O CRA DE RIANXO ESTÁ A PARTICIPAR  UN ANO MÁIS NA CAMPAÑA DE DISTRIBUCIÓN DE FROITA NOS CENTROS ESCOLARES.

 O PROGRAMA, COORDINADO POLO FONDO GALEGO DE GARANTÍA AGRARIA, PREVÉ A DISTRIBUCIÓN DE FROITA FRESCA A TODO O ALUMNADO EN VARIOS PERÍODOS SEMANAIS,

NO CRA DE RIANXO CONTIÚAN AS ACTIVIDADES DESEÑADAS EN TORNO AO 8M.
UN ANO MÁIS, AS AMIGAS E AMIGOS DE DANIEL CELEBRARON O SEU PARTICULAR  DÍA INTERNACIONAL DA MULLER NA SÚA BIBLIOTECA CENTRAL EN ASADOS CON OBRADOIROS DE MÚSICA, CONTOS E MEMORIA.

OS DÍAS 12 E 13 DE MARZO AS ESCOLAS DO CRA DE RIANXO DESPRAZARONSE Á CIDADE DE SANTIAGO DE COMPOSTELA CO OBXECTO DE REALIZAR DISTINTAS ACTIVIDADES DIDÁCTICAS NO MUSEO DE HISTORIA NATURAL DA U.S.C.

Deixámosvos o enlace ao cuestionario de convivencia para familias, profesorado, PAS e alumnado. Podedes cubrilo co código que se vos vai facilitar dende a dirección do centro e aportar a vosa opinión sobre a convivencia no noso centro.

Picade na imaxe para entrar.

 VOLVEU O ENTROIDO E CON ÉL O TORIBIÑO E AS SÚAS ENTROIDADAS. PARA PODER ENTRAR NAS ESCOLAS...
O LUNS HAI QUE LEVAR BIGOTE

O MARTES BIGOTE E ALGO NO PESCOZO

O MÉRCORES BIGOTE, ALGO NO PESCOZO E UNHA LAZADA NO CU

O XOVES BIGOTE, ALGO NO PESCOZO, UNHA LAZADA NO CU E ALGO NA CABEZA

O VENRES, O TORIBIÑO XA MANDOU E A FESTA IMOS A QUINTÁNS, PRA VESTIRNOS DE CHOQUEIR@S E COMER FILLOAS ATA FARTAR.

Ao redor do 24 de febreiro, fixado no Calendario do Libro e da Lectura como aniversario do nacemento de Rosalía de Castro, desenvólvense un grande número de actividades que gozan  dunha importante aceptación e impulso por parte da sociedade, e moi especialmente polo sector educativo.

A Asociación de Escritoras e Escritores en Lingua Galega (AELG) propón  á cidadanía que agasalle un libro en galego e unha flor,  e baixo o lema  Do XIX ao XXI: Libre o meu Pensamento!, convida asemade aos centros de ensino a realizar actividades que permitan ao alumnado observar e reflexionar sobre a vixencia do amplo abano de inxustizas sociais, incluída a situación da lingua galega, presentes na obra de Rosalía.

MARTES 19 DE FEBREIRO, DE 16 A 17 HORAS, PORTAS ABERTAS NAS ESCOLAS DO CRA PARA TODAS AQUELAS FAMILIAS QUE QUEIRAN COÑECER AS SÚAS AULAS.

O VENRES 15 DE FEBREIRO A COMUNIDADE ESCOLAR DO CRA REALIZOU UNHA PLANTACIÓN DE FREIXOS E CASTIÑEIROS CO OBXECTO DE COMPLETAR A REXENERACIÓN DO MONTE DO PLEITO, EN TARAGOÑA. 
A ACTIVIDADE, ENCADRADA DENTRO DO PROGRAMA VOZ NATURA DESENVOLVIDO POLAS ESCOLAS, FOI ORGANIZADA POLA ASOCIACIÓN FOUSAS AO MONTE  E CONTOU COA COLABORACIÓN DO CONCELLO DE RIANXO E A COMUNIDADE DE MONTES FEITOSO DE TARAGOÑA.

EN POUCO TEMPO DARÁ COMEZO O PERIODO DE RESERVA DE PRAZA PARA O VINDEIRO CURSO. AQUÍ VOS QUEDA A ESENCIA DAS NOSAS ESCOLAS REFLEXADA NUN LIPDUB FEITO CON MOITO AMOR!

VINDE CON NÓS AO CRA DE RIANXO!   

DENDE O ANO 1964, CADA 30 DE XANEIRO CELÉBRASE O DÍA ESCOLAR DA NON VIOLENCIA E A PAZ.

ESTA DATA, RECOÑECIDA POLA UNESCO EN 1993,  CONMEMORA O DÍA DA MORTE DE MAHATMA GANDHI, DEFENSOR DA NON VIOLENCIA COMO MEDIO DE PROTESTA E REVOLUCIÓN. 
GANDHI É TAMÉN COÑECIDO POLO SEU EMPEÑO EN GARANTIR O RESPECTO AOS ANIMAIS:

"A GRANDEZA DUNHA NACIÓN E O SEU PROGRESO MORAL PODEN MEDIRSE POLO TRATO QUE RECIBEN OS SEUS ANIMAIS"