Chegou aos nosos oídos que o noso compañeiro e profesor de Historia do Arte, Xosé Luis Mosquera Camba, vén de gañar a cuarta edición do Certame Díaz Castro de Poesía. A obra premiada, presentaba co lema Ada Murati, foi A traxedia da arquitectura.

“O poema ilumínase a través dun elaborado proceso de decantación lectora, un instantaneísmo que reconfigura o texto, dende o onírico, o abstracto e a fractalización de planos, para espallar un novo molde resultante da converxencia de múltipeles achegas”, salientaron tamén os membros do xurado. Estes quixeron destacar así mesmo a “excelente calidade dun número importante” dos orixinais presentados, o que evidencia “o estado de magnífica saúde da nosa poesía e a boa acollida do premio”.

Unha vez máis parabéns a Xosé Luis polo seu facer no mundo da arte e a poesía.

O xoves 21 de febreiro o alumnado que cursa Historia do Mundo contemporáneo en 1º BAC, acompañado polos profesores Francisco J. Calaza e Julián Ferrer visitou o MUPEGA ( Museo Pedagóxico de Galicia)

Na visita contaron cuns acompañantes de luxo. 5 maiores do Centro " +60" de Betanzos acompañados pola súa coordenadora, Ana Doval percorreron o museo. Neste caso non como simples alumnos senón como auténticos expertos porque o que alí vían era, en moitos casos, o que eles viviran na súa etapa escolar.

Esta actividade encádrase no proxecto interxeneracional  conxunto de Afundación e o noso instituto que leva por título "FALAMOS DA ESCOLA". Proxecto iste que comezou o ano pasado e do que o IES Francisco Aguiar foi pioneiro e impulsor. Compre neste senso sinalar que simultáneamente á visita reseñada, a nosa compañeira Delfina Ruibal participaba na presentación pública do proxecto que tivo lugar no Instituto Monte das Moas de A Coruña. (enlace á notica de prensa El Ideal) (Enlace a prensa La Voz)

CRTVGa

http://www.crtvg.es/informativos/maiores-e-alumnos-comparten-as-suas-experiencias-na-escola-4044298

Preme na imaxe para ver as fotografías.

Álbum: Actividades 2018-2019 -> Visita al MUPEGA 1BAC HMC

Segunda sesión cos 2º da ESO dos encontros con maiores de Betanzos dentro do proxecto "Fálame da emigración" de Afundación. Os nosos compañeiros Julián Ferrer e Delfina Ruibal levan xa varios anos colaborando nesta experiencia que, aseguran, é tremendamente enriquecedora para todos os seus participantes.

As datas e horarios son :

«Fálame da emigración» é un programa interxeracional que se inclúe na liña estratéxica «O valor da experiencia», do área de Envellecemento Activo de Afundación.
Este programa desenvólvese nos concellos de Galicia onde se sitúan os espazos +60 de Afundación  e en colaboración con institutos de ensino secundario destas localidades.
Os obxectivos xerais deste programa son:

• Que as persoas maiores transmítanlle á mocidade os coñecementos e experiencias adquiridos ao longo de toda a vida, á vez que se enriquecen do diálogo coa xente nova e favorécese o entendemento mutuo.
• Que os mozos e mozas se benefícen do legado e da experiencia das persoas maiores, que os coñezan e comprendan mellor, dialoguen e cooperen con eles, favorecendo o respecto ás persoas en todas as etapas dá vida.
• Que a comunidade educativa incorpore novas modalidades de aprendizaxe, que aproveiten a experiencia das persoas maiores, fomenten o diálogo, a cooperación e o entendemento entre as distintas xeracións.

A experiencia na emigración será o fío condutor do diálogo interxeracional, articulado a través de dous encontros nos centros educativos, precedidos cada un deles dun traballo preparatorio por parte do alumnado e dos maiores.

