FAMILIAS - ANPA O Castro
|
>> GUÍAS DE ORIENTACIÓN (despregable)
Presentacións para o curso 2023-2024
|
|
|
|
|
|
Vídeos do curso 2020-2021
Blogues
MINIPROGRAMACIÓN FeQ 2ºESO
Enviado por guillin o Xov, 08/09/2022 - 23:39No seguinte documento atoparedes o esencial sobre os contidos a impartir en FeQ de 2ºESO e o xeito de avalialos e cualificalos. Lembrade que este ano seguimos coa LOMCE en 2ºESO.
MINIPROGRAMACIÓN QUÍMICA 2ºBAC
Enviado por guillin o Xov, 08/09/2022 - 23:37No seguinte documento atoparedes o esencial sobre os contidos a impartir na materia de QUÍMICA de 2ºBAC e o xeito de avalialos e cualificalos. Lembrade que este ano seguimos coa LOMCE en 2ºBAC.
MINIPROGRAMACIÓN FÍSICA 2ºBAC
Enviado por guillin o Xov, 08/09/2022 - 23:36No seguinte documento atoparedes o esencial sobre os contidos a impartir na materia de FÍSICA de 2ºBAC e o xeito de avalialos e cualificalos. Lembrade que este ano seguimos coa LOMCE en 2ºBAC.
MINIPROGRAMACIÓN FeQ 1ºBAC
Enviado por guillin o Xov, 08/09/2022 - 23:35No seguinte documento atoparedes o esencial sobre os contidos a impartir en 1ºBAC e o xeito de avalialos e cualificalos. Lembrade que este ano entra a LOMLOE en 1ºBAC.
MINIPROGRAMACIÓN FeQ 4ºESO
Enviado por guillin o Xov, 08/09/2022 - 23:34No seguinte documento atoparedes o esencial sobre os contidos a impartir na FeQ de 4ºESO e o xeito de avalialos e cualificalos. Lembrade que este ano seguimos coa LOMCE en 4ºESO.
MINIPROGRAMACIÓN FeQ 3ºESO
Enviado por guillin o Xov, 08/09/2022 - 23:32No seguinte documento atoparedes o esencial sobre os contidos a impartir na FeQ de 3ºESO e o xeito de avalialos e cualificalos. Lembrade que este ano entra a LOMLOE en 3ºESO.
Lección inaugural: Jesús Losada
Enviado por admin o Xov, 08/09/2022 - 21:52O responsable do terminal de GNL de Mugardos e do gasoducto de Reganosa, Jesús Losada, impartiu esta mañá a lección inaugural do curso 2022-2023 para o alumnado de bacharelato. Na súa exposición esbozou as liñas de traballo da empresa e as oportunidades de traballo e negocio a nivel mundial no sector enerxético. Entre elas as enerxías renovables como o proxecto en marcha da compañía para a produción de hidróxeno verde.
Para todo iso, salientou a importancia da formación e o estudo para competir no mundo laboral co valor engadido de calquera capacitación, desde a aprendizaxe de linguas ata experiencias persoais. Sen esquecerse da necesidade de manter responsablemente os valores éticos e compromiso social.
Agradecemos a Jesús Losada e mais á empresa que fixo posible a súa presenza no instituto coa que damos por inaugurado un novo curso.
Proxecto de vida activa e deportiva (Curso 2021-2022)
Enviado por pcanteroc o Lun, 20/06/2022 - 20:57Entérate Mugardos
Enviado por admin o Mar, 14/06/2022 - 22:06O alumnado de 1.º e 2.º ESO percorreu a vila a tarde do martes para repartir polos comercios e locais os carteis da campaña Entérate Mugardos. Trátase dunha campaña de conciencianciación e sensibilización en materia de igualdade e violencia de xénero impulsada polo Concello e na que participaron todos os centros educativos.
Excursión ao complexo acuático de Cerceda
Enviado por admin o Mar, 14/06/2022 - 21:43O alumnado de 2.º ESO, acompañado dos profesores Mikel Pasabant e José Luis Mayobre, gozou este luns dunha intensa xornada de no Aquapark de Cerceda.
