Blogue de monica

VENRES 29 MAIO

SUXESTIÓNS:

PARA REMATAR ESTA SEMANA DA LUZ, PROPÓÑOVOS UN

TEATRO DE SOMBRAS

* PRECISADES:

- UNHA SÁBANA OU TEA BRANCA OU DE COR MOI SUAVE

- SILUETAS DE ANIMAIS, DE OBXECTOS,... OU EMPREGAR O PROPIO CORPO / AS MANS PARA FACER FIGURAS

- FOCO DE LUZ

* COMO FACER?

COLOCADOS DETRÁS DA SÁBANA, A LUZ DEBE ENFOCAR DETRÁS OU ABAIXO DO OBXECTO QUE SE MOVE E ENFOCAR NA SÁBANA OU TEATRO, PARA VER AS SOMBRAS DO OUTRO LADO DA TEA

* QUE PODEDES FACER?

PODEDES EMPREGAR O PROPIO CORPO, AS MANS PARA FORMAR ANIMAIS 

                                      OU

FACER SILUETAS EN CARTOLINA, RECORTALAS E SUXEITALAS  CUN PAU

                                    OU

FIGURAS DE ANIMAIS OU BONECOS DE XOGUETE.

E XOGAR,  EXPERIMENTAR E DESFRUTAR

E SE VOS ATREVEDES, PODEDES

 INVENTAR UNHA PEQUENA HISTORIA.

EU SEI QUE SODES CAPACES,

ÁNIMO E MÓSTRAME ESE CONTIÑO

QUE CREACHES CON SOMBRAS!!!

      MÓSTROCHE ALGUNHAS IMAXES DE IDEAS

MÉRCORES 27 MAIO

PROPOSTAS DE HOXE XIRAN ARREDOR DO USO E XOGO COAS

                LANTERNAS

ESTE É UN DOS OBXECTOS QUE NOS PERMITEN TER LUZ SE A LUZ NATURAL NON É SUFICIENTE

EU PROPÓÑOCHE ALGUNHAS IDEAS, PERO SEGURO QUE TI  ATOPAS OUTRAS;

      ¡¡¡EXPERIMENTA, PROBA E DESFRUTA!!!

              DEIXA VOAR A TÚA IMAXINACIÓN!!!

- XOGAR A PILLAR A LUZ; COLOCADO FRENTE A UNHA VENTÁ POR ONDE ESTÁ ENTRANDO A LUZ SOLAR E COA AXUDA DUN ESPELLO OU OBXECTO CON CRISTAL BUSCA REFLECTIR A LUZ E PROVOCAR REFLEXOS QUE PODES XOGAR A CAZAR 

TAMÉN NUN ESPAZO APAGADO E COA AXUDA DUNHA LANTERNA OU FLEXO ACCESO, XOGA A BUSCAR E PILLAR ONDE ESTÁ ENFOCADO O REFLEXO

- SE TES PAPEL CELOFÁN DE CORES, PODES POÑERLLO Á LANTERNA POR ONDE SAE A LUZ E OBSERVAR DE QUE COR SE PROXECTA A LUZ QUE EMITE. E QUE OCORRE SE ENFOCAMOS NO MESMO PUNTO CON DÚAS LANTERNAS CON DISTINTA COR DE PAPEL??

TAMÉN PODES EMPREGAR LANTERNAS CON DESEÑOS OU PODES DESEÑAR TI FORMAS EN PAPEL (PUNTOS, SILUETA DUN ANIMAL, DUNHA ESTRELA,...)

 EXPERIMENTA

- BUSCA POLA CASA OBXETOS CON BURATOS OU REIXA (COADOR, ESCURRIDOR, TEA DE PUNTILLA, PAPEL DE BURBULLAS, ETC.) QUE PERMITAN PASAR A LUZ, ENFOCA COA LANTERNA E OBSERVA COMO SE PROXECTA 

- FAI CREACIÓNS VERTICAIS OU PENDURADAS CON XOGUETES OU OBXECTOS QUE ELIXAS E ATOPES POLA CASA. APAGA A LUZ E LOGO ENFOCA, DENDE DISTINTAS PERSPECTIVAS, CUNHA OU VARIAS LANTERNAS OU FOCOS  E MIRA COMO SE PROXECTA A SOMBRA.

BO DÍA, NESTE LUNS 25 DE MAIO

ESTA SERÁ A SEMANA DA LUZ,

     QUE VOS PARECE?

AS RAZÓNS POLAS QUE VOS PROPOÑO XOGAR COA LUZ, SON VARIAS:

  - PORQUE SE PODE XOGAR DENTRO E FÓRA DA CASA

  - PORQUE PERMITE @ NEN@ OBSERVAR DETALLES

  - PORQUE PERMITE DARSE CONTA QUE AS SOMBRAS SON DISTINTAS SEGUNDO O MOMENTO DO DÍA

  - PORQUE EXPERIMENTA E INTERIORIZA COÑECEMENTOS 

           ACTIVIDADES:

COLOCA OBXECTOS FRONTE Á LUZ DO SOL E OBSERVA QUE PASA

   * BUSCA OBXECTOS TRANSLÚCIDOS, QUE DEIXEN PASAR A LUZ; VASOS DE CORES, CANICAS, PEZAS CON PLÁSTICO TRANSPARENTE,...