O pasado 13 de febreiro a vella cidade de Betanzos vestíase de gala para conmemorar o 800 aniversario da súa traslación dende Betanzos o Vello ata o Castro de Untia. 

Como arranque dos actos que ese día tiveron lugar, a carón da Igrexa de San Martiño de Tiobre, o historiador e arquiveiro do Concello, Alfredo Erias, pronunciou unhas palabras para contextualizar o que estabamos a celebrar e o que celebraremos todo este ano que temos por diante.

800 aniversario da traslación de Betanzos o Vello ó Castro de Untia

palabras de Alfredo Erias en Tiobre

13-02-2019 ás 10 da mañá

Señora Alcaldesa de Betanzos, autoridades, amigos:

Tal día coma hoxe, hai xusto 800 anos, o rei Alfonso IX de León e Galicia concede unha carta ós poboadores de Betanzos de Tiobre, o que hoxe chamamos Betanzos o Vello (e que xa tiña desde 1162 o gremio de alfaiates ou xastres máis antigo de España), permitíndolles facer o que pediron: asentarse no veciño Castro de Untia, que pasaría a chamarse Vila Nova de Betanzos, despois Betanzos a secas e por derivación da confraría de Betanzos de los Caballeros que existía en san Francisco no século XV, aínda hai alguén que lle chama Betanzos de los Caballeros ou dos Cabaleiros. Pero como este Castro era por ese tempo propiedade do mosteiro de Sobrado, concede a este a cuarta parte de todas as rendas e proveitos da nova vila e a metade das capelas que se construísen. 

 .../...

 A historia non para e a vida sigue, mentres a cidade de Betanzos se vai adaptando ós tempos sen perder a súa esencia máis íntima: a de estar conectada co seu entorno rural, coa súa comarca, como poucas poboacións. 

É como se se resistira a esquecer a súa orixe de Tiobre. Por iso mesmo estamos hoxe aquí: para recordar ós nosos antepasados e aquel camiño que fixeron hai 800 anos e que sempre foi de ida e volta.

Moi agradecido!

Verémonos aquí mesmo dentro de cen anos.

NESTE ENLACE PODESE LER A INTERVENCIÓN COMPLETA DE ALFREDO EIRAS

E UN DÍA ANTES.... O 12 DE FEBREIRO

TAMÉN OS PEQUENOS DO AGUIAR QUIXEMOS CELEBRAR A EFEMÉRIDE

TRASLADÁNDONOS COA MESMA FESTA E ALEGRÍA DENDE TIOBRE ATA UNTIA

Escoitamos dos pregoeiros Martín Muiño e Óscar García o privilexio que nos concedía o traslado

Descubrimos estrelas de pedra marcando a orixe do camiño

Cruzamos pontes, resolvemos enigmas

Arribamos á cidade que agora cumple 800 x 12 meses

... /...

E aprestámonos a commemorar 800 anos betanceiros... que deron para moito:

. Para construir algunhas das máis fermosas igrexas góticas de Galiza

. Para ter que reconstruirmonos logo de pavorosos incendios.

. Para acoller a lideres da revolta irmandiña como Afonso de Carvallido,  ou ao precursor do nacionalismo, Antolín Faraldo

. Para que indianos xenerosos como os García Naveira regalasen á cidade escolas, asilos e enciclopédicos parques do

  Pasatempo

. Para escoitar a Lugris no primeiro mitin en galego que se escoitou en Galiza

. Para sentir polas rúas os sons do Turito ou a gaita do Vello Rilo

. Para ver pasearse ceibo polo Campo ao porco de san Martiño

. Para ser capital de provincia e Sé do Arquivo do Reino

. Para loitar con rexemento propio contra o francés ou ser zona de operacións do maquis Foucellas

. Para albergar unha puxante Irmandade da Fala

No Aguiar declarámonos dispostos para seguir facendo Betanzos outros 800 anos máis  

O vindeiro xoves 31 de xaneiro, continuamos cos sempre enriquecedores encontros cos maiores do centro de Betanzos do espazo +60 de Afundación . Desta volta, compartirán as súas experiencias na escola co alumnado de 1º de Bacharelato.

