Bacharelato

ORLAS 2021

Onte tivemos o acto de entrega de orlas ao alumnado que rematou 2º de Bacharelato. Debido ás circunstancias, non puideron asistir as familias, ás que enviamos os nosos parabéns e un afectuoso saúdo.

O acto estivo presentado por Estela Diz (2º BAC B), Antía Domínguez (2º BAC A) e Alessandro Porcu (2º BAC C), enriquecido musicalmente coas actuacións de Manuela Lema (2º BAC B), Andrés Campos (2º BAC B), Valeria Pérez (2º BAC B) e Martín Rodríguez (2º BAC B).

Rosa Fernández, a directora; Susana Teijeira, ex-alumna, bióloga e investigadora e Mercedes Bangueses, como representante do profesorado, adicaron emotivos discursos ao alumnado.

Tfarah Salec (2º BAC B) foi a encargada de falar en nome do alumnado.

Manolo Bouzas, titor de 2º BAC A, Ana Fernández, titora de 2º BAC B, e Luisa Cazorla, titora de 2º BAC C, fixeron as entregas das orlas e das matrículas de honra. Obtiveron matrícula de honra Ainhoa Cabaleiro (2º BAC A), Alba Gilsanz (2º BAC A) e Lía Lago (2º BAC B), ás que novamente felicitamos. 

E no faltaron os tradicionais vídeos recopilatorios do paso polo instituto do alumnado: un de Juan Carlos Lago, profesor de Debuxo, e outro de Sofía Viyella (2º BAC B).

E a vós, alumnas e alumnos que rematades 2º de Bacharelato, darvos as grazas por todo o aportado estes anos ao Pino Manso e desexarvos todos os éxitos e toda a felicidade, tanto a nivel académico e profesional coma a nivel persoal. Apertas!

 

XORNADAS PORTAS ABERTAS UVIGO

Os días 24 e 25 e maio en horario de 16:00 a 19:00 horas terán lugar as Xornadas de Portas Abertas da Universidade de Vigo. Nelas teredes a oportunidade de escoitar a responsables das diferentes facultades e escolas da Uvigo explicando as principais características das titulacións ofertadas para o curso 21-22.

No seguinte enlace tedes o díptico coa programación proposta: Xornadas Portas Abertas

Dentro de cada área de coñecemento hai unha sala onde vai ter lugar a videoconferencia, tedes que cliclar aí para acceder e poñer a clave que se vos indica para cada sala.

VISITA EXPOSICIÓN DE PINTURA

O alumnado de Debuxo Artístico visitou a exposición de pintura "Texturas dunha guerra invisible" de Galia Baba, ex-alumna do centro. Grazas, Galia, polas túas explicacións e noraboa polo teu traballo!!!! 

 

Podedes visitar a exposición ata o 24 de abril no Centro Cultural do Porriño.

Distribuir contido