IES Pazo da Mercé |

Folga de alumnado o xoves 16 de febreiro

A presidenta da Xunta de Delegados do IES Pazo da Mercé comunicoulle á Dirección do centro no día de onte que, tras a celebración dunha Asemblea de Estudantes, o alumnado deste centro se sumaba á folga convocada para o xoves 16 de febreiro. Esta ten como obxectivo solicitar a paralización e retirada da LOMCE.

Desde a Dirección así se lles comunicará no día de hoxe ás familias e a toda a comunidade educativa do centro.

Datos académicos e de convivencia da 1ª avaliación

Achéganse os datos sobre os resultados académicos da 1ª avaliación así como os referidos á convivencia no centro durante o 1º trimestre.

Lémbrase a toda a comunidade que na ESO unha cualificación negativa en Matemáticas e mais unha Lingua (galega ou castelá) impide promocionar ao seguinte curso.

Datos académicos e de convivencia

Repoboamento de especies de xardín no centro

Coa colaboración da Deputación e o Concello estase a repoboar algunhas zonas axardinadas do noso centro. As diferentes especies foron seleccionadas con criterios técnicos e estéticos. Non tardaremos moito en poder gozar plenamente delas.

Medidas adoptadas ante os desperfectos no tellado do centro.

Tras os desperfectos causados no tellado do instituto por mor do temporal da última semana, decidiuse en colaboración co Concello, acotar por seguridade algunhas zonas do patio. Os técnicos determinarán máis medidas para dar solución ao problema.

Concurso Palabras de Amor

Co gallo do día de San Valentín o equipo da biblioteca organiza un concurso de palabras de amor. A data limite de entrega das cartas ou notas de amor é o venres 10 de febreiro. Pica na imaxe para coñecer toda a información polo miúdo.

Non o dubides. Participa!!!!

Visita á exposición "O Principiño arredor do mundo"

Saídas extraescolares

O alumnado de 1º de ESO visita a exposición "O Principiño arredor do mundo" que estes días está no CEP Carlos Casares de Alxén (Salvaterra de Miño).

Esta exposición forma parte da colección privada do escritor que, dende principios dos anos 70, comezou a traducir a mencionada obra ao galego para a editorial Galaxia. A súa afección polo libro de Antoine de Saint-Exupéry moveuno a coleccionar O Principiño en todas as linguas do mundo.