lingua castelá de 2º ESO fixo entrevistas a mulleres estradenses, como a que podedes ver no seguinte enlace. O noso agradecemento a todas elas, por permitir asomarnos ás súas experiencias persoais.
UniStem 2023 co alumnado de Bacharelato
Enviado por XefeEstudos o 15 Marzo, 2023 - 20:55Un ano máis fomos convidados ao UniStem. Moitas grazas á organización, foi unha mañá fabulosa na que as nosas alumnas e alumnos saíron cun moi bo coñecemento do que son as células nai, as posibilidades que teñen, e o futuro que traen "baixo o núcleo". E dende logo, tamén sentiron a paixón dos investigadores e investigadoras no seu traballo, e a súa xenerosidade ao compartir connosco os seus estudos.
Xornada de portas abertas para as familias interesadas en coñecer o centro
Enviado por XefeEstudos o 7 Marzo, 2023 - 17:36O mércores 15 de Marzo, a partir das 16:30, as familias que o desexen poderán achegarse ao noso instituto para coñecelo máis de preto. O equipo directivo informaralle das características do centro e da oferta educativa (ofrecemos catro modalidades de bacharelato); poderán ver as instalacións e plantexar todas aquelas dúbidas que poidan ter de cara a unha posible solicitude de praza (o prazo está aberto ata o 20 de marzo).
Formación do alumnado participante no programa CPInclúe
Enviado por XefeEstudos o 12 Xaneiro, 2023 - 00:28 O pasado martes 29 de novembro 22 alumnos e alumnas de 1º a 3º da ESO, escollidos polos seus propios compañeiros e compañeiras, participaron nunha intensa xornada formativa como axudantes á convivencia dentro do programa CPInclúe. É de agradecer á formadora Jenni o seu traballo e enerxía transmitidos nesa xornada.
Parabéns ao noso alumnado polos excelentes resultados nas probas ABAU-Xuño 2022
Enviado por Coordinación TIC o 20 Xuño, 2022 - 10:03Un ano máis, felicitamos orgullosos ao noso alumnado polos excelentes resultados nas probas ABAU:
- con 61 matriculados (58 APTOS), obtivemos un 95% de APTOS, fronte ao 93% da media galega.
Parabéns a toda a comunidade e especialmente aos futuros universitarios.
Imaxes do acto de despedida de 2º de Bacharelato
Enviado por Coordinación TIC o 2 Xuño, 2022 - 15:37Aquí están por fin as imaxes do acto de Despedida do MGB 2022!
Inauguración da mostra "Manuel García Barros. Vida, obra e pensamento" no MGB
Enviado por Coordinación TIC o 19 Maio, 2022 - 16:27
Así recollía a Voz de Galicia a inauguración da mostra "Manuel García Barros. Vida, obra e pensamento":
-----
Con motivo do 50 aniversario do pasamento do escritor Manuel García Barros o mestre e investigador estradense Carlos Loureiro e o editor Xesús Domínguez comisarian unha mostra titulada "Manuel García Barros. Vida, obra e pensamento".
A exposición, que se estreou na Casa das Letras, ten carácter itinerante e, de aquí a marzo, visitará todos os centros de ensino da Estrada. Onte inaugurouse no IES García Barros, para sementar a curiosidade polo home que da nome ao centro.
Fotografía de Miguel Souto
------
Nova actividade de "Escola de Familias", mércores 11 de maio
Enviado por Coordinación TIC o 9 Maio, 2022 - 18:05Unha nova actividade de Escola de familias, "Cara unha educación consciente", terá lugar este mércores, 11 de maio ás 19:30 horas.
O relatorio será conducido pola psicopedagoga Ana Fontán.
Será por streaming no enlace www.lalin.gal/aquelar e toda a comunidade educativa está convidada a participar.
Tamén podes consultar o cartaz do evento.
