Skip to Content

Música

ESPECIAL DÍA DA MÚSICA

Para conmemorar o día da música, o alumnado de 5º nivel, axudados polo mestre Frany, realizou este programa especial para o que contaron cun invitado especial, un músico de carne e óso que se prestou a pasar con nós un ratiño. Queredes saber quen é e que instrumento toca? Pois prestade atención...

BOA ESCOITA

A FESTA DOS MÚSICOS

Desta volta, no programa de radio, o alumnado de 4º nivel nos descubre un dato curioso sobre o gremio dos músicos. Todos os traballos teñen un patrón, un día que celebrar, o patrón dos mestres é San Xosé de Calasanz (27 de novembro), o dos aquitectos é Santo Tomás... Sabedes que os músicos tamén teñen un día no que celebran a súa festa, pero sabiades que non é un patrón senón unha patroa? Escoitadeos para descubrir máis cousas...

BOA ESCOITA

NADAL 2020

Prezadas famillias, os mestres e mestras do Carlos Casares queremos desexarvos unhas felices festas e un próspero ano novo, e agradecervos o voso apoio e comprensión neste atípico primeiro trimestre. Aproveitamos para transmitirvos o orgullosos e orgullosas que nos sentimos do noso alumnado polo seu comportamente responsable ante esta situación. O noso aplauso este ano vai por eles, por aguantar o frío das fiestras abertas; por traballar cinco horas seguidas con máscara; por aceptar que o recreo xa non é para compartir pero si para convivir; por cumprir, a pesares de todo co académico e, sobre todo, por demostrarnos que todo isto se pode facer sen perder o sorriso.

Como este ano non se puido levar a cabo o noso habitual festival de nadal, compartimos con vós un vídeo elaborado polo mestre de música Miguel Ángel, no que se recollen as actuacións dos voso nenos e nenas. (clicade na imaxe para velo)

Bo Nadal!!!!!

Claustro de CEP Carlos Casares

 

 

DÍA DA DANZA. LUÍS PREGO

OLAAA rapazada!!!! Como estades??? Que tal vos foi co obradiro de danza do salón virtua???

Hoxe recibimos outra proposta para celebrar o día da Danza, da man doutro colaborador habitual do cole e sempre dun xeito desinteresado.

Coñecédelo practicamente tod@s, el é LUÍS PREGO. Luís leva practicamente toda a vida unido á danza e ao folclore galego. Dende ben pequeno comezou a bailar, baile galego.

Luís é un dos grandes recolledores do folclore galego. Leva case toda a vida percorrendo toda a xeografía galega e tamén as zonas limítrofes de Zamora, León, Asturias e Portugal, indo de aldea en aldea, preguntando e gravando ás persoas maiores.

Hoxe queremos facer unha homenaxe precisamente a esas persoas que tanto e tanto nos ensinan e tan necesarias son para nós como son @s nos@s avós/as e que levamos moitos días sen poder darlle unha aperta.

Luís ademais de ser bailador e mestre de baile galego, tamén é un dos músicos do grupo de música folk Ardentía, que teñen feito concertos por toda a xeografía galega.

El é o director e o mestre de música e baile tradicional galego de grandes grupos como por exemplo o Orfeón Mariñeiro do Berbés ou o grupo de baile de Lourido, entre outros.

Outra das grandes facetas de Luís é de divulgador do noso patrimonio Inmaterial. Ten publicados varios libros-CD con música para nen@s, e non tan nen@s. A canción de "Felisa vai en coche, Felisa en coche vai", coa que saiamos do colexio, está publicada no libro- CD "Para cantar e bailar". Nese mesmo libro-CD está a canción "O señor da serra" e coa que o alumnado de 4º, 5º, Xiana e Sabela, participastes no coñecidísimo programa Luar, da TVG.

Na Radio Picariña, da crtvg, tamén podedes escoitar varias das súas cantigas.

 

 Como xa vos dixen, Luís ten feito un traballo moi importante como divulgador. Un dos traballos máis potentes que e que tivo unha grande repercusión é o proxecto "Un punto ao día con Luís Prego". Publicou un punto do baile galego durante un ano completo. Si, Si 365 puntos de muiñeira, xota, maneos... Un inmenso traballo e legado que publicou na rede, de xeito altruísta. Luís é tremendamente xeneroso!!! Este proxecto foi un anticipo ao que nestes momentos estamos a vivir. Como xa vos contei Luís dá clases de baile, na parroquia de Lourido, e unha das súas alumnas foi a estudar a Compostela. Para que poidera seguir aprendendo os pasos do baile, o seu pai e a súa nai, gravábanlle un vídeo e logo enviábanllo. Así foi como xurdíu este magnífico proxecto que ten como obxectivo que todas as persoas, que o desexaran, poidan a prender a bailar.

