Skip to Content

ERASMUS +

SAÍMOS NA PRENSA!!

O MAGOSTO

A pasada semana celebramos o Magosto xunto coas nosas convidadas e convidados procedentes de Cividale del Friuli e Rovinj; e para iso vestimos ao noso centro coas súas mellores galas e… mesmo contamos cunha auténtica vaixela de Sargadelos!

 

O día comezou coa plantación de 3 árbores, unha por cada rexión participante no Proxecto Rush: Friuli, Istria e Galicia; que a partir de agora serán uns habitantes máis no CEP Carlos Casares.

 

E como non podía ser doutro xeito, logo de tanto traballo fumos cargarnos a tope de enerxía cun pequeno almorzo porque aínda nos quedaba por diante unha gran xornada de xogos e moita, moita diversión!

 

Agradecer de novo a Carmo e Manolo polo seu traballo e compaña como cada ano, sen o cal o Magosto non sería o mesmo!

 

Deixámosvos uns enlaces para que poidades descargar as fotos que máis vos gusten:

Plantación de árbores: https://photos.app.goo.gl/UQWCjbvtS173mXWb7

 

Xogos, castañas e salto á fogueira:  https://photos.app.goo.gl/hwCfJrbW6sMjN3Wr5

 

Ata a próxima!

 

 
 
 

O NOSO PROGRAMA MÁIS INTERNACIONAL

O pasado xoves 24 de outubro, desde Radio Saltamontes transmitimos un programa moi especial, acompañados do alumnado procedente de Cividale del Friuli e Rovinj (Istria), co que partillamos unha semana chea de momentos inesquecibles.

Neste programa, explicamos entre outras cousas, en que consiste o Proxecto RUSH e porque é tan importante para nós. Tamén preparamos algunhas preguntiñas para coñecer un pouco mellor aos nosos convidados e convidadas. 

 

Estade ben atentos porque traemos algunha que outra sorpresiña para despedir o programa tal e como se merece!

Aproveitamos para agradecer ás familias acolledoras e a todo o alumnado pola súa xenerosidade e boa disposición e así converter ao noso centro nun espazo de encontro internacional!

 

 

Ata outra e... BOA  ESCOITA!
 
 
 

BENVIGNÛTS, BENVIGNUDI, BENVIDOS E BENVIDAS!

 

Hoxe, luns 21 de outubro, o CEP Carlos Casares dou a benvida ao alumnado e

 

 

profesorado friulano e istrio, que nos acompañará ao longo desta semana a través

 

do Proxecto RUSH do Erasmus+.

 

 

 

 

Paqui, a directora do CEP, xunto co alumnado acolledor; foron os encargados

 

 

de presentar aos que serán os nosos novos compañeiros e compañeiras. Así,

 

 

descubrimos que cousas saben sobre Galicia, cales son as súas afeccións, as súas

 

 

comidas favoritas, etc. e até aprendemos un pouquiño de italiano!

 

 

Entre o alumnado friulano, incorpóranse as nosas

 

 

aulas Nina e Giorgia en 3º, Rosita en 5º e Flaminia e Luca en 6º curso. Pola súa

 

 

parte, entre o alumnado procedente de Istria contamos con Nicole, Flora,

 

 

Lana e Gabriel en 5º e Danea en 6º curso. Non nos esquecemos do profesorado

 

 

estranxeiro; Marina, Fabio e Loredana, que esperamos, desfruten moito a estadía

 

 

en Alxén.

 

 

 

 

 

 

Benvignûts, benvignudi, benvidos e

 

 

 

benvidas!

XORNADAS EN SANTIAGO DE COMPOSTELA

Os días 13, 14 e 15 de maio tivo lugar en Santiago de Compostela unhas xornadas que forman parte do proxecto RUSH. Foron organizadas por outro dos membros deste programa, a Consellería de Educación, nomeadamente Noemí e Elena. Viñeron todos os outros socios,Cividale del Friuli, Rovigno (Istria) o ARLEF (Italia) e como non, o IES Salvaterra. 

O día 13 foron reunións de traballo para decidir o que se vai a facer a partires de agora e concretar datos sobre a próxima visita a Salvaterra, que terá lugar dende o día 21 ata 25 de outubro deste ano.