    E OBXECTOS OPACOS, QUE NON DEIXAN PASAR A LUZ; PEZAS DE CONSTRUCCIÓN, FIGURAS DE ANIMAIS,...

   * COLÓCAOS FRONTE A UNHA ENTRADA DE LUZ OU SE PODES FÓRA AO AIRE LIBRE E OBSERVA:

         - COMO É A SOMBRA QUE PROXECTA

         - SE A SOMBRA É LONGA OU CURTA

         - COMPARA A SOMBRA DOS OBXECTOS TRANSLÚCIDOS E OPACOS

         - COLOCA EN DISTINTAS POSICIÓNS E ESPAZOS E COMPROBA SE A SOMBRA PROXECTADA É IGUAL

         - POR QUE SE FAN AS SOMBRAS

         - CAMBIARÁ A SOMBRA AO LONGO DO DÍA?. SERÁ IGUAL POLA MAÑÁ, AO MEDIODÍA OU Á TARDIÑA? SE QUERES COMPROBALO PON O OBXECTO NO MESMO SITIO EN DISTINTOS MOMENTOS DO DÍA E OBSERVA

   * PON UN FOLIO E TRAZA A SOMBRA QUE PROXECTAN ALGÚNS OBXECTOS PEQUENOS. LOGO PODES DARLLE COR E POÑERLLE O NOME

    SE ESTÁS NO EXTERIOR PODES TRAZAR A SOMBRA NO CHAN CUN XIZ (TIZA), OU SE ESTÁS SOBRE TERRA CUN PAU.

   * PROBA A POÑERTE TI DE COSTAS AO SOL, MIRA COMO SE PROXECTA A SOMBRA DO TEU CORPO.

PIDE A ALGUÉN QUE TRAZE A TÚA SILUETA E LOGO PODES POÑERLLE UNHA EXPRESIÓN (LEDICIA, TRISTEZA, SORPRESA,..) NA CARA E COMPLETAR O RESTO DO CORPO. OU PODES TRAZAR TI A SILUETA DOUTRA PERSOA.

IMAXES EXEMPLOS:

 EXPERIMENTA, DESFRUTA, OBSERVA!!!

E SE QUERES COMPARTE AS TÚAS CREACIÓNS OU EXPERIENCIAS

MÉRCORES 20 MAIO

CON ESTES DÍAS DE CALOR, APETECE ALGO REFRESCANTE!!!

   ASÍ QUE SEGUIMOS XOGANDO CON AUGA,

         PERO IMOS DARLLE ALGO DE COR E DE FRESCOR!!!

A SUXESTIÓN DE HOXE É FACER XEO DE CORES:

        GOZA E EXPERIMENTA!!!

EXPERIMENTA MISTURANDO CORES

   QUE COR SAIRÁ SE MISTURAMOS AZUL CON AMARELO?

                        E AMARELO CON VERMELLO? ....

                               PENSA E COMPROBA A TÚA HIPÓTESE

OBSERVA QUE ACONTECE

   QUE PASA SE POÑEMOS XEO AO SOL E NA SOMBRA, CAL SE DERRETE PRIMEIRO?

  QUE PASARÁ SE POÑEMOS XEO EN AUGA FRÍA E EN AUGA QUENTE, CAL SE DERRETE ANTES?

  QUE PASA SE PINTAMOS NO CHAN E LOGO SE SECA?

  SEGUE O DEBUXO PINTADO NO CHAN OU DESAPARECEU PORQUE SE EVAPOROU A AUGA?

             ESPERO AS TÚAS FOTOS OU OPINIÓNS

BO DÍA A TOD@S,

COMEZAMOS UNHA NOVA SEMANA QUE ADICAREMOS Á AUGA

PRIMEIRO VEREMOS OS VIDEOS SEGUINTES PARA SABER UN POUCO MÁIS DA IMPORTANCIA DESTE BEN TAN NECESARIO

QUE CHE PARECERON ESTES VIDEOS?

DESCUBRICHES ALGO QUE NON SABÍAS?

PROPOSTAS:

PRESTA ATENCIÓN NAS ACCIÓNS QUE LEVADES A CABO NA CASA, 

   OBSERVA PARA QUE USADES A AUGA

      ANOTA, DEBUXA OU GRAVA PARA QUE EMPREGADES A AUGA

E INCLUSO PENSANDO EN COIDAR O NOSO PLANETA

      ¿QUE PODERIADES FACER PARA AFORRAR AUGA?

                        ¡¡ A PESCUDAR DETECTIVES!!!