Sorteo dun xamón ibérico (rifas pro-excursión fin de curso)
Enviado por admin o Ven, 03/06/2022 - 14:49No sorteo do xamón ibérico celebrado no primeiro recreo do venres, 3 de xuño, resultou agraciado número 0783
adquirido pola familia Romero Castro de Mugardos. A gozar do magnífico pernil e o alumando de 4.º e 1.º bacharelato conseguiron
deste xeito un bo finanzamento para a excursión de fin de curso que emprenderán o vindeiro luns. Grazas á ANPA pola colaboración.
Programa Corresponsables da Federación Galega de Tenis. Inscrición
Enviado por admin o Xov, 02/06/2022 - 23:54
O IES de Mugardos en colaboración coa ANPA O Castro acolle o programa Corresponsables da Federación Galega de Tenis. Trátase de clases de tenis completamente de balde (monitores e materiais) para os nenos e nenas menores de 16 anos. O período de actividade realizarase segundo a elección preliminar das familias entre as entidades suscritas ao programa e meses e horarios dispoñibles. No noso caso comezará no vindeiro mes de xullo polas mañás e continuará polas tardes o primeiro trimestre do vindeiro curso (tardes). O formulario de inscrición permite gran flexibilidade de elección entre horarios e meses.
- Menores de 16 anos.
- Grupos reducidos (entre 4 e 8) formados segundo a idade e logo o nivel.
LUGAR:
Pavillón e pista deportiva do instituto
HORARIO:
Xullo, en días e quendas de mañá a elixir os días
Setembro, outubro e novembro: de luns a xoves en quendas de tarde a elixir os días
INSCRICIÓN
Establécese un prazo de inscrición centralizado a través da FGTenis. Na súa páxina web está dispoñible todo o catálogo de actividades e entidades que as acollen.
Fomulario de inscrición do IES de Mugardos
Ademais, tamén poderíamos ter esta actividade gratuíta en varios clubs de tenis da zona, sobre todo para o mes de agosto:
Graduación de bacharelato. Promoción 2020-2022
Enviado por admin o Sáb, 21/05/2022 - 13:40A tarde do venres, 20 de maio, celebramos o acto de despedida da flamante promoción de bacharelato 2020-2022. Foi un acto emotivo para o alumnado que deixa unha fonda pegada no instituto. Parabéns ao novos bachareis que enfrontan unha nova etapa nas súas vidas. Grazas ao profesorado que os acompañou en toda a súa traxectoria escolar. Moi agredecidos ao Casino Mugardés que nos cedeu as súas instalación para compartirmos o acto cos familiares a achegados. Para todas as familias, o noso recoñecemento por confiarnos unha parte importante da educación dos seus fillos e fillas.
RECLAMACIÓNS, EXPEDICIÓN DE TÍTULO E MATRÍCULA NA ABAU
Enviado por admin o Mér, 18/05/2022 - 12:42Nesta entrada acharedes información sobre tres importantes aspectos a ter en conta unha vez superada a avaliación:
- Procedemento de reclamación das cualificacións
- Expedición do título de Bacharelato
- Matrícula na ABAU
PROCEDEMENTO DE RECLAMACIÓNS DAS CUALIFICACIÓNS |
Ademais de solicitar unha revisión dagunha proba con explicacións do profesor/a, todas as cualificacións que consideres non axustadas a un dos seguintes supostos son reclamables:
E ademais poderás facer constar as observacións que consideres oportunas para que sexan tidas en conta na reclamación. Tamén é moi importe o prazo:
A reclamación preséntase por rexistro de secretaría cun modelo de instancia ou o seguinte formulario.
Máis información: |
EXPEDICIÓN DO TÍTULO DE BACHARELATO |
En primeiro lugar, cómpre cubrir correctamento o impreso de pagamento das taxas:
As cantidades dos importes poden ser diferentes segundo a familia:
IMPORTANTE: o resgardo de aboamento na entidade bancaria, debidamente selado, débese entregar na oficina do instituto. |
MATRÍCULA NA ABAU |
TAXAS: Efectuar o pagamento na entidade bancaria. IMPRESO: Cubrir o impreso de matrícula do xeito máis claro e limpo posible. Impreso para pre-matrícula na ABAU (presentar no instituto) |
Protocolo ABAU 2022
Modelos de exame ABAU 2022
Horario das probas
Lugar
Comisión Delegada 1142
Escola Universitaria Politécnica. Campus de Serantes. Ferrol
Transporte:
O instituto ofrece autobús desde Ares e Mugardos só para o primeiro día (7 de xuño)
Circular 2: Familias 2.º bacharelato (Final de curso e ABAU)
Enviado por admin o Mar, 17/05/2022 - 18:29TÁBOA PERIÓDICA DE SENTIMENTOS...
