Skip to Content

segundo ciclo

DÍA DA POESÍA

Ven, 2023-04-21 13:28 — admin

O pasado día 21 de marzo foi o Día da poesia e do Síndrome de Down... O alumnado de 3º curso de Relixión foi á emisora a anunciar ditas datas e a recitar diferentes poemas de diferentes autores elexidos por eles mesmos co asesoramento dos colaboradores da biblioteca.

ESPECIAL NADAL

Dom, 2023-01-08 18:53 — admin

E chegamos ao fin do trimestre con este programa realizado polo alumnado de 4º nivel da clase de Relixión. Desexámosvos un moi bo nadal e que pasedes unhas boas vacacións. Descansade moito e vinde preparados para o vindeiro trimestre que virá cargadiño de novidade e celebracións. Vémonos no 2023!!

BOA ESCOITA

CANCIÓNS DE NADAL ALTERNATIVAS

Dom, 2023-01-08 18:40 — admin

Estámonos achegando ao Nadal e xa empezan a soar por todas as esquinas as mesmas cancións de sempre. O alumnado de 4º nivel proponnos outras versións desas cancións de nadal de sempre. Que vos parecería escoitar poder escoitar rock ou incluso heavy metal e que siga sendo nadal? Que non o credes? Pois escoitade e desfrutade...

BOA ESCOITA

 

O SISTEMA SOLAR

Dom, 2023-01-08 18:04 — admin

O alumnado de terceiro nivel é un gran coñecedor do sistema solar. Mirade cantas cousas saben!

BOA ESCOITA

METEOROLOXÍA

Dom, 2023-01-08 18:00 — admin

Aproveitando que o tema deste curso é a meteoroloxía, o alumnado de 4º nivel fixo unha gran pescuda para averiguar cousas moi interesantes sobre ela. Sabedes que os animais son boísimos predicindo o tempo que vai facer? Escoitade e aprendede...

BOA ESCOITA

OS NOSOS ANIMAIS FAVORITOS

Lun, 2022-05-23 08:51 — admin

O alumnado de terceiro estivo coma tolo investigando sobre diferentes animais. Cada un/ha tivo que escoller un animal para facer unha pequena descrición del. Escolleron animais do máis variopinto. Serpe de cascabel diamantina, o coello, o gato e moitos máis... Escoitade

BOA ESCOITA

A AUGA NO PATRIMONIO CULTURAL DA CONTORNA

Ven, 2022-05-20 10:42 — admin

Como o proxecto de centro deste curso é sobre a auga e cousas relacionadas con ela, pontes, fervenzas, muíños... o alumnado de valores do 3º nivel fixo un traballo de investigación sobre todo ese tema. Buscaron adiviñas, refráns e cantigas que tiveran como tema principal a auga e ademáis deseñaron un pequeno dicionario de imaxes coas súas correspondentes definicións. se vos apetece, poderedes consultalo na biblioteca do centro.

ESPECIAL DEPORTISTAS

Mar, 2022-03-29 17:08 — admin

Desta volta o alumnado de terceiro nivel púxose en modo investigación para averiguar cantos deportistas temos na escola e que deportes practican e descubriron unha chea deles. Logo de facer unha escolma, quedaron cun capoeirista, unha nadadora, unha bailarina e un xogador das categorías inferiores do RC Celta de Vigo.

Como broche final do seu programa contactaron cun xogador de hockey profesional!!

Queredes saber quen son os nosos deportistas? Pois prestade atención...

BOA ESCOITA

SAÍDA POLO CONCELLO

Xov, 2022-03-24 11:59 — admin

O 2 de decembro do 2021 o alumnado do segundo ciclo, acompañado dos seus mestres e mestras, fixo unha pequena excursión a Salvaterra co obxectivo de coñecer os servizos municipais. Nela visitaron o Concello, Correos e o Museo do Viño ubicado nas Covas de Dona Urraca. No concello sabedes quen os recibiu? Marta, a mesmísima alcaldesa!! e ademáis tiveron a oportunidade de que Mariano, un dos policías locais lles contase un pouco máis polo miúdo cales eran as súas funcións.

Pasárono de marabilla como dan boa conta as fotos que sacaron. Botádelles un ollo.

Álbum: CURSO 21-22 -> SAÍDA CONCELLO 2º CICLO

Se me vou...

Dom, 2022-02-20 17:40 — admin

Para conmemorar o Día da Paz, o alumnado do segundo ciclo interpretou a canción "Si me voy" , unha "coreografía" con vasos de plástico, estiveron unha semana ensaiando e estaban moi emocionados coa súa interpretación. Queredes ver que tal lles saliu? Pois mirade...

 

Distribuir contido


by Dr. Radut