Informámosvos de que saíu publicada a convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2023/2024.
Os prazos de presentación son do 22 de maio ao 21 de xuño, ambos incluídos.
Cubrirase un único impreso para todas as axudas (libros e material) e será unha única solicitude para tod@s @s fill@s que estarán matriculad@s e/ou admitid@s no noso centro, no curso 2023/2024.
As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática «fondolibros» (https://www.edu.xunta. es/fondolibros) ou a través da sede electrónica da Xunta de Galicia, https://sede.xunta.gal.
Opcionalmente, poderanse presentar as solicitudes de maneira presencial na secretaría do centro, previa petición de cita.
Nos arquivos adxuntos atoparedes os anexos a cubrir e información de interese.
Ante calquera dúbida poñédevos en contacto co centro.