Enviado por guillin o Xov, 12/05/2022 - 22:49¿Quen dixo que a ciencia carece de sentimentos? aqui está a rapazada de 3ºESO para amosar o contrario...co gallo da táboa periódica que lles ten que empezar a resultar familiar propuxemos unha idea un pouco tola: ¿Por qué non resumimos o que foi o ano escolar no IES Mugardos aproveitando os símbolos químicos dos 118 elementos coñecidos? Pois alá se puxeron a combinar fotos, palabras e frases coas que quixesen retratar momentos ou sensacións importantes para eles durante este curso...e a verdade, quedou cuquiña.
Moi ben por todos...agora só queda esperar a que se publique o sentimento numero 119...perdón elemento ;-)
Maios, 2022
Enviado por Serafín o Xov, 12/05/2022 - 20:36Este luns, 9 de maio, Mugardos voltou a recuperar a festa dos Maios impulsada pola asociación cultural Apelón Educación para os centros educativos. Logo de dous anos sen podermos baixar á vila, o alumnado deuse cita no cantón de Cora para a realización dos monumentos vexetais. No noso caso, participapamos co alumnado de 1.º ESO, que confeccionou unhas coplas, e o mais FP Básica, que se encargou da estrutura do barco floral. Ademais, axudaron aos máis cativos a colocar as flores. Para completar a festa actuou a cantautora MJ Pérez.
Maremagnum, abril de 2022
Enviado por Anónimo o Mar, 26/04/2022 - 15:52Dende que contamos co recurso do Abalar xa non queda tan impune o de faltar á clase. Con todo, sempre nos quedarán as expresións para cando sexa o caso, e diso en galego contamos cunhas cantas. Se ben un mugardés poida sorprenderse moito cando escoita os vigueses falar de "colgar clase", tampouco é menos sorpresa que un olívico escoite o "palmar" usual en Ferrol. Entre medias quedan o "latar" propio da costa atlántica (e de Ourense, pois sae n'Os biosbardos de Blanco Amor), o "copar" de Pontevedra ou o "fanar" de Valga. Pola súa banda, no rural o feito de "correr a escola" tiña expresións propias das actividades alternativas á asistencia lectiva: "ir/andar ós niños", "andar ás mazás", "facer a escola no camiño" ou "facer a gata". Este último animal adoito se substitúe con outros substantivos, como "facer a gatada" (ou "gatear"), "facer a mica" (ou "micar"), "facer a godalla" (ou "agodallar"), "facer as lebres" (todos estes animais, como "gata"), "facer a añagota" [DFGCCG], "facer a lata" (que é de onde procede o de "latar") e, por fin, os seus derivados "facer a latarega/latarusa". Non se pode dicir pois que en Galicia non temos experiencia no asunto, pois léxico e fraseoloxía temos abondo.
Máis información para o galego no Portal das Palabras e a análise de Pena Romay. Tamén para toda España
Este textiño vai ir ó prelo aquí.
VISITA A FORESTAL DEL ATLÁNTICO
Enviado por guillin o Mar, 19/04/2022 - 23:29Ás veces non somos realmente conscientes do que temos ao noso arredor e desde o punto de vista industrial é un pouco o que pasa en Mugardos. Forestal del Atlántico é unha empresa punteira dentro de Galicia e que despunta a nivel nacional. Podemos entrar no debate que sempre levan aparelladas este tipo de cousas e analizar os pros e as contras medioambientais, estéticas ou adxectivos varios. Pero o que é innegable e a cantidade que procesos físicos e químicos que se desenvolven nas súas instalacións e que están sometidos constantemente a un estricto sistema de control interno e externo para non saír nos xornáis por outros motivos que non sexan, por exemplo, por ser afortunada receptora dun proxecto a nivel europeo para financiar a produción de metanol por vías ecolóxicas (o chamado metanol verde), proxecto moi esperanzador de cara ao futuro. Se a isto lle engadimos que dispón dunha planta de coxeración de enerxía, dun laboratorio moi ben dotado para análise químico-físico, dunha parte dedicada á producción de colas moi importante na industria do taboleiro, outra que produce novolacas de uso en sanitarios (a empresa Roca é o principal destinatario), industria do automóbil...etc, que recepciona nas súas intalacións envíos marítimos como os de disolucións de sosa ao 50% da empresa Ercros e outros varios que se presten a empregar os seus pantaláns...non podíamos deixar de facer unha visita e comprobalo in situ.
