CHARLA PROGRAMA A PONTE

O alumnado de Matemáticas e de Matemáticas Aplicadas ás Ciencias Sociais de 1º e 2º de Bacharelato asistiron á charla "Data Science: Estatística e matemáticas para a sociedade da información", de Manuel Febrero Bande, profesor da Facultade de Matemáticas da Universidade de Santiago de Compostela. A charla pertence ao programa A PONTE ENTRE O ENSINO MEDIO E A USC.

 

Podcast Música 1º Bacharelato

 

Podcast do alumnado de Música de 1º de Bacharelato para celebrar o Día Mundial da Radio (13 de febreiro).

CHARLA USC

O alumnado de Economía de 1º de Bacharelato asistiu o 3 de febreiro á charla "A Patente como ferramenta da innovación", impartida por Juan M. Garrido Fernández (USC).

A actividade pertence ao programa "A Ponte entre o Ensino Medio e a USC".

Nocións básicas sobre RCP

De novo visitounos persoal da UCI do Álvaro Cunqueiro para dar ao alumnado (esta vez de 4º de Eso e de 1º de Bacharelato) nocións básicas sobre reanimación cardiopulmonar.

Agradecemos de novo á ANPA a organización da actividade.

Prevención Acoso Escolar

O día 28 de xaneiro o alumnado de 1º de ESO tivo unha charla enfocada á prevención do Acoso Escolar, dentro do Plan Director para a Convivencia.

30 aniversario Convención sobre os Dereitos do Neno

 

No ano 2019 celebrouse o 30 aniversario da aprobación da Convención sobre os Dereitos do Neno (CDN) pola Asemblea Xeral das Nacións Unidas e, con tal motivo, a Plataforma de Organizacións de Infancia de Galicia vén de promover unha nova edición en galego do texto íntegro do tratado e unha serie de convencións adaptadas coa finalidade de achegar os dereitos da infancia ao conxunto da sociedade galega poñendo un fincapé especial nos nenos, nenas e adolescentes.

Coa colaboración da Xunta de Galicia, lanzaron catro publicacións da CDN:

Convención sobre os dereitos do neno adaptada para 6-8 anos

Convención sobre os dereitos do neno adaptada para 9-12 anos

Convención sobre os dereitos do neno adaptada para 13-18 anos

Convención sobre os dereitos do neno (texto oficial)

Distribuir contido