CONCERTO DIDÁCTICO NO AUDITORIO

Mañá as dez da mañá os nosos nenos e nenas asistirán ao concerto didáctico que ofrece a Escola de Música de Rianxo para os escolares do concello. Saíremos das nosas escolas ás 9:15 e voltaremos ao rematar o concerto continuando co noso horario habitual.

Soliditude de admisión curso 18-19

 Dende hoxe ata o día 20 de marzo está aberto o prazo para realizar a solicitude de admisión de novos alumnos e alumnas  no noso centro.

Podedes recoller os impresos de solicitude nas Escolas do C.R.A., en Abuin, Rañó, Quintáns, Capela, Outeiro, Cruceiro, Cuvide ou Pazo e tamén na Sede do Centro en Atalaia Asados.

Tamén podedes realizar a solicitude de admisión no seguinte enlace da Consellería de Educación: Admisión curso 18-19

Para calquera dúbida ou consulta, dirixídevos á Escola na que desexades matricular a voso fillo ou filla, ou á sede.

Tamén podedes chamar ao 981863395

Ou enviar un e-mail a cra.rianxo@edu.xunta.es

 

 

PLANTANDO NO CAMPO DE SAN ANTÓN

A vindeira semana levaremos a cabo unha xornada de educación medioambiental onde nos desprazaremos ata o Campo de San Antón na parroquia de Leiro para realizar unha plantación de árbores. A actividade está organizada polo Equipo de Voz Natura do centro e conta coa colaboración da ANPA. Tamén aproveitaremos para facer unha visita ao muiño de Xosé María en Rial. A principios de semana concretaremos a data xa que estamos pendentes das previsións meteorolóxicas.

CLUBE DE CIENCIA CRA DE RIANXO

Este mércores 31 de xaneiro en horario de 5 a 6 da tarde comeza a súa andadura o noso Clube de Ciencia. Estarán con nós os nosos amigos de Arenaria para ensinarnos un montón de cousas sobre ciencia e natureza, charlando, experimentando e sorrindo.

FAUNA MARIÑA

MAXIA OU CIENCIA 

ACTIVIDADES MEDIOAMBIENTAIS CA ANPA

A Anpa Irmáns Insua do noso cole invitanos a realizar unha serie de actividades medioambientais relacionadas ca conservación do noso medio natural. Nos vindeiros días chegarán ás nosas escolas unhas caixiñas marabillosas que agochan un segredo cheo de vida:

                                                                 

Unha semente que imos plantar e coidar para ver como agroma e como nace unha árbore. A Anpa ten planificado organizar unha plantación con todas estas arboriñas criadas na escola dende o coidado, o respeto e o amor pola natureza. Tamén nos invita a ler o conto A árbore da escola que,  ao igual que a caixiña, tamén chegará ás nas nosas escolas nos vindeiros días:

Nós coma sempre estaremos encantados e encantadas de sumarnos a esta iniciativa e traballaremos dende as nosas escolas para mellorar o noso entorno e por tanto as nosas vidas.

TARDES CON DANIEL

Hoxe a nosa biblioteca volve abrir as súas portas no seu horario habitual, ao redor das 17:00 h a profe Vero de Capela vainos contar Carabuñas.

Animádevos a participar

TARDES CON DANIEL

Hoxe pola tarde despois destas saborosas vacacións de Nadal o noso amigo Daniel volve convidarnos a pasar unha tarde divertida en compaña dos libros. A nosa biblioteca abre ás súas portas no seu horario habitual , e en torno ás cinco da tarde a profe Marién nos conta La gran fábrica da las palabras. Animádevos a participar

CONCENTRACIÓN CONTRA O ASASINATO DE DIANA QUER. LUNS 1 DE XANEIRO AS 13:00 DIANTE DA CASA DO CONCELLO

Fotografía de Diana tomada do Diario de Navarra.

Dende o C.R.A. de Rianxo chamamos a participar na concentración contra o asasinato de Diana Quer. 

O concello de Rianxo e entidades sociais e políticas, fan  un chamamento a participar: 

Concello de Rianxo

Mañán luns, 1 de xaneiro, á unha da tarde concentración silenciosa perante o Concello na Praza de Castelao en repulsa á violencia contra as mulleres, neste caso todo parece indicar a Diana, e en solidariedade coa familia.

Previamente a corporación de Rianxo celebrará unha sesión extraordinaria ás 12.30 h.

FESTIVAL "FESTEXANDO O NOSO PATRIMONIO"

Mañá mércores 20 de decembro levaremos a cabo o noso festival de Nadal no Auditorio Municipal de Rianxo. Os nosos pequenos e pequenas nos deleitarán con cancións e bailes homenaxeando o noso patrimonio cultural e popular. Todas as familias que nos queirades acompañar seredes moi ben recibidas. Contamos con vós para pasar este día tan espacial todos xuntos.

A hora de inicio será ás 10 de mañá e o remate sobre as 12:30 h.

O claustro de profesores do CRA de Rianxo e todos os nosos nenos e nenas desexámosvos un bo Nadal e un próspero aninovo. 2018

Moitos bicos para todos e todas.

Pesentación guía de lectura do concello

Hoxe pola tarde como se nos indica no cartaz terá lugar a presentación da guía de lectura do concello, en representación do CRA de Rianxo asistirá a aula de Pazo Primaria. Os nosos nenos recitarán poemas da obra "Poemar o mar" de Antonio García Teijeiro.

Animádevos a participar!

Imaxes da actividade

Distribuir contido