A súa foi, sen dúbida, unha escola moi distinta á nosa, na que non había canóns, wifi ou ordenadores, pero que tiña en común cas novas xeracións a curiosidade e ganas de aprender.

Organizado por Julián Ferrer do Departamento de Xeografía e Historia.

Os vindeiros xoves 24 a venres 25 de xaneiro, os 2º da ESO terán lugar un encontro con maiores de Betanzos dentro do proxecto "Fálame da emigración" de Afundación. Os nosos compañeiros Julián Ferrer e Delfina Ruibal levan xa varios anos colaborando nesta experiencia que, aseguran, é tremendamente enriquecedora para todos os seus participantes.

 As datas e horarios son :

«Fálame da emigración» é un programa interxeracional que se inclúe na liña estratéxica «O valor da experiencia», do área de Envellecemento Activo de Afundación.
Este programa desenvólvese nos concellos de Galicia onde se sitúan os espazos +60 de Afundación  e en colaboración con institutos de ensino secundario destas localidades.
Os obxectivos xerais deste programa son:

• Que as persoas maiores transmítanlle á mocidade os coñecementos e experiencias adquiridos ao longo de toda a vida, á vez que se enriquecen do diálogo coa xente nova e favorécese o entendemento mutuo.
• Que os mozos e mozas se benefícen do legado e da experiencia das persoas maiores, que os coñezan e comprendan mellor, dialoguen e cooperen con eles, favorecendo o respecto ás persoas en todas as etapas dá vida.
• Que a comunidade educativa incorpore novas modalidades de aprendizaxe, que aproveiten a experiencia das persoas maiores, fomenten o diálogo, a cooperación e o entendemento entre as distintas xeracións.

A experiencia na emigración será o fío condutor do diálogo interxeracional, articulado a través de dous encontros nos centros educativos, precedidos cada un deles dun traballo preparatorio por parte do alumnado e dos maiores.

Os vindeiros 1,2 e 3 de xuño o grupo D do noso curso de 4º de ESO preparou ( cun protagonisno moi meritorio do alumnado) unha viaxe cultural. No mesmo estrán acompañados por dúas boas coñecedoras dos territorios que visitarán, as profesoras de Latín, Mónica Rodríguez Costas, e de Xeografía e Historia, Rosina Baños de Almeida.

Durante estes tres días achegaranse ata o sur de Galicia para coñecer Vigo ( os xacementos arqueolóxicos de Salinae ligados co mundo romano ou do Castro de época castrexa). Visitarán as illas Cíes do Parque Natural das Illas Atlánticas. E tamén coñecerán a histórica vila de Baiona.

Chegou aos nosos oídos... que o venres 27 de abril preséntarase na libraría Biblos de Betanzos un interesante proxecto no que están implicados moitas perdonas ligadas ao noso instituto. Ex alumnas i ex alumnos, profesoras e profesores, amigos do Aguiar.

Trátase da presentación de A Casa dos Espellos, unha poliédrica revista de investigación que se publica dende a Asociación de Amigas do Parque del Pasatiempo.

Prometen falar pouco e que poidamos preguntar moito! 

Non faltaremos! <3

O vindeiro martes 24 de abril o alumnado das materias en 2º BAC  de Historia da Arte  e Historia e Xeografía de Galicia, desprazarase para visitar Santiago de Compostela. 

Trátase dunha visita habitual cada curso para os alumnos da materia de Historia da Arte. Un ano máis estará dirixida e guíada polo profesor Xosé Luis Mosquera, esta vez acompañado polo profesor Xan Munín. 

A Catedral compostelá e o seu entorno urbano e monumental, o Museo do Pobo Galego, o Centro Galego de Arte Contemporánea e a Cidade da Cultura son os eixos artísticos sobre os que xirará esta actividade didáctica.