Ola a todos e a todas,

os nosos compañeiros e compañeiras de Capela están a desenvolver xunto cos seus compañeiros e compañeiras de infantil un proxecto sobre os vermes de seda e decidiron, axudándose da Intelixencia Artificial crear unha presentación sobre o ciclo de vida destes animais. Utilizaron unha aplicación chamada Gamma, que lles permitiu crear unha presentación dinámica e educativa. Nesta actividade, os nenos e nenas plasmaron o que aprenderon sobre o ciclo de vida dos vermes e como utilizar a I.A. de maneira creativa e responsable no proceso educativo. Baixo a guía das profes Celia e María, exploraron as funcionalidades de Gamma e decidiron que contido incluír na presentación.

Traballaron en equipo para seleccionar as mellores imaxes e con axuda das profes redactaron o texto de cada diapositiva, asegurándose de transmitir de maneira clara e concisa a información sobre o ciclo de vida dos vermes de seda.

Unha vez completada a presentación quixeron compartila con todos nós. Clicando na imaxe de abaixo podes entrar na presentación, unha vez dentro clicar en "presentación" e pulsando nas frechas do teu teclado poderás avanzar para ver todas as diapositivas que fixeron. 

Foi unha experiencia enriquecedora que demostrou como a combinación da tecnoloxía e o aprendizaxe colaborativo pode xerar resultados sorprendentes! @s nos@s compañeiros seguen a investigar o proceso de vida dos vermes (ou.... deberíamos dicir eirugas ou larvas? Ahí o deixamos) que teñen na escola, que acaban de eclosionar e están engordando rápidamente comendo das saborosas follas de moreira que lles gustan tanto. Aquí vos deixamos unhas fotos de como van os "vermes" de Capela:

Ata á proxima!

@s nos@s compañeir@s da escola de Pazo dentro do proxecto "A Orixe" están investigando sobre os dinosaurios. Aprenderon un montón de cousas e na mesa de experimentación recrearon o hábitat destes animais que dominaron a Terra durante moitísimo tempo.

A verdade e que vos quedou francamente ben. Noraboa compañeir@s! 

Non pensedes mal, nesta sesión do club de ciencia aínda que o seu título pode levar a confusión non imos ver a tele! Pero utilizando o nome desta famosa serie de televisión que ten como protagonistas a uns científicos moi especiais e divertidos, mergullámonos no estudio das orixes do universo e do noso sistema solar.

Fixemos un montón de cousas de forma lúdica e entretida: xogamos ao memory sobre os compoñentes do universo, construimos galaxias, creamos unha maqueta do sitema solar, investigamos sobre os movementos planetarios de rotación e translación observando o número de voltas ao Sol que da cada planeta  e o tempo que tarda en facelo, consultamos libros sobre o universo.... Foi unha tarde xenial! Ata a próxima!

Adicamos esta sesión do club de cienciaa un dos científicos máis importantes e coñecidos da Historia Natural que garda unha estreita relación co proxecto que traballamos este ano no noso cole "A Orixe". Escoitastes algunha vez falar da evolución das especies? O nome de Charles Darwin éche coñecido? Imos aprender sobre a viaxe que realizou ás Illas Galápagos e como anotaba todas as suas ideas, para despois explicar á sociedade cómo ao longo do tempo as especies foron cambiando para adaptarse ao seu entorno. Moitas das súas ideas cambiaron a ciencia para sempre.

Hoxe coñecimos ao señor Darwin e as súas teorías sobre a evolución. Ata a próxima!

Esta semana no club de ciencia investigamos as diferentes formas que teñen os animais de ter fillos, xa que é un dos procesos fundamentais no noso planeta dunha beleza e complexidade tal, que necesita ser explicado e investigado. Aprendemos sobre os tipos de reproducción que existen sexual e axesual e tamén a cerca da clasificación dos animais segundo a súa forma de reproducirse e nacer: ovíparos, vivíparos....

Foi unha xornada moi entretida e fructífera porque nos encantan os animais e nos encanta aprender todo o que podemos sobre eles. Ata a próxima!

Esta semana no club de ciencia aprendemos un montón sobre as relacións entre as especies de animais que hai polo mundo: onde viven, en que ecosistemas se desenvolven, os parentescos entre animais de distintos continentes,curiosidades…

Lóxicamente tivemos que traballar co mapamundi e o globo terráqueo. Aprendemos un montón porque nos encanta saber cousas sobre os animais. Ata a próxima!

@s nos@s compañeir@s da escola de Capela iniciaron a tempada de plantacións na escola. Os máis maiores axudaron @s peques ensínandolles cal é o proceso correcto para que a planta prenda. Entre outras cousas plantaron framboesas no patio da escola. 

Unha vez rematado o traballo, só falta coidar e esperar para recibir estes deliciosos froitos. Sorte compañeir@s! Esperamos degustar pronto desas ricas framboesas. Ata a próxima! 

Na sesión de club de ciencia desta semana aprendemos un montón de cousas a cerca dos dinosaurios e convertémonos e paleóntologos por un día, buscando fósiles e utilizando os mesmos utensilios que usan eles. Para rematar creamos o noso propio fósil que levamos para a casa ao rematar a sesión.

Pasámolo moi ben! Ata a próxima!

Esta semana no club traballamos moitas cousas. Aprendimos que as nosas marcas dactilares son únicas, e averiguamos por que. Miramos e comparamos unhas con outras, para saber en que cambian e como se forman. Descubrimos cousas moi interesantes de mulleres científicas e escribimos con pluma!

Foi xenial, pasámolo moi ben! Ata a próxima.

Esta semana no club aprendimos moitas cousas a cerca de onde veñen os animais que podemos ver hoxe no noso día a dia. Investigamos e coñecemos quenes son os avos dos nosos mexillóns, polvos, nécoras, ourizos…

Pasámolo moi ben e descubrimos un montón de cousas sobre a orixe dos animais. Ata a próxima!