Teléfono
 
881 938200

Correo electrónico
 
ies.mugardos@edu.xunta.gal

Enderezo
 
Rúa do Criesto s/n

  15620 Mugardos (A Coruña)

 

    
PLATAFORMAS E AULAS VIRTUAIS
  EDIXGAL MOODLE ABALAR  
       
   REDES     VIDEOCONFERENCIA 
 

      

Educación física

Campionato escolar de remoergómetro

Ao longo da mañá do martes, 8 de novembro, o pavillón do instituto acolleu o primeiro campionato de remo-ergómetro organizado polo Club do Mar para todos os centros educativos do concello de Mugardos. O alumnado participou por niveis educativos, desde terceiro de primaria ata cuarto de secundaria.

Asemade, estanse a disputar durante os recreos as probas dos Xogos Olímpicos.

Campionato escolar de remoergómetro

08/11/2022 09:15
08/11/2022 13:30
Europe/Madrid

Campionato escolar de remoergómetro

PARTICIPANTES: Centros de ensino do concello de Mugardos

ORGANIZA: Club do Mar de Mugardos

Excursión ao complexo acuático de Cerceda

O alumnado de 2.º ESO, acompañado dos profesores Mikel Pasabant e José Luis Mayobre,  gozou este luns dunha intensa xornada de no Aquapark de Cerceda.

Programa Corresponsables da Federación Galega de Tenis. Inscrición

 

 

O IES de Mugardos en colaboración coa ANPA O Castro acolle o programa Corresponsables da Federación Galega de Tenis. Trátase de clases de tenis completamente de balde (monitores e materiais) para os nenos e nenas menores de 16 anos. O período de actividade realizarase segundo a elección preliminar das familias entre as entidades suscritas ao programa e meses e horarios dispoñibles. No noso caso comezará no vindeiro mes de xullo polas mañás e continuará polas tardes o primeiro trimestre do vindeiro curso (tardes). O formulario de inscrición permite gran flexibilidade de elección entre horarios e meses.

 - Menores de 16 anos.

- Grupos reducidos (entre 4 e 8) formados segundo a idade e logo o nivel.

 LUGAR:

Pavillón e pista deportiva do instituto

 HORARIO:

Xullo, en días e quendas de mañá a elixir os días

Setembro, outubro e novembro: de luns a xoves en quendas de tarde a elixir os días

 INSCRICIÓN

Establécese un prazo de inscrición centralizado a través da FGTenis. Na súa páxina web está dispoñible todo o catálogo de actividades e entidades que as acollen.

 Fomulario de inscrición do IES de Mugardos

https://docs.google.com/forms/d/e/1FAIpQLScGY8Xv_xrz9UgXYwjLyXhS5dNpt1yHTYpdRkvznjs64Bv3MA/viewform

 

 Ademais, tamén poderíamos ter esta actividade gratuíta en varios clubs de tenis da zona, sobre todo para o mes de agosto:

  

 

 

PING PONG LEAGUE (Recreos activos)

31/01/2022 00:00
26/03/2022 00:00
Europe/Madrid

Actividade no Club de Remo de Mugardos

Na semana do 7 ao 11 de xuño, todo o alumnado do IES Mugardos tivo a oportunidade e participar nunha actividade de promoción do Club de Remo de Mugardos. As sesións resultaron dunha colaboración entre o departamento de Educación Física e o club local, que tivo a ben dispoñer das embarcacións e dos monitores para realizar unha actividade ao aire libre, con todas as medidas de seguridade e de balde.

Os rapaces e rapazas puideron comprobar coma o esforzo é ineludible neste deporte, no que o adestramento é moi esixente pero a perseverancia da os seus froitos.

Unhas xornadas distintas para esquecer este curso tan duro que a rapazada superou con tanto ánimo. Parabéns a todos e todas!

Ao longo das segunda semana de xuño, todo o alumnado da ESO baixou á ribeira para realizar unha actividade práctica de coñecemento do remo. Grazas ao Club de Remo de Mugardos por abrir as súas portas aos centros educativos.

Para todas as familias animamos a seguir con esta toma de contacto cos deportes do mar coa inscrición na Escola de verán.

 

4.º ESO - Iniciación ao remo no Club do Mar

08/06/2021 12:45
08/06/2021 14:25
Europe/Madrid

Iniciación ao remo

Club do Mar de Mugardos

 

4ª ESO: martes 8 a 5ª e 6ª horas.

3.º ESO - Iniciación ao remo no Club do Mar

11/06/2021 10:45
11/06/2021 12:45
Europe/Madrid

Iniciación ao remo

Club do Mar de Mugardos

3º ESO: venres 11 a 3ª e 4ª horas, 

 

2.º ESO - Iniciación ao remo no Club do Mar

08/06/2021 09:35
08/06/2021 11:35
Europe/Madrid

Iniciación ao remo

Club do Mar de Mugardos

2º ESO: martes 8 a 2ª e 3ª horas, 

 

1.º ESO - Iniciación ao remo no Club do Mar

09/06/2021 10:45
09/06/2021 12:45
Europe/Madrid

Iniciación ao remo

Club do Mar de Mugardos

1º ESO: mércores 9 a 3ª e 4ª horas,

Ruta a pé

Ruta a pé, toda a tarde do martes 20 e abril, na que participou o alumnado de 1.º Bacharelato A e C; 4.º ESO B e 2.º ESO. Camiñata de convivencia e exercicio saudable.

Ruta cicloturista (4.º ESO)

 

    

 O pasado venres 26 de marzo, o grupo de 4º ESO B realizou unha ruta en bicicleta pola contorna, coa idea de percorrer as paraxes máis vistosas que temos a carón de nós. O percorrido polo Faro, o Castelo da Palma, O Mirador da Bailadora e Roibeiras deulles aos rapaces participantes a oportunidade de poñer a proba tanto as súas habilidades coma a súa resistencia, xa que houbo para todos.

 Tivemos a grande sorte de vernos acompañados dunhas boas raiolas de sol e da tranquilidade da mañá. A natureza consigue moitas veces o que os docentes non acadamos entre catro paredes, que é devolverlles a tranquilidade! Voltamos felices.

Carreira de orientación deportiva

O pasado venres os alumnos e alumnas de 1º da ESO gozarn dunha sesión de dúas horas para facer unha carreira de orientación na contorna do centro. A actividade tivo lugar no Baño, aproveitando o fermoso día de sol que nos acompañou.
A xornada foi preparada polo alumnado de 3º da ESO durante varias sesións previas, e consistiu na colocación de balizas de orientación en rumbos previamente medidos e establecidos por eles mesmos. Cada grupo de 1º da ESO contou cun "padriño" ou "madriña" de excepción, xa que contamos coa colaboración dos alumnos de Tecnoloxía de 1º de Bacharelato, co seu profesor Diego Calvo á cabeza. Os padriños guiaron ós pequenos na interpretación dos mapas e acompañáronos durante os desprazamentos e na carreira (mesmo algún correu todo o tempo con eles).
Os rapaces e rapazas de 3º da ESO establecéronse en "postas" ás cales acudían os distintos grupos a realizar pequenas e divertidas probas antes de buscar a seguinte baliza, e asinaban a tarxeta de control de cada grupo.
Aínda que houbo algún grupo que foi quen de atopar case todas as balizas, prevaleceu o espírito participativo e a convivencia nesta xornada na que os pequenos tiveron oportunidade de convivir cos maiores nunha contorna segura, aprendendo que se pode gozar do medio natural preservándoo e coidándoo.
 

Pautas fin de curso

PAUTAS PARA FINALIZAR O CURSO E PARA RECUPERAR AS MATERIAS DO DEPARTAMENTO DE EDUCACIÓN FÍSICA

O alumnado que ten APTA (cualificación de 5 ou máis na 2ª avaliación) a materia de EDUCACIÓN FÍSICA, PROMOCIÓN DE ESTILOS DE VIDA SAUDABLES e/ou ACTIVIDADE FÍSICA E VIDA SAUDABLE pode optar a subir nota presentando as tarefas propostas on-line na 3ª avaliación, tendo acceso á totalidade da cualificación de cada matéria.

O alumnado que ten INSUFICIENTE (cualificación de 4 ou menos na 2ª avaliación) na materia de EDUCACIÓN FÍSICA, PROMOCIÓN DE ESTILOS DE VIDA SAUDABLES e/ou ACTIVIDADE FÍSICA E VIDA SAUDABLE pode aprobar o curso e optar á totalidade da cualificación de cada materia presentando os seguintes documentos nas aulas virtuais propostas (Edixgal no caso de 1º e 2º da ESO e Classroom no resto, agás aqueles alumnos/as que non teñen acceso a estes medios e aos cales se lles fará chegar pola vía acordada):

  • Libreta da 2ª avaliación redactada polo propio alumno/a (alumnado de 1ºESO, 3ºESO e 4ºESO).
  • Traballo da 1ª e 2ª avaliación correxidos no caso do alumnado de 1º Bacharelato, xunto coas actividades de recuperación e reforzo propostas na 3ª avaliación.
  • Actividades de recuperación e reforzo propostas na 3ª avaliación, enviadas polos medios correspondentes, no caso do resto do alumnado.

Outra información de interés:

·      Para todos os alumnos e alumnas que non teñen acceso aos medios dixitais citados, o centro educativo fará de intermediario para facerlles chegar as tarefas correspondentes.

·      O alumnado que ten aprobada a 2ª avaliación ten aprobado o curso, ao tratarse de materias de avaliación continua. Aínda así, animámosvos a seguir traballando na vosa formación e mellora, xa que o curso que ven agradecerémolo todos e todas!

Distribuir contido