Visita aos xulgados de Pontevedra co equipo de mediación
Visita aos Xulgados de Pontevedra
O equipo de mediación participou no programa “Educar en Xustiza”, do Tribunal Superior de Xustiza de Galicia, visitando os Xulgados de Pontevedra. O alumnado, recibido pola xuíza decana Belén Rubido, tivo a oportunidade de aprender como funciona o sistema xudicial, asistindo como público a distintos procesos xudiciais e mantendo unhas enriquecedoras charlas co xuíz e a fiscal da sala do penal nº 1. Tamén tiveron a ocasión de visitar a sala Gesell dos devanditos xulgados.
Axudas para a realización de actividades de formación en linguas estranxeiras
Listaxe provisional de alumnado seleccionado e suplente para as axudas para a realización de actividades de formación en linguas estranxeiras no ano 2024 (estadías de 3 semanas).
Prazo de reclamacións: ata o 14 de maio de 2024
Información. Click no enlace: https://www.edu.xunta.gal/axudasle/
Visita á Aula Newton. San Cibrao das Viñas, Ourense
Visita a Aula Newton
O pasado 11 de abril o alumnado de tecnoloxía de 4º de ESO e 1º de Bacharelato, visitou as instalacións da Aula Newton no Parque Tecnolóxico de San Cibrao das Viñas (Ourense) para realizar a actividade "Volando con números: unha aventura aérea."
Tiveron que elaborar un plan de voo que logo levaron á práctica nun simulador. Como podemos ver, pasárono xenial. De aquí sae algún piloto , seguro.