Só por isto que vos acabo de contar xa lle debiamos unha homenaxe ao mestre Luís. Pero unha vez máis demostrou o seu carácter máis xeneroso e mandouvos este vídeo cun paso moi sinxelo de muiñeira para que o poidades bailar tod@s.

Estaría xenial que vos gravarades bailando este paso e que nolo mandedes. ANIMÁDEVOS!!! Estes puntos hai que bailalos cunha parella, asique decídelle á mamá ou ao papá que se animen. VIVA O DíA DA DANZAAAA!!!!

 En nome de toda a Comunidade Educativa do CEP Carlos Casares, quero darlle as grazas ao gran mestre e bailador, Luís Prego, polo seu enorme traballo a prol do estudo e da divulgación do folclore e do Patrimonio inmaterial Galego e por estar sempre disposto a colaborar co noso cole e co noso alumnado

MIL GRAZAS POR TODO, LUÍS

DÍA DA DANZA. MERCEDES PRIETO

Ola a tod@sss!!! Como estades???

Como van eses primeiros paseos autorizados logo de tantos días confinad@s???

Sabedes que día é mañá?? Si claro, 29 de abril!!! Pero sabedes que se celebra cada 29 de abril??

O DÍA DA DANZA!!!!

Coñecedes ao grupo Pesdelán? No noso cole temos dous traballos publicados por elas.

Unha das componentes do grupo Pesdelán é Mercedes Prieto. Unha recoñecida mestra especialista de danza. Mercedes está desenvolvendo varios proxectos onde relaciona a danza coas matemáticas, coa arte, ... Mercedes é unha veciña nosa, natural da parroquia de Leirado, que actualmente vive en Salceda de Caselas.

Este ano tiñamos programado un proxecto chamado MUSE onde a través da danza e doutras artes iamos traballar varios aspectos pedagóxicos e de socialización e ela ía ser a artista que nos ía dar os obradoiros. Por mor desta situación houbo que adialo, agardo que poidamos levalo a cabo o vindeiro curso.

Pois mañá, Mercedes e @s súas compañeir@s de Pesdelán van facer un obradoiro de danza , dende o Salón do libro en Pontevedra virtual e vós poderedes danzar no salón das vosas casas.

Que maneira tan marabillosa de celebrar o día da DANZA. Menudo PLANAZO para mañá ás 12 do mediodía!!! FESTAAAAAA!!!!!

 En nome de toda a Comunidade Educativa do CEP Carlos Casares, querémoslle dar as grazas e mandar unha aperta moi forte para Mercedes, por ter a deferencia de facernos este convite, persoal!!

Lembrade...mañá ás 12 do mediodía... TOCA DANZAR EN FAMILIA!!!!

Se vos apetece, podedes gravarvos e logo podemos facer unha montaxe.

Para participar tés qeu entrar no seguintes enlaces:

https://www.youtube.com/channel/UCKa4_z4e9ddQdC1eoprGcBA

https://www.salondolibro.gal/

 

 

CONCERTO SANTA CECILIA 2014

HOXE, 26 DE NOVEMBRO, AISITMOS AO CONCERTO "ESPECIAL SANTA CECILA " ORGANIZADO POLA MESTRA BETI E NA QUE YAGO, DANIEL ÁLVAREZ, ANXO FERNÁNDEZ, EFRÉN, CARLA GÁNDARA, SOFÍA, BRAIS UCHA, INÉS, SARA, CAROLINA, BRAIS VILA E DANIEL PÉREZ INTERPRETARON E NOS APRENDERON AS PARTES DE DIVERSOS INSTRUMENTOS MUSICAIS.

O CEP CARLOS CASARES CONTA CUN GRAN NÚMERO DE ALUMN@S QUE ESTÁN APRENDENDO A TOCAR INSTRUMENTOS DISTINTOS AOS QUE HAI NA AULA DE MÚSICA.

PARABÉNS A TOD@S OS MÚSIC@S!!!!!

Distribuir contido


by Dr. Radut