O MARTES 18 DE SETEMBRO O ALUMNADO E PROFESORADO DO CRA DE RIANXO PARTICIPou NUN NOVO CONCERTO DIDÁCTICO PROPOSTO POLA ESCOLA DE MÚSICA DE RIANXO.

NESTA OCASIÓN, 1 TUBA, 1 BOMBARDINO E 2 TROMBÓNS ACHEGARÁRONNOS Á MUSICA DE CINE.

BENVID@S AO NOVO CURSO

 O luns día 3 de setembro deron comezo as actividades do curso 2018-2019.

A presentación e inicio das actividades lectivas realizarase nas aulas do CRA o mércores 12 de setembro, en horario de 10:00 a  12:00 h.

COMUNICACIÓN COAS FAMILIAS

As familias que precisen comunicarse co centro antes do 12 de setembro, poden facelo na sede do CRA na Atalaia- Asados en horario de 10:00 a 13:00 h.

ORGANIZACIÓN DO PROFESORADO, 3 DE SETEMBRO

- Reunión xeral ás 11:00 na sede do CRA de Rianxo. Os mestres e mestras titor@s deben pasar antes polas escolas.

- As profesoras e profesores de nova incorporación ao centro deben achegarse á sede ás 10:00 h para realizar a toma de posesión.

No enlace que se achega, pode consultarse a listaxe provisional de solicitudes admitidas e excluidas  para a solicitude de libros te texto e material escolar.

A listaxe en formato .pdf, ordena aos alumnos e alumnas por curso e por apelidos e indica o estado da solicitude e a admisión ou a exclusión da solicitude de axuda. No caso de exclusión indícase o motivo da exclusión.

Enlace para a descarga do documento

Poden  formularse  alegacións as causas de exclusión na sede do C.R.A. ata o venres día 13 de xullo. 

Horario de atención: todos os días entre as 11:00 e as 13:00 horas ata o día 13 de xullo.

No caso de dificultades parar presentar alegacións neste horario, prégase chamar ao 981863305 ou ao 620635295.

POdedes consultar a Orde que regula o procedemento para participar no Fondo Libros no seguinte enlace:

Orde de 9 de maio de 2018, que regula  a participación no Fondo Libros

A dirección do centro

No enlace que se achega pode acceder á memoria de fin de curso. Algunha documentación está inda en revisión e outra vai ser incorporada. Para entrar e consultar a documentación debe facelo como /convidado/

MEMORIA DE FIN CURSO

MERCORES 20 DE XUÑO

XUNTANZA DE FIN DE CURSO

CENTRO SOCIOCULTURAL DE ARAÑO

Teremos xogos de arqueoloxía, taller de olaría,

coñeceremos as herbas de san Xoan, debuxaremos un enorme Arco da Vella,

e podermos ver moitos traballos dos nenos e nenas das escolas

Non faltedes.

O pasado mércores 16 de maio celebramos o Día das Letras Galegas no Campo de Maneiro (Taragoña) coa nosa tradicional carreira na que crianzas, familias, profesores e profesoras participaron activamente manifestando o seu apoio na defensa da lingua galega.

Foi unha xornada moi agradable na que tornamos a rivalidade e a competitividade por convivencia e unidade fronte a unha causa que nos preocupa como é a continua perda de galegofalantes. Levamos a cabo distintas actividades co obxectivo de enxalzar o valor do galego como símbolo de identidade propia e da riqueza cultural que posuímos os galegos e as galegas. 

Logo de recibir a tódalas escolas comezamos coas carreiras baixo o lema "movémonos polo deporte e a cultura". Ademáis, este ano quixemos darlle un carácter solidario colaborando coa campaña "Gotas para Níxer" de UNICEF. 

A continuación tivo lugar un acto no que os nenos de Primaria da escola do Pazo renderon unha homenaxe á escritora á que este ano se lle adica o Día das Letras Galegas: María Victoria Moreno.

Continuamos coa entrega de medallas e diplomas para dar paso a unha animada foliada na que bailamos e cantamos cantigas propias de Rianxo, como mostra do patrimonio musical da nosa vila, ó son dos instrumentos tradicionais interpretados por familiares, amigos e mestres do noso CRA.  

Para rematar degustamos unha rica merenda que prepararon as familias.

Aquí tedes un vídeo onde se amosa o ben que o pasamos. Agardamos que vos guste!

Seguindo a liña do proxecto deste curso, dende Voz Natura propuxémoslle ás escolas que indagaran sobre o seu patrimonio, a súa cultura e as súas tradicións. Decatámonos de que moi preto das nosas escolas podemos atopar numerosas construccións arquitectónicas antigas que desempeñaban unha función esencial nunha determinada época.

Tamén observamos o rica que é a nosa cultura, chea de costumes e tradicións que se mantiveron presentes na nosa terra co paso do tempo grazas á transmisión interxeracional pero que, por mágoa, estanse perdendo nos nosos días. Por iso creemos que son un ben moi valioso que temos que coidar e protexer, para que perduren moitos anos máis.

Esta é unha mostra do traballo realizado en cada unha das escolas do C.R.A. sobre o noso patrimonio máis próximo.

Por orde do 21 de marzo de 2018 convócase concurso de méritos para a selección e nomeamento da dirección nos centros docentes públicos. Entre os centros con vacantes figura o C.R.A. de Rianxo, ao ter cumplido a actual dirección catro anos de exercicio.

Achégase a seguinte documentación, relacionada co concurso

- Orde de 21 de marzo

- Proxectos de dirección presentados

• Tobías Betanzos Rego

- Constitución da comisión de selección

O VINDEIRO SÁBADO 28 DE ABRIL A NOSA ANPA IRMÁNS INSUA CONVÍDANOS AO TEATRO. VEREMOS A OBRA MISTERIOS NO AUDITORIO MUNICIPAL DE RIANXO ÁS 12:00 DA MAÑÁ. CONTAMOS CON TODOS VÓS, ANÍMADEVOS A PARTICIPAR!