O día 14 tivo lugar un evento multiplicador ao que asistiron moitos mestres doutros centros. Hobo varias ponencias moi interesantes, Jorge Mira (físico galego) Iolanda Castaño (poetisa galega) Iago Buerger (mestre do IES Cova Terreña e un dos "culpables" de que nós esteamos nesto) pero as mellores de todo a que non sabedes de quen foi?? Da nosa directora Paqui!! e a de Víctor, o director do IES, fixérono xenial!!!

PARABENS COMPAÑEIROS!!

 

CENTRO DE RECURSOS

Un dos socios participantes neste proxecto ERASMUS+.RUSH é o ARLEF (Agjenzie Regjonal pe lenghe furlane). É unha axencia que se encarga de difundir a lingua friulana, lingua minoritaria de Cividale del Friuli, que como sabedes é a cidade á que pertence outro dos centros participantes. 

Pois ben, eles quedaron encargados de crear un centro de recursos con todo o material que se vai producindo e sabedes que? QUE XA ESTÁ CREADO!!!

Aqui vos deixamos un enlace para que poidades visitalo, premede na imaxe.

PROPOSTAS MENÚS PARA O RUSHMENU

Está moi ben eso de crear un logotipo para un menú peeero... e a comida que? Case mais importante que o deseño é a comida non si?

Pediusenos que escolleramos un menú que constara de 4 pratos: entrante, primeiro, segundo e sobremesa.

E estes foron os que escolleron os/as nosos/as alumnos/as, que vos parece? Cales escolleriades vós?

 

VOTACIÓNS LOGOS RUSHMENU

O día 25 de febreiro realizouse no IES Salvaterra de Miño a elección do logotipo que representaría ao RUSHMENU. Así que alá marcharon as mestras Belén e Luz acompañadas de Adrián S. de 6º nivel e de Celia de 5º nivel, para participar nas votacións. Ía ser unha videoconferencia entre as tres delegacións, pero por problemas técnicos non se puido levar a cabo e quedou nunha conferencia, sen imaxe.

Aqui vos deixamos unha pequena mostra daquel día.

RUSHMENU

Neses días que estivemos en Cividale del Friuli, ademais de compartir experiencias cos compañeiros das outras delegacións, ver como traballaban eles nos seus centros, tivemos moitas reunións de traballo onde tiñamos que poñernos dacordo sobre que iamos traballar este curso e o vindeiro. Tiña que ser un proxecto no que puideramos estar involucrados os tres países e no que que cada un puidera aportar algo. Chegamos á conclusión de que o mellor sería crear un restaurante. Ese restaurante vaise chamar RUSHTAURANT, e terá un menú degustación con platos tipicos de Istria, Friuli e Galicia. Os centros de primaria son os encargados de deseñar o logotipo que irá nese menú degustación que levará por nome RUSHMENU.

Cada delegación tivo que presentar tres logotipos e o día 25 de febreiro realizouse unha videoconferencia para facer a votación da que saiu o logo gañador.

Aquí vos deixamos imaxes de todos os logos presentados, veredes que bonitos son todos, a votación foi moi complicada!!

Estes son todos os logos do noso cole que se presentaron á primeira fase do certame, a fase de centros, de aquí sairon os que pasaron á seguinte, a fase intercentros

 E aquí tedes os logos das outras delegacións que pasaron á fase intercentros, de aquí saiu o logo gañador, o que levará o produto final do proxecto o RUSHMENU.

TRABALLO PRESENTADO O PASADO MES DE OUTUBRO EN ITALIA

O pasado mes de outubro, tres mestras do cole tiveron que viaxar ata Cividale del Friuli en Italia, para presentar o traballo que levamos feito para o programa europeo no que estamos inmersas, o proxecto RUSH de promoción das linguas minorizadas. 

Nós presentamos un resumo de todas as actividades feitas durante o curso pasado sobre o proxecto do centro "As abellas e o mel". Temos que dicir que lles encantou, quedaron abraiados de todo e do ben que traballamos!! 

Aqui volo deixamos, esperamos que vos guste tanto coma a eles.

Ademais deste magnífico traballo sobre as abellas, tamén levamos unha presentación - resumo das actividades que facemos na nosa emisora escolar RADIO SALTAMONTES, mirádea!

Distribuir contido


by Dr. Radut