Skip to Content

Eventos - Filtro:

Select event terms to filter by
Select event type to filter by
« Week of Maio 28, 2018 »
LunMarMérXovVenSábDom
28
29
30
all day

Para o alumnado de 2º de Bacharelato, este foi un ano intenso, de incertidumes, de afrontar decisións que han de condicionar o seu futuro. Este sábado celebramos a súa graduación. Celebramos que pasaron connosco estes anos de formación e que comezan unha nova etapa. Foi un acto entrañable co alumnado, o profesorado e as familias. Uxía abriu o acto ao piano, Pablo, todo un cabaleiro, presetouno. Carmen, a persoa que fixo das aulas de bacharelato un espazo agradable, no que non faltaban xestos de ánimo, falou para eles. Houbo palabras de cariño para Ana Fábregas, profesora e titora que os acompañou nos últimos cursos e que deixa o noso centro, cun novo destino académico e profesional. Tamén para o profesorado e, como non, para as compañeiras e compañeiros cos que compartiron estudo, viaxes, nervios, entroidos, excursións, enfados e reconciliacións!

Merecido recoñecemento para Susana Outeiral e Carlos Calo, que recolleron cadansúa Matrícula de Honra! 

 

O ton máis formal veu por parte de David, o director, e a tenente alcalde María Maneiro, que asistiu acompañada de Magdalena Pérez, a concelleira de Educación. 

Agardamos que gardedes un bo recordo do voso paso polo centro. Formades xa parte da COMUNIDADE EDUCATIVA do IES de Porto do Son! Aquí sempre teredes a porta aberta! 

PARABÉNS A TODAS E TODOS VÓS, MOITA SORTE NESTA NOVA ETAPA!

No escenario, as vosas fotos de pequenos, daban conta do paso do tempo! Podedes ver o vídeoentrando aquí,  no Facebook da Perseveira!

31
1
2
all day

A semana pasada o alumnado de 3º de ESO e o de 1º de ESO que cursa a materia de Paisaxe e Sustentabilidade visitou Allariz, dentro do Proxecto Terra. Podedes ler máis no blog da biblioteca.

all day

Onte, dentro do plan de acollida, recibimos o que será o noso alumnado de 1º de ESO no curso 2018-19. Alégranos ver esas caras novas achegarse coa incertidume e a ilusión dunha nova etapa. Mostrámoslles o centro e, na biblio, o alumnado de 1º de ESO encargouse de contarlles as actividades nas que poderán participar!

3
all day

Fora unha das actividades da Semana Cultural. Botamos a andar o que será o xérmolo dun novo proxecto relacionado cos roteiros do IES e que, con vontade de facelo medrar, desenvolveremos no curso que vén, adicado á sustentabilidade. 

Fontandurín é un dos lugares do monte de Baroña, un lugar que ben puidera pertencer á Selva de Esmelle de Cunqueiro pola carga evocadora do seu topónimo. Aí estamos, en reforestar co alumnado  este alto do monte no que paisaxe, patrimonio, historia e futuro van da man. Ler o horizonte, ler os petróglifos, ler a terra, ler os muíños, as capelas... E dende este ler, aprender o valor de que a "Selva de Fontandurín" poida ser parte do noso alumnado. Ir vendo medrar as árbores plantadas, árbores de noso: carballos, sobreiras, bidueiros... Espantar os lumes que han de vir. Contribuír a sandar a Terra.

Grazas a Ovidio, aos membros da Comunidade de Montes de Baroña e a Manuel Mariño del Río por acompañarnos con entusiasmo nesta actividade! Estamos a asentar a Comunidade Educativa de Porto do Son!

 

Distribuir contido


by Dr. Radut