Dep. Música

Departamento de Música

DEPARTAMENTO DE MÚSICA
PROFESORADO Grupos
Miguel Angel Carbajal Porto
(Xefe Departamento)
2ª ESO;1º BAC (Música)
1º BAC (Linguaxe musical)
María Varela Frade 3ESO; (Música)
4ESO; (Música)
PROGRAMACIÓN DIDÁCTICA
LIBROS DE TEXTO
CURSO AUTOR TÍTULO EDITORIAL ANO I.S.B.N. LINGUA
Non hai libros de texto

Outras actividades do Día contra a Violencia de Xénero

O pasado 25 de novembro o alumnado de Música de 2º Bacharelato relizou unha actuación para os seus compañeiros de 2º ESO e 1º Bacharelato. Este é o vídeo do evento subido ao noso canal de Youtube:

Vídeo de Carlota Torrado - alumna de Artes Escénicas

Vídeo elaborado por Carlota Torrado, alumna de Artes Escénicas, con motivo do 8 de marzo.

Belén Troitiño Dono seleccionada como alumna activa da Orquestra Xove da Sinfónica de Galicia

Parabéns a Belén Troitiño Dono que fai uns días ven de acadar unha praza, como clarinetista, de alumna activa da Orquestra Xove da Sinfónica de Galicia.

Nos próximos anos tocará o clarinete na Orquestra Xove da Sinfónica de Galicia e recibirá formación dos profesionais que forman parte da Orquestra Sinfónica de Galicia.

caf6d36b-95a8-4d7d-b5df-8f13df5cd539.jpeg

Visita a Porto organizada polo departamento de Música

O pasado fin de semana alumnado de Música do noso centro visitou a cidade de Porto acompañado polas profesoras María Varela e Esther Sánchez para participar en diferentes actividades na Casa da Música.

 

Álbum do concerto do alumnado de Música de Bacharelato o pasado 21 de decembro

Xa podedes ver na nosa galería Flickr as imaxes do concerto-audición que o pasado 21 de decembro ofreceu o alumnado de Música de Bacharelato. As fotografías son de Míriam Núñez e Marcos Puente.

Concerto no MGB

Mañá venres 21 de decembro alumnado de Música de Bacharelato ofrecerá un concerto-audición a partir das 13:00 horas na Sala de Usos Múltiples do centro. Contamos coa colaboración do alumnado de Deseño de 2º de Bacharelato que realizou a escenografía.

DSC_0461.JPG

Visita á ESAD

O pasado luns 29 de xaneiro o alumnado de "Artes Escénicas e Danza", acompañad@s polo profesor Miguel Carbajal, visitaron a Escola Superior de Arte Dramática de Vigo onde fixeron un percorrido por distintas aulas. Grazas pola acolleita dispensada!

20180129_125356.jpg

Viaxe cultural á cidade de Porto

Os vindeiros días 18 e 19 de novembro alumnado de 1º de Bacharelato viaxará á cidade de Porto (Portugal) para participar nunha actividade organizada polo departamento de Música. Visitarán o Musseu Serralves e participarán no taller creativo "Imaxinario de Sons" e no curso "Músico por un día" na Casa da Música. Estarán acompañad@s polas profesoras María Varela e Esther Sánchez.

novo_museu_204375796350edaa988a528.jpg

Actuación musical no CEIP Os Tilos

Mañá venres 27 de maio o alumnado da materia de Música de 4° de ESO e 2° de Bacharelato realizará unha actuación musical no CEIP  Os Tilos, no concello de Teo.

Viaxe cultural á cidade de Porto

Alumnado de 4º de ESO e 2º de Bacharelato participará os vindeiros días 29 e 30 de xaneiro (venres e sábado) nunha viaxe á cidade de Porto organizada polo departamento de Música. Realizarán un curso de Creatividade Musical na Fundación Serralves e participarán nun Workshop na Casa da Música incluido dentro do programa "Músico por un día". Estarán acompañad@s polas profesoras María Varela, Beatriz Mera e Esther Sánchez.

casa-da-musica.jpg

All of me - Festival Nadal 2014

Presentamos hoxe o vídeo da actuación no Festival de Nadal dos alumnos de música 2º e 1º BAC e 3º ESO B, dirixidos pola profesora María Varela. A Gravación de son correu a cargo de Diego Valcárcel e da edición e filmación en vídeo encargouse Sandra Iglesias.

A historia da ópera

Na sección de novidades da MeGaBiblioteca podemos atopar este libro, profusamente ilustrado e con texto de Alessandro Taverna, publicado pola editorial anDantino no ano 2006.

Os lectores poderán atopar nel unha introdución sinxela á historia da ópera e aos grandes compositores de todo o mundo. Ademais incorpora tamén unha clasificación por xéneros musicais e explica cómo se compón e se representa unha obra destas características.

Poderemos coñecer tamén ás grandes compañías operísticas e a todos os personaxes que forman parte desta disciplina: cantantes, libretistas, decoradores, directores teatrais e directores de orquestra. Nomes como Cecilia Bartoli, Enrico Caruso, Gustav Mahler, Arturo Toscanini, Maria Callas, Luciano Pavarotti. E os grandes compositores: Monteverdi, Mozart, Rossini, Verdi, Puccini...

"La ópera y su historia: obras, compositores y cantantes" (nº rexistro: 18.336).

Saída cultural á cidade de Porto

Organizada polos departamentos de Música e Filosofía terá lugar, os días 28 e 29 de novembro (venres e sábado), unha visita de alumnos/as de e de bacharelato do noso Centro á cidade lusa de Porto. Durante a mesma realizaranse as seguintes actividades: visita ao Musseu Serralves e ao Centro Histórico da cidade, e realización do curso “Músico por un día: instrumentos tradicionais portugueses”. O alumnado estará acompañado polos profesores: María Varela e Arturo Vizcarra.

museo serralves.jpeg

ALUMNADO DO MGB DE VISITA EN PORTO.

Os vindeiros venres 21 e sábado 22, alumnos/as de  1º de Bacharelato das materias de música e antropoloxía realizarán unha saída cultural a Porto visitando o “ Musseu Serralves” e asistindo ao taller creativo “fábrica de sons” e ó curso “músico por un día”. Estarán aloxados na “Pousada da xuventude” da cidade lusa. A actividade está organizada polos profesores María Varela e Arturo Vizcarra.

musseu serralves.jpeg
Distribuir contido