Programación

E para continuar co tema deste ano o alumnado de valores de 4º nivel investigou sobre mulleres deportistas de especial relevancia no panorama deportivo mundial. Así, escoitando este programa aprenderemos cousas sobre mulleres que destacan nalgún deporte como por exemplo, Mireia Belmonte, Simone Biles, Vanesa Williams ou a galega Ana Peleteiro. 

Os nenos e nenas de 6º estiveron investigando sobre mulleres importantes no campo da ciencia e atoparon unhas poucas. Tamén descubriron que houbo moitas inxustizas que non podemos consentir que sigan sucedendo. Premede na imaxe para escoitar o programa.

Os nenos/as de 1º nivel, quixeron amosarnos os seus avances e nada mellor que recitarnos unhas poesías da autora galega Rosalía de Castro. Tamén quixeron contarnos unha historia da que non saberemos o desenlace ata a vindeira emisión. Queredes axudar a construir o final? Pasade pola aula de 1º  para dar as vosas ideas, pero antes teredes que saber de que vai non? Pois premede na imaxe e escoitade con atención.

Dende Ponte... Nas Ondas propuxéronnos participar no Día Mundial da Radio, celebrado o día 13 de febreiro. Nós, non fomos quen de negarnos e decidimos facer este programa especial sobre xogos tradicionais de diferentes países, aproveitando que contamos con familias de diversas nacionalidades, Brasil, Italia... Tamén con xogos de aquí, de Galicia. 

Escoitade, a ver se recoñecedes a alguén!!

O alumnado de 2º non podía ser menos e tamén quixo investigar sobre unha científica que ademáis é galega: Begoña Vila. Premede na imaxe se queredes saber quen é esta muller.