Esta mañá, baixo a atencion exquisita de José Manuel Pena Salido, director do departamento de Seguridade, Medio Ambiente e Calidade e varios dos seus compañeiros ao longo de todas as instalacións, o alumnado de ciencias de 2º BAC do IES de Mugardos puido comprobar persoalmente todo o anteriormente mencionado. Parabéns a todos os responsables polas explicacións e o trato proporcionado e ao alumanado polo comportamento exemplar.
A partir de agora cando se fale de Forestal del Atlántico na súa presenza xa poden opinar con propiedade e fundamento, que diso se trataba.
VEREDICTO DO XURADO NO CONCURSO DE FOTOGRAFÍA
Enviado por guillin o Xov, 07/04/2022 - 22:29Parabéns a todos os participantes no I certame de fotografía científica no IES de Mugardos porque ao final a calidade do material presentado foi moi salientable. No arquivo que se achega atoparades o veredicto máis polo miúdo e tamén varias imaxes que cómpre salientar aínda que non puidesen conseguir o premio, pero que dun xeito ou outro lograron o obxectivo principal na fotografía, que é transmitir.
Non obstante aquí tedes os gañadores:
Alejandro Cartelle pola hipnotizante captura da irreversibilidade a través dun proceso de combustión, digno da mellores portadas do suplemento dominical.
E Sandra Romero polo traballo fotográfico feito nunha magnífica colección de instantáneas, entre as que salientamos este perigoso e perfecto traxe de xeo feito a medida para unha inocente planta:
Visita a centros de Formación Profesional
Enviado por admin o Mér, 30/03/2022 - 13:48O alumnado de 2.º ESO e FP Básica compartiu este martes a visita a outros centros de ensino. A saída comezou polo CIPF Ferrolterra no que recibiron explicacións sobre os diferentes ciclos que imparten alí. Na segunda parte da xornada desprazáronse ata o CFEA Sergude, un centro especialidado na familia profesional agraria.
CIPF Ferrolterra
CFEA Sergude
FOTOGRAFÍA CIENTÍFICA
Enviado por guillin o Mér, 23/03/2022 - 01:03Desta volta entre o departamento de Física e Química e o de Plástica puxemos ao alumnado de 3ºESO a buscar coas súas cámaras un novo punto de vista sobre o que acontace ao noso arredor. A ciencia, a través das súas manifestacións cotiás, envolve todas as nosas accións e ás veces somos quen de captalas e inmortalizalas. Deixamos que sexades vos os que valoredes se acadaron este obxectivo ou non. Eu coido que sí. As dúas mellores fotografías terán un pequeno agasallo como recoñecemento á súa perspicacia científica ou calidade técnica. No arquivo que se xunta podedes velas todas en detalle.
Premio concurso do entroido
Enviado por admin o Mar, 22/03/2022 - 23:48O alumnado de 4.º ESO-B e FPBásica I gozaron ao longo da mañá deste martes dos seus respectivos premios no concurso de disfraces de aula do entroido. Nun caso desprazáronse ata as instalacións de Humor Amarelo na Coruña e noutro, ao Sould Park Jump de Narón. Trátase, asemande,das primeiras saídas en autobús coas que o centro pretende ir cara á normalidade das actividades complementarias e extraescolares.
Día da Poesía (21 de marzo)
Enviado por admin o Lun, 21/03/2022 - 13:05Neste día facemos unha pequena escolma de poemas inspirados no mar e lembramos ao autor homenaxeado no Día das Letras Galegas, o poeta Florencio Delgado Gurriarán.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »