Indicacións recibidas da Consellería de Educación relativas á avaliación do segundo trimestre: 

1. A avaliación terá lugar antes do venres, 3 de abril (de maneira telemática, non presencial)

2. O profesorado avaliará tendo en conta as probas, traballos, tarefas, actividades, etec. realizadas durante o segundo trimestre ata o venres, 13 de marzo.

3. As familias recibiredes as cualificacións a través da aplicación abalarMóbil a partir do venres ás 15h.
Se aínda non dispoñedes dela, debedes descargala canto antes e comprobar nela que figurades como responsables legais das vosas fillas e fillos. + info

Ante as numerosas consultas que estamos a recibir acerca de datas de exames e avaliacións, antigos prazos de entrega de traballos, prazos de prematrículas, etc. quixeramos aclarar que:

TODOS OS PRAZOS quedan ADIADOS sen data coñecida polo momento e mentres dure o estado de alarma.

En canto retomemos a normalidade académica, e nos sexan notificadas as novas datas oficiais, estas, e as que delas deriven, serán comunicadas en tempo e forma a través desta páxina web e os outros medios á nosa disposición.

Prezadas familias,

Xa de maneira oficial, estamos en condicións de transmitirvos que o centro permanecerá pechado os vindeiros 14 días a partir do luns 16 de marzo.

Estamos a organizar o sistema de envío de material e tarefas para o noso alumnado. Informarémosvos nas vindeiras horas, a través da nosa páxina web, do sistema escollido.

Se precisades poñervos en contacto co centro, podedes chamar por teléfono (881.86.67.17) en horario lectivo (de 10h a 13h) ou escribirnos un correo electrónico (ies.acachada@edu.xunta.es). 

En ningún caso acudades ao centro en persoa.

Grazas pola vosa colaboración e un saúdo,

O equipo directivo